പരിഭാഷ അദ്ധ്യായം ഫാത്വിർ - ഖുർആൻ സംക്ഷിപ്ത വിശദീകരണം - പരിഭാഷ (ഫൂലാനീ) - പേജ് നമ്പർ 437 - വിശുദ്ധ ഖുർആൻ വിജ്ഞാനകോശം

ആയത്ത്: 19

وَمَا يَسۡتَوِي ٱلۡأَعۡمَىٰ وَٱلۡبَصِيرُ

Keefeeraro e gomɗingo fotataa martaba, wano woniri bunɗo e yi'oowo fotataa.

ആയത്ത്: 20

وَلَا ٱلظُّلُمَٰتُ وَلَا ٱلنُّورُ

Wanaa keeferaaku fotata e liimanaaku, wano woniri niɓe fotataa e ndaygu.

ആയത്ത്: 21

وَلَا ٱلظِّلُّ وَلَا ٱلۡحَرُورُ

Wanaa Aljanaa fotata e Yiite ka battingol, wano woniri ɗowdi fotataa e henndu wulndu.

ആയത്ത്: 22

وَمَا يَسۡتَوِي ٱلۡأَحۡيَآءُ وَلَا ٱلۡأَمۡوَٰتُۚ إِنَّ ٱللَّهَ يُسۡمِعُ مَن يَشَآءُۖ وَمَآ أَنتَ بِمُسۡمِعٖ مَّن فِي ٱلۡقُبُورِ

Gomɗimɓe ɓen fotata e heeferɓe ɓen, wano kadi wuurɓe ɓen fotataa e maayuɓe ɓen. Pellet, Alla no nanina on Mo O muuyani peewal. Wanah an Nulaaɗo, woni naninoowo heeferɓe nannduɓe e wonɓe ka genaale ɓen.

ആയത്ത്: 23

إِنۡ أَنتَ إِلَّا نَذِيرٌ

An a wonaali, si wanaa jertinoowo ɓe e lepte Alla ɗen.

ആയത്ത്: 24

إِنَّآ أَرۡسَلۡنَٰكَ بِٱلۡحَقِّ بَشِيرٗا وَنَذِيرٗاۚ وَإِن مِّنۡ أُمَّةٍ إِلَّا خَلَا فِيهَا نَذِيرٞ

Pellet, Men nulirii ma an Nulaaɗo, goonga ka sikke alaa e mu'un. Ko an wewlinoowo gomɗimɓe ɓen e ko Alla marani ɓe kon e mbarjaari mawndi, e jertiniroowo heeferɓe ɓen e ko Alla hebilani kon e lepte muusuɗe. Alaa e mofte yawtuɗe, si wanaa Nulaaɗo Alla feƴƴiini e maɓɓe, himo jertina ɓe e lepte Alla.

ആയത്ത്: 25

وَإِن يُكَذِّبُوكَ فَقَدۡ كَذَّبَ ٱلَّذِينَ مِن قَبۡلِهِمۡ جَآءَتۡهُمۡ رُسُلُهُم بِٱلۡبَيِّنَٰتِ وَبِٱلزُّبُرِ وَبِٱلۡكِتَٰبِ ٱلۡمُنِيرِ

Si yimɓe maa ɓen fennii ma an Nulaaɗo, muñño, annditaa wanaa an adaa fenneede e Nulaaɓe ɓen. Hari adinooɓe ɓen fenniino Nulaaɓe mun, wano Aadi'en e Samuuda'en e yimɓe Luutu ɓen. Nulaaɓe maɓɓe ɓen addani ɓe immorde ka Alla, hujjaaji ɓannguɗi, tinndinɗi goongugol maɓɓe, ɓe ardani ɓe e Ɗeri, e Deftere ndayginoore, wonannde waajitorɓe taskitii.

ആയത്ത്: 26

ثُمَّ أَخَذۡتُ ٱلَّذِينَ كَفَرُواْۖ فَكَيۡفَ كَانَ نَكِيرِ

E hoore ɗum fow, ɓe yeddi Alla e Nulaaɓe Makko ɓen, ɓe salii goonginnde ko ɓe addi kon immorde ka Alla. Ontuma Mi halki yedduɓe ɓen. Taskii an Nulaaɗo, ko honno lepte An ɗen e maɓɓe waɗtirninoo, nde Mi halkunoo ɓe.

