Kilniojo Korano reikšmių vertimas - Kurdų k. vertimas – Salachuddin * - Vertimų turinys
سورەتی عبس
عَبَسَ وَتَوَلَّىٰٓ
سووره‌تی (عه‌به‌س) (واته: روو گرژى) سووره‌تێكى مه‌ككى یه‌و (٤٢) ئایه‌ته بِسْمِ اللَّهِ الرَّحْمَنِ الرَّحِيمِ {خواى گه‌وره له‌سه‌ر پیاوێكى نابینا گله‌یى له پێغه‌مبه‌ره‌كه‌ى - صلی الله علیه وسلم - ده‌كات} [ عَبَسَ وَتَوَلَّى (١) ] پێغه‌مبه‌ری خوا - صلی الله علیه وسلم - ڕۆژێك له‌گه‌ڵ هه‌ندێك له سه‌رداران و گه‌وره‌كانی قوڕه‌یشدا گفتوگۆی ئه‌كرد، له‌وانه (ئوبه‌ی كوڕی خه‌ڵه‌ف و ئه‌بوجه‌هل و عه‌باسی مامی و عوتبه‌ی كوڕی ڕه‌بیعه) ڕووی تێ كردوون و گفتوگۆی له‌گه‌ڵ كردوون به ئومێدی ئه‌وه‌ی كه موسڵمان بن، له‌به‌ر ئه‌وه‌ی ئه‌گه‌ر ئه‌مانه موسڵمان بوونایا ئه‌وا قوڕه‌یش هه‌موویان موسڵمان ده‌بوون، له‌و كاته‌دا (عبدالله¬ی كوڕی ئوم مه‌كتوم) كه پیاوێكی نابینا بووه، وه پێشتر موسڵمان بووه هات و پرسیارى له پێغه‌مبه‌ری خوا - صلی الله علیه وسلم - كردو وتى رێنماییم بكه، پێغه‌مبه‌ری خوایش - صلی الله علیه وسلم - پێی خۆش بوو له‌و كاته‌دا پرسیار نه‌كات و قسه‌ی پێ نه‌بڕێ بۆ ئه‌وه‌ی له هه‌وڵدا بێ بۆ ئه‌وه‌ی ئه‌و كه‌سانه باوه‌ڕ بێنن و موسڵمان بن بۆیه ڕووی خۆی گرژ كردو رووى لێ وه‌رگێڕا، خواى گه‌وره (عَبَسَ وَتَوَلَّى) ى دابه‌زاند، واته: پێغه‌مبه‌ری خوا - صلی الله علیه وسلم - ڕووی خۆی گرژ كردو پشتی هه‌ڵكرد له‌و پیاوه نابینایه.
Tafsyrai arabų kalba:
أَن جَآءَهُ ٱلۡأَعۡمَىٰ
[ أَنْ جَاءَهُ الْأَعْمَى (٢) ] كاتێك كه پیاوه نابیناكه (عبدالله¬ی كوڕی ئوم مه‌كتوم) هات بۆ لای، خوای گه‌وره لۆمه‌ی پێغه‌مبه‌ری خوای كرد - صلی الله علیه وسلم - (نابێت بانگخوازان ته‌نها گرنگی و بایه‌خ به ده‌سه‌ڵاتداران و گه‌وره‌كان و ده‌وڵه‌مه‌نده‌كان بده‌ن به‌ڵكو ناودارو بێناو، فه‌قیرو ده‌وڵه‌مه‌ند، ده‌سه‌ڵاتدارو بێ ده‌سه‌ڵات، ژن و پیاو، گه‌وره‌و بچووك ئه‌بێ گرنگی و بایه‌خ به هه‌مووی بدرێت پاشان خوای گه‌وره خۆی هیدایه‌تی هه‌ر كه‌سێك ئه‌دات كه ویستی لێ بێت و ئه‌و كه‌سه‌یش شایانى هیدایه‌ت بێت).
Tafsyrai arabų kalba:
فَأَنتَ لَهُۥ تَصَدَّىٰ
Tafsyrai arabų kalba:
وَهُوَ يَخۡشَىٰ
Tafsyrai arabų kalba:
كَلَّآ إِنَّهَا تَذۡكِرَةٞ
[ كَلَّا إِنَّهَا تَذْكِرَةٌ (١١) ] نه‌خێر ئه‌ی محمد - صلی الله علیه وسلم - نابێ وابكه‌یت و ئه‌م كاره دووباره مه‌كه‌وه، ئه‌م سووره‌ته‌ى كه بۆت دابه‌زیووه یادخستنه‌وه‌یه له‌لایه‌ن خوای گه‌وره‌وه، له پاش ئه‌مه پێغه‌مبه‌ری خوا - صلی الله علیه وسلم - زۆر رێزى له (عبدالله ی كوڕی ئوم مه‌كتوم) ده‌گرت.
