Reikšmių vertimas Sūra Hūd - Vertimas į luhjų k. – Tarptautinė mokslo ir kultūros asociacija - Puslapio numeris 230 - Kilniojo Korano enciklopedija

Aja (Korano eilutė): 72

قَالَتۡ يَٰوَيۡلَتَىٰٓ ءَأَلِدُ وَأَنَا۠ عَجُوزٞ وَهَٰذَا بَعۡلِي شَيۡخًاۖ إِنَّ هَٰذَا لَشَيۡءٌ عَجِيبٞ

Naboola mbu: “Eh, esie endi! Ndakhebula nengofule endi, ne omusatsa wanje wuno nakofule ari? Toto lino nilikhuwa liokhuwuchisia.”

Aja (Korano eilutė): 73

قَالُوٓاْ أَتَعۡجَبِينَ مِنۡ أَمۡرِ ٱللَّهِۖ رَحۡمَتُ ٱللَّهِ وَبَرَكَٰتُهُۥ عَلَيۡكُمۡ أَهۡلَ ٱلۡبَيۡتِۚ إِنَّهُۥ حَمِيدٞ مَّجِيدٞ

Nibaboola mbu: “Owukanga likhuwa lia Nyasaye? Tsimbabaasi tsia Nyasaye nende tsikhabi tsitsie tsibe ninanyu enywe Abandu beyinzu ino. Toto Ye ni Wokhwitsomibwa muno, Woluyali po.”

Aja (Korano eilutė): 74

فَلَمَّا ذَهَبَ عَنۡ إِبۡرَٰهِيمَ ٱلرَّوۡعُ وَجَآءَتۡهُ ٱلۡبُشۡرَىٰ يُجَٰدِلُنَا فِي قَوۡمِ لُوطٍ

Mana shingala oburi bwawa khu Ibrahim, namalile okhunyoola akomwikhoyo ako, yachaka okhukhuyingasia efwe okhulondokhana nende abandu ba Luti.

Aja (Korano eilutė): 75

إِنَّ إِبۡرَٰهِيمَ لَحَلِيمٌ أَوَّٰهٞ مُّنِيبٞ

Toto Ibrahim yali omwihotselefu muno, wokhwitsomia muno wa Nyasaye, omwangu wokhumukalushila.

Aja (Korano eilutė): 76

يَٰٓإِبۡرَٰهِيمُ أَعۡرِضۡ عَنۡ هَٰذَآۖ إِنَّهُۥ قَدۡ جَآءَ أَمۡرُ رَبِّكَۖ وَإِنَّهُمۡ ءَاتِيهِمۡ عَذَابٌ غَيۡرُ مَرۡدُودٖ

(Nikhumuboolela mbu) “Ewe Ibrahim! Lekhana nende kano. Toto likhuwa lia Nyasaye wuwo Omulesi limalile okhwitsa. Ne toto abo shilaboolela eshinyasio eshilakalusibwa inyuma tawe.”

Aja (Korano eilutė): 77

وَلَمَّا جَآءَتۡ رُسُلُنَا لُوطٗا سِيٓءَ بِهِمۡ وَضَاقَ بِهِمۡ ذَرۡعٗا وَقَالَ هَٰذَا يَوۡمٌ عَصِيبٞ

Ne olwa Abarumwa befu betsela Luti, yabelela muno khulwa bo, mana nalola obutinyu muno shichila bo, naboola mbu: “Ino ni inyanga isiro muno.”

Aja (Korano eilutė): 78

وَجَآءَهُۥ قَوۡمُهُۥ يُهۡرَعُونَ إِلَيۡهِ وَمِن قَبۡلُ كَانُواْ يَعۡمَلُونَ ٱلسَّيِّـَٔاتِۚ قَالَ يَٰقَوۡمِ هَٰٓؤُلَآءِ بَنَاتِي هُنَّ أَطۡهَرُ لَكُمۡۖ فَٱتَّقُواْ ٱللَّهَ وَلَا تُخۡزُونِ فِي ضَيۡفِيٓۖ أَلَيۡسَ مِنكُمۡ رَجُلٞ رَّشِيدٞ

Mana abandu bebe nibamwitsila tsimbilo, ne imbeli wa kano bali nibakholanga amabii. Naboola mbu: “Enywe Abandu banje, bano ni abakhana banje, bo ni abatswenufu muno khwinywe. Kho, rie Nyasaye, ne mulafimbia omurwe khubacheni banje tawe. Mwinywe shalikhomwo omusatsa omulunjifu tawe?”

Aja (Korano eilutė): 79

قَالُواْ لَقَدۡ عَلِمۡتَ مَا لَنَا فِي بَنَاتِكَ مِنۡ حَقّٖ وَإِنَّكَ لَتَعۡلَمُ مَا نُرِيدُ

Nibaboola mbu: “Toto wamala okhumanya obulayi mbu khubula oluchendo lwosilwosi mubakhana bao, ne toto omanyile obulayi muno shiakhwenyanga.”

Aja (Korano eilutė): 80

قَالَ لَوۡ أَنَّ لِي بِكُمۡ قُوَّةً أَوۡ ءَاوِيٓ إِلَىٰ رُكۡنٖ شَدِيدٖ

Naboola mbu: “Embetsangakhwo naamaani khwinywe nohomba embetsanga neenyala okhwilushia khu isiilo ya amaani muno.”

Aja (Korano eilutė): 81

قَالُواْ يَٰلُوطُ إِنَّا رُسُلُ رَبِّكَ لَن يَصِلُوٓاْ إِلَيۡكَۖ فَأَسۡرِ بِأَهۡلِكَ بِقِطۡعٖ مِّنَ ٱلَّيۡلِ وَلَا يَلۡتَفِتۡ مِنكُمۡ أَحَدٌ إِلَّا ٱمۡرَأَتَكَۖ إِنَّهُۥ مُصِيبُهَا مَآ أَصَابَهُمۡۚ إِنَّ مَوۡعِدَهُمُ ٱلصُّبۡحُۚ أَلَيۡسَ ٱلصُّبۡحُ بِقَرِيبٖ

Nibaboola mbu: “Ewe Luti, toto efwe khuli Abarumwa ba Nyasaye wuwo Omulesi, shibalakhulakhwo tawe. Kho rula ewe nende Abandu bao, mumashebelende, ne Omundu yesiyesi mwinywe alahenga inyuma tawe, halali Omukhasi wuwo. Ye toto kalamunyoola amasila ketsa okhunyoola abandi abo. Toto ebise biabu ni mumabwibwi. Koo, amabwibwi shikalisa ahambii?”