പരിഭാഷ അദ്ധ്യായം ഹാഖ്ഖഃ - ഫിലിപ്പീൻ (ബിസായ) വിവർത്തനം - റുവ്വാദ് തർജമ കേന്ദ്രം - വിശുദ്ധ ഖുർആൻ വിജ്ഞാനകോശം

Al-Ḥāqqah

ആയത്ത്: 1

ٱلۡحَآقَّةُ

Ang dili kalikayan nga kamatooran (nga labing dayag)!

ആയത്ത്: 2

مَا ٱلۡحَآقَّةُ

Unsa ang dili kalikayan nga Kamatuoran.

ആയത്ത്: 3

وَمَآ أَدۡرَىٰكَ مَا ٱلۡحَآقَّةُ

Ug unsa ang makapahibalo kanimo kung unsa ang dili kalikayan nga Kamatuoran?

ആയത്ത്: 4

كَذَّبَتۡ ثَمُودُ وَعَادُۢ بِٱلۡقَارِعَةِ

(Ang mga tribo ni) Thamud ug ‘Aad milimod sa mihampak nga Katalagman (ang Pagkabanhaw sa dili pa ang Paghukom).

ആയത്ത്: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Unya mahitungod sa (katawhan sa) Thamud, sila gilaglag pinaagi sa gamhanan (nga pagbuto).

ആയത്ത്: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ug mahitungod sa (mga katawhan sa) ‘Aad, sila gilaglag pinaagi sa usa ka mabangis ug mapintas nga hangin.

ആയത്ത്: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Nga (ang Allah) nagpahamtang (niini) kanila sulod sa pito ka gabii ug walo ka adlaw nga walay hunong, aron imong makita ang mga tawo didto nga nanggibuy-od (nangalaglag) ingon nga sila sama sa mga haw-ang nga mga punoan sa palma (datiles).

ആയത്ത്: 8

فَهَلۡ تَرَىٰ لَهُم مِّنۢ بَاقِيَةٖ

Busa, nakakita ka ba ug salin kanila (nga buhi)?

ആയത്ത്: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Si Paraon, ang mga nauna kaniya, ug ang nangalaglag nga mga syudad (sa Sodoma ug Gomora) nagpadayon sa pagbuhat ug mga sala.

ആയത്ത്: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Sila misupak ang Mensahero sa ilang Ginoo (Allāh), busa Siya (Allāh) misakmit kanila uban sa makusganon nga pagsakmit!

ആയത്ത്: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Sa pagkatinuod, sa diha nga ang tubig miagas sa nga hilabihan, Kami midala kaninyo pinaagi sa naglutaw arka (nga gitukod ni Noe).

ആയത്ത്: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Aron Kami magahimo niini nga usa ka timaan ug nga pahinumdum kaninyong tanan, aron ang hait dalunggan nga maka-dungog magatipig niini, ug kanunay nga makahinumdom.

ആയത്ത്: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Unya sa diha nga ang trompeta pagatayhopan nga adunay kauban nga usa ka paghuyop,

ആയത്ത്: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Ug ang kalibutan mabalhin ug ang kabukiran madugmok ingon sa abog, pinaagi sa usa (lang) ka pagdugmok.

ആയത്ത്: 15

فَيَوۡمَئِذٖ وَقَعَتِ ٱلۡوَاقِعَةُ

Busa, nianang Adlawa mahitabo ang Dakong Dili kalikayan nga Panghitabo,

ആയത്ത്: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ug ang langit mapikas, tungod kay nianang Adlawa, kini mahuyang (gumikan sa pagkagisi);

ആയത്ത്: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ug ang mga anghel anaa sa tanang kiliran niini; ug walo (dakong laray) sa mga Anghel mupas-an sa Trono sa (Allāh) imong Ginoo, nianang adlawa, sa ibabaw nila.

ആയത്ത്: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Nianang Adlawa, kamo pagadal-on sa Paghukom, walay tinago (sekreto) ninyo nga magpabiling matago.

ആയത്ത്: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Busa alang kaniya nga pagahatagan sa iyang talaan (sa mga buhat) sa iyang tuo nga kamot, siya moingon: Ania! Basaha ang akong basahon!

ആയത്ത്: 20

إِنِّي ظَنَنتُ أَنِّي مُلَٰقٍ حِسَابِيَهۡ

"Nasayod gayod ako nga akong atubangon ang akong Pag-ihap ug Paghusay!"

ആയത്ത്: 21

فَهُوَ فِي عِيشَةٖ رَّاضِيَةٖ

Busa siya maanaa sa malipayong kahimtang sa kinabuhi,

ആയത്ത്: 22

فِي جَنَّةٍ عَالِيَةٖ

Sa habog nga Paraiso,

ആയത്ത്: 23

قُطُوفُهَا دَانِيَةٞ

Ang mga bunga niini haduol lang nga maabot sa kamot, ug sayon kab'uton.

ആയത്ത്: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Ug iga-ingon kanila): "Kaon ug inom kamo nga malipayon tungod sa unsay inyong gibuhat kaniadto sa nangaging mga adlaw."