Tafsyrai arabų kalba:
بِأَيۡدِي سَفَرَةٖ
[ بِأَيْدِي سَفَرَةٍ (١٥) ] ئه‌م قورئانه پیرۆزه به‌ده‌ستی صه‌حابه‌ی پێغه‌مبه‌ره‌وه‌یه - صلی الله علیه وسلم -، یاخود به ده‌ستى قورئان خوێنه‌كانه‌وه‌یه، یاخود ته‌واوتر ئه‌وه‌یه مه‌به‌ست پێی فریشته‌كانه ئه‌وانن كه سه‌فیرن له نێوان خوای گه‌وره‌و پێغه‌مبه‌ران و له‌لایه‌ن خوای گه‌وره‌وه وه‌حى بۆ پێغه‌مبه‌ران ئه‌هێنن، وه‌كو ئیمامی بوخاریش ئه‌فه‌رمووێ: (سه‌فه‌ره) بریتین له فریشته‌كان.
Tafsyrai arabų kalba:
كِرَامِۭ بَرَرَةٖ
[ كِرَامٍ بَرَرَةٍ (١٦) ] ئه‌م فریشتانه زۆر به‌ڕێزن لای خوای گه‌وره، وه زۆر چاكه‌كارن له كرده‌وه‌یانداو هه‌میشه خه‌ریكی په‌رستنی خوای گه‌وره‌ن و بێ فه‌رمانی خوای گه‌وره ناكه‌ن، وه پێویسته ئه‌و كه‌سانه‌یشی كه هه‌ڵگری قورئانن وه قورئانیان له‌به‌ره سیفه‌تی فریشته‌یان هه‌بێ به‌ڕێزو چاكه‌كاربن له وته‌و كرده‌وه‌یاندا، پێغه‌مبه‌رى خوا - صلی الله علیه وسلم - فه‌رموویه‌تى: (هه‌ر كه‌سێك به‌ڕه‌وانی قورئانی له‌به‌ر بێ ئه‌وه له‌گه‌ڵ ئه‌و فریشته به‌ڕێزه چاكه‌كارانه‌دایه، وه ئه‌وه‌یشی كه له‌سه‌ری قورسه‌و به‌زه‌حمه‌ت فێری ئه‌بێ و بۆی ئه‌ووترێ یان گیرییه‌ك له زمانی هه‌یه ئه‌وه دوو ئه‌جرو پاداشتی هه‌یه).
Tafsyrai arabų kalba:
كَلَّا لَمَّا يَقۡضِ مَآ أَمَرَهُۥ
[ كَلَّا لَمَّا يَقْضِ مَا أَمَرَهُ (٢٣) ] نه‌خێر مرۆڤ ئه‌وه‌ی كه خوای گه‌وره فه‌رمانی پێ كردووه وه‌كو خۆی جێبه‌جێی نه‌كردووه، واته: ئه‌م مرۆڤه كافره حه‌ق و مافی خوای گه‌وره‌ی نه‌داوه له نه‌فس و ماڵی خۆیدا، یاخود هیچ كه‌سێك ناتوانێ ئه‌وه‌ی كه خوای گه‌وره فه‌رزی كردووه له‌سه‌ری هه‌ر هه‌مووی وه‌كو خۆی جێبه‌جێ بكات.
Tafsyrai arabų kalba:
فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
{تێڕوانین له به‌خششه‌كانى خواى گه‌وره} [ فَلْيَنْظُرِ الْإِنْسَانُ إِلَى طَعَامِهِ (٢٤) ] با مرۆڤ ته‌ماشای خواردنه‌كه‌ی خۆی بكات كه خوای گه‌وره چۆن خواردنی پێ به‌خشیووه له ڕووه‌ك و دانه‌وێڵه له‌سه‌ر زه‌ویدا، واته: چۆن ئه‌و زه‌وییه مردووه زیندوو ئه‌كاته‌وه به‌و شێوه‌یه‌ش ئێوه زیندوو ئه‌كاته‌وه.
Tafsyrai arabų kalba:
وَزَيۡتُونٗا وَنَخۡلٗا
Tafsyrai arabų kalba:
فَإِذَا جَآءَتِ ٱلصَّآخَّةُ
{چه‌ند دیمه‌نێكى ترسناكى رۆژى قیامه‌ت} [ فَإِذَا جَاءَتِ الصَّاخَّةُ (٣٣) ] كاتێك كه رۆژى قیامه‌ت دێت، (الصَّاخَّةُ) ناوێكه له ناوه‌كانی ڕۆژی قیامه‌ت، بۆیه واى پێ وتراوه چونكه ده‌نگى ڕۆژی قیامه‌ت ئه‌وه‌نده قورس و سه‌خت و گه‌وره‌یه ده‌دات به گوێیه‌كانداو نزیكه كه‌ڕیان بكات.
