Reikšmių vertimas Sūra Al-Kijaamah - Vertimas į bantų k. - Ruandos musulmonų asociacija - Puslapio numeris 577 - Kilniojo Korano enciklopedija

Al Qiyamat

Aja (Korano eilutė): 1

لَآ أُقۡسِمُ بِيَوۡمِ ٱلۡقِيَٰمَةِ

Ndahiye umunsi w’izuka,

Aja (Korano eilutė): 2

وَلَآ أُقۡسِمُ بِٱلنَّفۡسِ ٱللَّوَّامَةِ

Nanarahiye umutima (w’umwemeramana) ugaya nyirawo (kubera guteshuka ku nzira igororotse).

Aja (Korano eilutė): 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Ese umuntu (w’umuhakanyi) akeka ko tutazakoranya amagufa ye (tumuzura)?

Aja (Korano eilutė): 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Ni byo! Dushoboye no kuringaniza imitwe y’intoki ze (imirongo iyiriho igasubira nk’uko yari imeze mbere).

Aja (Korano eilutė): 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Ahubwo umuntu (ahakana izuka) ashaka icyatuma akomeza kwibera mu bwangizi!

Aja (Korano eilutė): 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Abaza (akerensa) ati “Uwo munsi w’izuka uzaba ryari?”

Aja (Korano eilutė): 7

فَإِذَا بَرِقَ ٱلۡبَصَرُ

(Uwo munsi uzaba) igihe amaso azakanaguzwa (kubera ubwoba),

Aja (Korano eilutė): 8

وَخَسَفَ ٱلۡقَمَرُ

N’ukwezi kukazima,

Aja (Korano eilutė): 9

وَجُمِعَ ٱلشَّمۡسُ وَٱلۡقَمَرُ

Ndetse izuba n’ukwezi bigahurizwa hamwe (kimwe kikinjira mu kindi).

Aja (Korano eilutė): 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Icyo gihe umuntu azavuga ati “Ni he ho guhungira?”

Aja (Korano eilutė): 11

كَلَّا لَا وَزَرَ

(Azabwirwa ati) “Oya! Nta ho guhungira hahari!”

Aja (Korano eilutė): 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Kuri uwo munsi, igarukiro rizaba ari kwa Nyagasani wawe (wenyine).

Aja (Korano eilutė): 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Kuri uwo munsi, umuntu azabwirwa ibyo yakoze mbere n’ibyo yaherutse (byaba ibyiza cyangwa ibibi).

Aja (Korano eilutė): 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Ahubwo umuntu azibera umuhamya w’ibyo yakoze (kuko ingingo z’umubiri we ari zo zizamushinja ibyo yakoze).

Aja (Korano eilutė): 15

وَلَوۡ أَلۡقَىٰ مَعَاذِيرَهُۥ

Kabone n’ubwo yatanga impamvu ze (agamije kwiregura).

Aja (Korano eilutė): 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

(Yewe Muhamadi), ntukanyeganyeze ururimi rwawe kubera ubwira ngo (Qur’an) itagucika (ugira ngo uvuge ibyo uhishurirwa, ahubwo ujye utega amatwi wumve ibyo uba uhishurirwa na Malayika Jibrilu).

Aja (Korano eilutė): 17

إِنَّ عَلَيۡنَا جَمۡعَهُۥ وَقُرۡءَانَهُۥ

Mu by’ukuri ni twe tuzayikusanyiriza (mu gituza cyawe) kandi ni natwe tuzakwigisha kuyisoma (Qur’an),

Aja (Korano eilutė): 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Nituyigusomera (binyuze kuri Malayika wacu), ujye ukurikira isomwa ryayo.

Aja (Korano eilutė): 19

ثُمَّ إِنَّ عَلَيۡنَا بَيَانَهُۥ

Hanyuma ni twe (Allah) tuzayigusobanurira.