ആയത്ത്: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Ug alang kaniya nga gihatagan sa iyang talaan (sa mga buhat) diha sa iyang wala nga kamot, siya moingon: "Oh, hinaut unta nga ang akong talaan wala gayud mahatag ngari kanako,"

ആയത്ത്: 26

وَلَمۡ أَدۡرِ مَا حِسَابِيَهۡ

Ug ako wala mahibalo kung unsa ang akong Pag-ihap ug husay;

ആയത്ത്: 27

يَٰلَيۡتَهَا كَانَتِ ٱلۡقَاضِيَةَ

Ah, hinaut unta nga ang kamatayon nag-tapos kanako sa hingpit;

ആയത്ത്: 28

مَآ أَغۡنَىٰ عَنِّي مَالِيَهۡۜ

Ang akong mga bahandi wala gayod mag-pulos kanako;

ആയത്ത്: 29

هَلَكَ عَنِّي سُلۡطَٰنِيَهۡ

Ang akong gahom na-wagtang na kanako.

ആയത്ത്: 30

خُذُوهُ فَغُلُّوهُ

(Ang mando mao): "Dakpa siya, ug gapusa siya"!

ആയത്ത്: 31

ثُمَّ ٱلۡجَحِيمَ صَلُّوهُ

Ug sunoga siya, pinaagi sa nag-lagiting nga kalayo sa Imperno!

ആയത്ത്: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Gapusa siya sa usa ka talikala nga ang gitas-on niini kapitoan ka maniko!

ആയത്ത്: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Kay siya ang nagdumili sa pag-too (kang) Allāh nga Makaga-gahom.

ആയത്ത്: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Wala usab siya mag-awhag sa pagpakaon sa mga kabus.

ആയത്ത്: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Busa dinhi, niining adlawa, wala siyay mahimo nga higala "sa pagtabang",

ആയത്ത്: 36

وَلَا طَعَامٌ إِلَّا مِنۡ غِسۡلِينٖ

Ni bisan unsang pagkaon gawas sa nana gikan nga mga samad,

ആയത്ത്: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Walay magakaon niini gawas sa matinuyoon nga mga makasasala^[1].

[1]. Nga nagbutang ug kauban sa Allah, o nakahimo sa uban nga dagkong makamatay nga mga sala, ug namatay sa ingon nga walay paghinulsol.

ആയത്ത്: 38

فَلَآ أُقۡسِمُ بِمَا تُبۡصِرُونَ

Busa ako (Dios) manumpa pinaagi sa unsay inyong makita,

ആയത്ത്: 39

وَمَا لَا تُبۡصِرُونَ

Maingon man unsay dili nimo makakita;

ആയത്ത്: 40

إِنَّهُۥ لَقَوۡلُ رَسُولٖ كَرِيمٖ

Sa pagkatinuod, kini (ang Qur’an) mao ang (dinasig nga) Pulong (gikan sa Allah) gisangyaw sa usa ka halangdon nga Mensahero (Propeta Muhammad),

ആയത്ത്: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Kini dili pulong sa Magbabalak. Diyutay ra ang imong gi-toohan;

ആയത്ത്: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ni pulong sa usa ka mananagna; gamay lang gayud ang inyong nahinumduman.

ആയത്ത്: 43

تَنزِيلٞ مِّن رَّبِّ ٱلۡعَٰلَمِينَ

Kini usa ka Pinadayag nga gipadala gikan (sa Allah) ang Ginoo sa tanan nga linalang.

ആയത്ത്: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ug kon siya (ang Propeta Muhammad) nagmugna batok Kanamo ug pipila ka (bakak) nga mga pulong,

ആയത്ത്: 45

لَأَخَذۡنَا مِنۡهُ بِٱلۡيَمِينِ

Kami sa pagkatinuod misakmit na kaniya pinaagi sa tuong kamot (sa usa ka dako ug gamhanan nga Pagsakmit,

ആയത്ത്: 46

ثُمَّ لَقَطَعۡنَا مِنۡهُ ٱلۡوَتِينَ

​​Ug Kami sa pagkatinuod moputol sa iyang (aorta) ugat.

ആയത്ത്: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Ug walay usa kaninyo nga makapugong Kanamo gikan kaniya.

ആയത്ത്: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ug sa pagkatinuod kini (ang Qur’an) usa ka Pahinumdom alang sa mga matarong.

ആയത്ത്: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ug sa pagkatinuod Kami nasayod nga diha kaninyo adunay mga nagsalikway niini.

ആയത്ത്: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ug tinooray kini mahimong (hinungdan) sa dakong pagbasol ngadto sa mga manlilimod.

ആയത്ത്: 51

وَإِنَّهُۥ لَحَقُّ ٱلۡيَقِينِ

Ug sa pagkatinuod, mao kini ang kamatooran nga labing siguro ug hingpit.

ആയത്ത്: 52

فَسَبِّحۡ بِٱسۡمِ رَبِّكَ ٱلۡعَظِيمِ

Busa dayega ang Ngalan sa imong Ginoo (Allāh) ang Labing Bantugan.