Reikšmių vertimas Sūra An-Naaziʻaat - Vertimas į bantų k. - Ruandos musulmonų asociacija - Kilniojo Korano enciklopedija

An –Naazi’at

Aja (Korano eilutė): 1

وَٱلنَّٰزِعَٰتِ غَرۡقٗا

Ndahiye abamalayika bashikanuza (roho z’abahakanyi) n’ubukana buhambaye,

Aja (Korano eilutė): 2

وَٱلنَّٰشِطَٰتِ نَشۡطٗا

N’abamalayika bakuramo (roho z’abemeramana) bitonze,

Aja (Korano eilutė): 3

وَٱلسَّٰبِحَٰتِ سَبۡحٗا

N’abamalayika bogoga ikirere bihuta (batwaye izo roho),

Aja (Korano eilutė): 4

فَٱلسَّٰبِقَٰتِ سَبۡقٗا

N’abamalayika bihutana (ubutumwa babuzaniye Intumwa za Allah ku isi).

Aja (Korano eilutė): 5

فَٱلۡمُدَبِّرَٰتِ أَمۡرٗا

N’abamalayika bashyira mu bikorwa ibyo bategetswe.

Aja (Korano eilutė): 6

يَوۡمَ تَرۡجُفُ ٱلرَّاجِفَةُ

Umunsi (impanda ya mbere izavuzwa), maze isi n’imisozi bigatigita bikabije (buri kiremwa kigapfa),

Aja (Korano eilutė): 7

تَتۡبَعُهَا ٱلرَّادِفَةُ

(Umutingito wa mbere) uzakurikirwa n’undi mutingito (maze buri kiremwa kizuke),

Aja (Korano eilutė): 8

قُلُوبٞ يَوۡمَئِذٖ وَاجِفَةٌ

Uwo munsi imitima (ya bamwe) izaba ifite ubwoba n’agahinda,

Aja (Korano eilutė): 9

أَبۡصَٰرُهَا خَٰشِعَةٞ

Ndetse n’indoro yabo izaba yaciye bugufi (isuzuguritse).

Aja (Korano eilutė): 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Bazavuga bati “Ese mu by’ukuri tuzasubizwa mu buzima (bwacu bwo ku isi) twahozemo?”

Aja (Korano eilutė): 11

أَءِذَا كُنَّا عِظَٰمٗا نَّخِرَةٗ

“Ese n’iyo twaba twabaye amagufa ashangutse?”

Aja (Korano eilutė): 12

قَالُواْ تِلۡكَ إِذٗا كَرَّةٌ خَاسِرَةٞ

Bazavuga bati “Uko kugaruka kwacu (ku isi twifuza) kwaba ari igihombo!”

Aja (Korano eilutė): 13

فَإِنَّمَا هِيَ زَجۡرَةٞ وَٰحِدَةٞ

Mu by’ukuri hazabaho indi mpanda izavuzwa rimwe gusa.

Aja (Korano eilutė): 14

فَإِذَا هُم بِٱلسَّاهِرَةِ

Icyo gihe bazisanga imusozi (bongeye kuba bazima nyuma yo gupfa).

Aja (Korano eilutė): 15

هَلۡ أَتَىٰكَ حَدِيثُ مُوسَىٰٓ

Ese inkuru ya Musa yakugezeho?

Aja (Korano eilutė): 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Ubwo Nyagasani we yamuhamagaraga ari mu kibaya gitagatifu cya Tuwa (agira ati),

Aja (Korano eilutė): 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Jya kwa Farawo kuko rwose yigometse.”

Aja (Korano eilutė): 18

فَقُلۡ هَل لَّكَ إِلَىٰٓ أَن تَزَكَّىٰ

Umubwire uti “Ese ushobora kwiyeza (ukareka icyaha cy’ubuhakanyi, ukaba umwemeramana)?”

Aja (Korano eilutė): 19

وَأَهۡدِيَكَ إِلَىٰ رَبِّكَ فَتَخۡشَىٰ

“Nkakuyobora kwa Nyagasani wawe kugira ngo umutinye?”

Aja (Korano eilutė): 20

فَأَرَىٰهُ ٱلۡأٓيَةَ ٱلۡكُبۡرَىٰ

Nuko (Musa) amwereka igitangaza gihambaye.

Aja (Korano eilutė): 21

فَكَذَّبَ وَعَصَىٰ

Ariko (Farawo) yarahinyuye aranigomeka;

Aja (Korano eilutė): 22

ثُمَّ أَدۡبَرَ يَسۡعَىٰ

Maze atera umugongo akataza (ashishikariza abantu be kudakurikira Musa).