ആയത്ത്: 27

أَلَمۡ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءٗ فَأَخۡرَجۡنَا بِهِۦ ثَمَرَٰتٖ مُّخۡتَلِفًا أَلۡوَٰنُهَاۚ وَمِنَ ٱلۡجِبَالِ جُدَدُۢ بِيضٞ وَحُمۡرٞ مُّخۡتَلِفٌ أَلۡوَٰنُهَا وَغَرَابِيبُ سُودٞ

E a tinaali, an Nulaaɗo, wonnde Alla jippinirii ndiyam ka kammu? Men fuɗinira ɗam dimɗe seertuɗe nooneeji (boɗe, haako, nete, ekn...), ɓaawo nde Men yarniri ɗam leɗɗe majje ɗen. Hino ka pelle, ɗate daneeje e boɗeeje, e ɗate goo, ɗe pete ɓaleeje.

ആയത്ത്: 28

وَمِنَ ٱلنَّاسِ وَٱلدَّوَآبِّ وَٱلۡأَنۡعَٰمِ مُخۡتَلِفٌ أَلۡوَٰنُهُۥ كَذَٰلِكَۗ إِنَّمَا يَخۡشَى ٱللَّهَ مِنۡ عِبَادِهِ ٱلۡعُلَمَٰٓؤُاْۗ إِنَّ ٱللَّهَ عَزِيزٌ غَفُورٌ

Hino e yimɓe ɓen, e daabeeji ɗin, e neemoraaɗi ɗin (gelooɗi, na'i, e dammi), ɗi nooneeji mun kadi seerti. Anndee ko mawninta fii Alla, o hula Mo, ko annduɓe Mo ɓen; tawde ɓe anndii sifaaji e sari'aaji e hujjaajji ɓannginɗi kattal Makko. Pellet, Alla ko Fooluɗo Mo fooletake, Haforanoowo kala tuubuɗo e jeyaaɓe Makko ɓen.

ആയത്ത്: 29

إِنَّ ٱلَّذِينَ يَتۡلُونَ كِتَٰبَ ٱللَّهِ وَأَقَامُواْ ٱلصَّلَوٰةَ وَأَنفَقُواْ مِمَّا رَزَقۡنَٰهُمۡ سِرّٗا وَعَلَانِيَةٗ يَرۡجُونَ تِجَٰرَةٗ لَّن تَبُورَ

Ɓen janngooɓe deftere Alla nde Men jippini e Nulaaɗo Amen on, ɓe anndinoo ko woni e mayre, ɓe ñiiɓi e julde, ɓe nafqii ko Men arsiki ɓe kon, yaltingol asakal ekw, hara ko gunndoo e kene, ɓen no jortori ɗen gollɗ maɓɓe ɗon ka Alla, njulaaku ngu sontataa.

ആയത്ത്: 30

لِيُوَفِّيَهُمۡ أُجُورَهُمۡ وَيَزِيدَهُم مِّن فَضۡلِهِۦٓۚ إِنَّهُۥ غَفُورٞ شَكُورٞ

Fii no Alla hunnirana ɓe mbarjaari golle maɓɓe ɗen, no timmiri, O ɓeyda e ɓural Makko ngal, tawde Himo hattani ɗum. Kanko On, O haforanay kala wa'uɓe non, O annditana on golle mon moƴƴe.

ഈ പേജിലെ ആയത്തുകളിൽ നിന്നുള്ള പാഠങ്ങൾ:

• نفي التساوي بين الحق وأهله من جهة، والباطل وأهله من جهة أخرى.

Aayeeje ɗen hino riiwta wiide yimɓe goonga no fota e yimɓe meere ɓen.

• كثرة عدد الرسل عليهم السلام قبل رسولنا صلى الله عليه وسلم دليل على رحمة الله وعناد الخلق.

Ɗuuɗugol Nulaaɓe ɓen adiiɓe Nulaaɗo men on (yo ɓe his), hino tinndina yurmeende Alla e sattere-fii yimɓe ɓen.

• إهلاك المكذبين سُنَّة إلهية.

Halkugol fennooɓe ɓen, ko sunna Alla.

• صفات الإيمان تجارة رابحة، وصفات الكفر تجارة خاسرة.

Sifaaji gomɗinal ngal, ko njulaaku daɗal; sifaaji keeferaaku ngun kan, ko njulaaku heyrere(perte).