Reikšmių vertimas Sūra Ta-Ha - Vertimas į yau k. - Muchamed Bin Abdul-Hamid Slika - Puslapio numeris 313 - Kilniojo Korano enciklopedija

Aja (Korano eilutė): 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

“Soni Une nansagwile (kuŵa Ntume), basi pikanilani yaikujuwulidwa.”

Aja (Korano eilutė): 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

“Chisimu Une ni Allah! Pangali nnungu jwine (jwakuŵajilwa kun’galagatila) ikaŵeje Unepe, basi mungalagatilani, ni n’jimicheje Swala mwakolosya pakungumbuchila Une.”

Aja (Korano eilutė): 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

“Chisimu Kiyama jikwisa, melepe ngujisisa, kuti mundu jwalijose akalipidwe pa yaakupanganya.”

Aja (Korano eilutė): 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

“Sano akasansiŵilikanganya ata panandi kuleka (kulupilila) ya jalakwejo ajula jwangakujikulupilila, ni jugamba kuya isako yakwe; ntakwisa mwan’jonasiche.”

Aja (Korano eilutė): 17

وَمَا تِلۡكَ بِيَمِينِكَ يَٰمُوسَىٰ

“Ana nichichi chele chachili mu nkono wenu wan’dyo mmwe Musa?”

Aja (Korano eilutė): 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Jwalakwe jwatite: “Jalakweji nisimbo jangu, ngujijegamilaga jalakweji (pakwenda), ni ngupakatichisyaga masamba gakulichisya ngondolo syangu, nambo soni une ngwete mu jalakweji ipaka ine.”

Aja (Korano eilutė): 19

قَالَ أَلۡقِهَا يَٰمُوسَىٰ

(Allah) jwatite: “Jiponyani mmwe Musa!”

Aja (Korano eilutė): 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Ni ŵajiponyisye; basi ajile sai ŵajiweni jisyuchile lijoka lyakwenda mwaluŵilo.

Aja (Korano eilutė): 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

(Allah) jwatite: “Likamulani, soni nkajogopa. Chituliuchisye mu kaŵe kakwe kandanda (kuŵa simbo).”

Aja (Korano eilutė): 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

“Soni kwapatisyani ligasa lyenu kungwapa kwenu; chilikopoche lili lyeswela (lyakumelemenda) ngaŵaga mwaulwele, (chele nikuŵa) chisimosimo chine.”

Aja (Korano eilutė): 23

لِنُرِيَكَ مِنۡ ءَايَٰتِنَا ٱلۡكُبۡرَى

“Kuti tunnosye ine mu isimosimo Yetu yekulungwakulungwa.”

Aja (Korano eilutė): 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Jaawulani kwa Firiauna, chisimu jwalakwejo jusumbile mpika (pakulikwesya).”

Aja (Korano eilutė): 25

قَالَ رَبِّ ٱشۡرَحۡ لِي صَدۡرِي

(Musa) jwatite: “Ambuje ŵangu! Sapangulilani chidali changu.”

Aja (Korano eilutė): 26

وَيَسِّرۡ لِيٓ أَمۡرِي

“Nimunjepepachisye masengo gangu.”

Aja (Korano eilutė): 27

وَٱحۡلُلۡ عُقۡدَةٗ مِّن لِّسَانِي

“Soni gopolaani chiundo palulimi pangu (ngaŵechetaga mwachimeme).”

Aja (Korano eilutė): 28

يَفۡقَهُواْ قَوۡلِي

“Kuti (ŵandu) akapikanichisyeje yakuŵecheta yangu.”

Aja (Korano eilutė): 29

وَٱجۡعَل لِّي وَزِيرٗا مِّنۡ أَهۡلِي

“Soni mbichilaani nkungamuchisya jwakuumila kwiŵasa kwangu.”

Aja (Korano eilutė): 30

هَٰرُونَ أَخِي

“(Jwali) Haruna, nkulugwangu.”

Aja (Korano eilutė): 31

ٱشۡدُدۡ بِهِۦٓ أَزۡرِي

“Limbisyani ni jwalakwejo machili gangu.”

Aja (Korano eilutė): 32

وَأَشۡرِكۡهُ فِيٓ أَمۡرِي

“Soni mum’bwangani mmasengo gangu (gakulungusya utenga).”

Aja (Korano eilutė): 33

كَيۡ نُسَبِّحَكَ كَثِيرٗا

“Kuti tunswejesyeje Mmwejo (Allah) kwejinji.”

Aja (Korano eilutė): 34

وَنَذۡكُرَكَ كَثِيرًا

“Ni tunkumbuchileje kwejinji.”

Aja (Korano eilutė): 35

إِنَّكَ كُنتَ بِنَا بَصِيرٗا

“Chisimu Mmwe m’bele ŵakutulolechesya uwwe.”

Aja (Korano eilutė): 36

قَالَ قَدۡ أُوتِيتَ سُؤۡلَكَ يَٰمُوسَىٰ

(Allah) jwatite: “Pamasile pampedwile iŵendo yenuyo, E mmwe Musa!”

Aja (Korano eilutė): 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

“Soni chisimu chene Uwwe twampele mmwe ukoto ndaŵi jine (kalakala).”