Aja (Korano eilutė): 23

فَحَشَرَ فَنَادَىٰ

Nuko akoranya (abantu be), avuga mu ijwi riranguruye,

Aja (Korano eilutė): 24

فَقَالَ أَنَا۠ رَبُّكُمُ ٱلۡأَعۡلَىٰ

Agira ati “Ni njye nyagasani wanyu w’ikirenga.”

Aja (Korano eilutė): 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Bityo Allah amuhana by’intangarugero kubera icyaha cya nyuma (yakoze) n’icya mbere.^[1]

[1] Icyaha cyo kuba Farawo yaravuze ko ari we Nyagasani w’ikirenga, nk’uko byavuzwe muri iki gice (Surat), umurongo wacyo wa 24. Naho icya mbere ni ukuba yarabwiye ibyegera bye ko atazi ko bafite indi mana itari we nk’uko byavuzwe mu gice (Surat) cya 28, umurongo wacyo wa 38.

Aja (Korano eilutė): 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Mu by’ukuri muri ibyo harimo isomo kuri buri wese utinya Allah.

Aja (Korano eilutė): 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ese (yemwe bantu) iremwa ryanyu ni ryo rikomeye, cyangwa ikirere (Allah) yubatse (ni cyo gikomeye)?

Aja (Korano eilutė): 28

رَفَعَ سَمۡكَهَا فَسَوَّىٰهَا

Yazamuye igisenge cyacyo, maze aragitunganya.

Aja (Korano eilutė): 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ijoro ryacyo arigira umwijima, amanywa yacyo arayakesha.

Aja (Korano eilutė): 30

وَٱلۡأَرۡضَ بَعۡدَ ذَٰلِكَ دَحَىٰهَآ

Nyuma y’ibyo arambura isi,

Aja (Korano eilutė): 31

أَخۡرَجَ مِنۡهَا مَآءَهَا وَمَرۡعَىٰهَا

Ayisohoramo amazi yayo n’inzuri zayo,

Aja (Korano eilutė): 32

وَٱلۡجِبَالَ أَرۡسَىٰهَا

Anashimangira imisozi,

Aja (Korano eilutė): 33

مَتَٰعٗا لَّكُمۡ وَلِأَنۡعَٰمِكُمۡ

Kugira ngo bibagirire akamaro, mwe n’amatungo yanyu.

Aja (Korano eilutė): 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ariko igihe icyago gihambaye (umunsi w’imperuka) kizaza,

Aja (Korano eilutė): 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Umunsi umuntu azibuka ibyo yashyizemo umuhate,

Aja (Korano eilutė): 36

وَبُرِّزَتِ ٱلۡجَحِيمُ لِمَن يَرَىٰ

Umuriro wa Jahanamu ukagaragarizwa (buri wese) ureba.

Aja (Korano eilutė): 37

فَأَمَّا مَن طَغَىٰ

Ubwo wa wundi wigometse,

Aja (Korano eilutė): 38

وَءَاثَرَ ٱلۡحَيَوٰةَ ٱلدُّنۡيَا

Agahitamo ubuzima bwo kuri iyi si (agakurikira ibibi aterwa n’irari rye),

Aja (Korano eilutė): 39

فَإِنَّ ٱلۡجَحِيمَ هِيَ ٱلۡمَأۡوَىٰ

Mu by’ukuri umuriro wa Jahanamu uzaba ubuturo (bwe).

Aja (Korano eilutė): 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ariko wa wundi watinye kuzahagarara imbere ya Nyagasani we, akanabuza umutima we kurarikira ibibi,

Aja (Korano eilutė): 41

فَإِنَّ ٱلۡجَنَّةَ هِيَ ٱلۡمَأۡوَىٰ

Mu by’ukuri, ubusitani (Ijuru) buzaba ubuturo (bwe).

Aja (Korano eilutė): 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

(Abahakanyi) barakubaza (yewe Muhamadi) ku bijyanye n’igihe imperuka izabera

Aja (Korano eilutė): 43

فِيمَ أَنتَ مِن ذِكۡرَىٰهَآ

Nta bumenyi ufite bwo kugira icyo uyivugaho,

Aja (Korano eilutė): 44

إِلَىٰ رَبِّكَ مُنتَهَىٰهَآ

Ubumenyi bwayo bwihariye Nyagasani wawe.

Aja (Korano eilutė): 45

إِنَّمَآ أَنتَ مُنذِرُ مَن يَخۡشَىٰهَا

Ahubwo wowe (Muhamadi) nta kindi uri cyo uretse kuba uri umuburizi w’abatinya (umunsi w’imperuka).

Aja (Korano eilutė): 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Umunsi bazawubona, bazamera nk’aho babaye ku isi ikigoroba kimwe cyangwa igitondo kimwe.