Tafsyrai arabų kalba:
يَوۡمَ يَفِرُّ ٱلۡمَرۡءُ مِنۡ أَخِيهِ
Tafsyrai arabų kalba:
وَأُمِّهِۦ وَأَبِيهِ
Tafsyrai arabų kalba:
وَصَٰحِبَتِهِۦ وَبَنِيهِ
[ وَصَاحِبَتِهِ وَبَنِيهِ (٣٦) ] وه له خێزان و منداڵه‌كانی ڕائه‌كات، كه ئه‌مه نزیكترین كه‌سه نزیكه‌كانێتی، (عیكریمه) فه‌رموویه‌تی: پیاو ئه‌گات به خێزانی خۆی پێی ئه‌ڵێ ئه‌ی ئافره‌ت چۆن پیاوێك بوومه بۆت؟ ئه‌ڵێ: به‌ڕاستی باشترین پیاو بوویته‌و ئه‌وه‌ی له توانات بێ كردووته‌و مه‌دح و سه‌نای ئه‌كات، ئه‌ڵێ: ده‌ی ئه‌مڕۆ من پێویستم به ته‌نها یه‌ك چاكه‌یه‌كه پێم ببه‌خشی به‌هۆیه‌وه ڕزگارم ئه‌بێ، ئه‌ویش ئه‌ڵێ: وه‌ڵاهی ئه‌وه‌ی تۆ داوای ئه‌كه‌ی زۆر ئاسانه به‌ڵام ناتوانم بتده‌مێ خۆمیش وه‌كو تۆ پێویستم پێیه‌تی، ڕوو ئه‌كاته كوڕه‌كه‌ی و پێى ئه‌ڵێ: ئه‌ی كوڕی خۆم چۆن باوكێك بوومه بۆت؟ ئه‌ڵێ: وه‌ڵاهی باشترین باوك بوویته، ئه‌ڵێ: ده‌ی پێویستم به ته‌نها چاكه‌یه‌كه بمده‌یتێ ڕزگارم ئه‌بێ، ئه‌ڵێ: وه‌ڵاهی خۆم له تۆ زیاتر پێویستمه نایداتێ، بۆیه ئه‌فه‌رمووێ: له‌و ڕۆژه‌دا هه‌موو كه‌سێك له كه‌سه نزیكه‌كانی ڕائه‌كات تا داواى چاكه‌یه‌كى لێنه‌كات.
Tafsyrai arabų kalba:
لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ
[ لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ (٣٧) ] له‌و ڕۆژه‌دا هه‌ر كه‌سێك سه‌رقاڵی ئیش و كاروباری خۆیه‌تی له‌سه‌ختی ڕۆژه‌كه‌دا كه‌س نایپه‌رژێته سه‌ر كه‌س ته‌نانه‌ت پێغه‌مبه‌ران كاتێك كه خه‌ڵكی ڕوویان تێ ئه‌كه‌ن و داوای شه‌فاعه‌تیان لێ ئه‌كات هه‌موویان ئه‌فه‌رموون: (نَفْسي نَفْسي)، ته‌نانه‌ت عیسای كوڕی مه‌ریه‌م ئه‌فه‌رمووێ: (سوێند به‌خوای گه‌وره داوا له خوای گه‌وره ناكه‌م ته‌نها نه‌فسی خۆم نه‌بێ، ئه‌و مه‌ریه‌مه‌ی كه لێی بوومه داوای ئه‌وه ناكه‌م كه مه‌ریه‌میش ڕزگار بكات)، ته‌نها پێغه‌مبه‌ری خوا - صلی الله علیه وسلم - ئه‌فه‌رمووێ: (ئوممه‌ته‌كه‌م ئوممه‌ته‌كه‌م).
Tafsyrai arabų kalba:
وَوُجُوهٞ يَوۡمَئِذٍ عَلَيۡهَا غَبَرَةٞ
Tafsyrai arabų kalba:
تَرۡهَقُهَا قَتَرَةٌ
Tafsyrai arabų kalba:
أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ
[ أُولَئِكَ هُمُ الْكَفَرَةُ الْفَجَرَةُ (٤٢) ] كه ئه‌مه رووى كافرانه، ئه‌و كه‌سانه‌ی كه دڵیان پڕ بووه له كوفرو كرده‌وه‌یان خراپ بووه‌و له ڕێ ده‌رچوو بوونه‌و ئه‌و ڕۆژه‌یان به‌درۆ زانیوه‌و شوێن پێغه‌مبه‌ری خوا - صلی الله علیه وسلم - نه‌كه‌وتوونه، والله أعلم.
Tafsyrai arabų kalba:
Reikšmių vertimas Sūra: Sūra ʻAbasa
Kilniojo Korano reikšmių vertimas - Kurdų k. vertimas – Salachuddin - Vertimų turinys
Kilniojo Korano reikšmių vertimas į kurdų kalbą, išvertė Salchuddin Abdul-Karim