പരിഭാഷ അദ്ധ്യായം അബസ - ഖുർആൻ സംക്ഷിപ്ത വിശദീകരണം - പരിഭാഷ (പഷ്തൂ) - പേജ് നമ്പർ 585 - വിശുദ്ധ ഖുർആൻ വിജ്ഞാനകോശം

عبس

സൂറത്തിൻ്റെ ഉദ്ദേശ്യങ്ങളിൽ പെട്ടതാണ്:

تذكير الكافرين المستغنين عن ربهم ببراهين البعث.

هغو کافرانو ته چې له خپل پالونکي مستغني (بې پروا) دي د بېرته راژوندي کولو د دلايلو په وريادولو سره.

---

ആയത്ത്: 1

عَبَسَ وَتَوَلّٰۤی ۟ۙ

رسول الله صلی الله عليه وسلم وچولیتريو کړ او مخ يې وګرځولو.

ആയത്ത്: 2

اَنْ جَآءَهُ الْاَعْمٰى ۟ؕ

د عبدالله بن ام مکتوم د راتلو له امله چې د لارښوونې غوښتنې يې ترې کوله، په داسې حال کې چې ړوند و، په داسې حال کې راغی چې رسول صلی الله عليه وسلم د مشرکانو له مشرانو سره د هغوی د لارښوونې په هيله بوخت و.

ആയത്ത്: 3

وَمَا یُدْرِیْكَ لَعَلَّهٗ یَزَّ ۟ۙ

اې رسوله! ته څه پوهېږې کېدای شي دغه ړوند له خپلو ګناهونو ښه پاک شي.

ആയത്ത്: 4

اَوْ یَذَّكَّرُ فَتَنْفَعَهُ الذِّكْرٰى ۟ؕ

او يا له هغه څه پند واخلي چې له تا کوم نصيحتونه اوري او ګټه پرې واخلي.

ആയത്ത്: 5

اَمَّا مَنِ اسْتَغْنٰى ۟ۙ

خو کوم څوک چې د خپل مال له امله پر هغه څه له ايمان راوړلو ځان بې پروا ګڼي چې ته ورسره راغلی يې.

ആയത്ത്: 6

فَاَنْتَ لَهٗ تَصَدّٰى ۟ؕ

نو ته ور مخکې کېږې او پاملرنه ورته کوې.

ആയത്ത്: 7

وَمَا عَلَیْكَ اَلَّا یَزَّكّٰى ۟ؕ

او تا ته به څه ورسيږي که هغه له خپلوګناهونو الله ته په توبه اېستلو پاک نه شي.

ആയത്ത്: 8

وَاَمَّا مَنْ جَآءَكَ یَسْعٰى ۟ۙ

او څوک چې د ښېګڼې په لټه کې په منډه منډه درته راشي.

ആയത്ത്: 9

وَهُوَ یَخْشٰى ۟ۙ

او هغه له خپل پالونکي وېريږي هم.

ആയത്ത്: 10

فَاَنْتَ عَنْهُ تَلَهّٰى ۟ۚ

نو ته ورڅخه ځان پر بل چا د مشرکانو په مشرانو بوختوې.

ആയത്ത്: 11

كَلَّاۤ اِنَّهَا تَذْكِرَةٌ ۟ۚ

امر داسې نه دی، بلکې دا يوازې يو نصيحت او يادونه ده د هغه چا لپاره چې قبلوي يې.

ആയത്ത്: 12

فَمَنْ شَآءَ ذَكَرَهٗ ۟ۘ

نو څوک چې غواړي چې الله يې يادونه وکړي، او پر هغه څه پند واخلي چې په دغه قرآن کې دي.

ആയത്ത്: 13

فِیْ صُحُفٍ مُّكَرَّمَةٍ ۟ۙ

نو دغه قرآن له پرېښتو سره په عزتمنو پاڼو کې دی.

ആയത്ത്: 14

مَّرْفُوْعَةٍ مُّطَهَّرَةٍ ۟ۙ

په لوړ ځای کې لوړې مرتبې والا دي، پاکې دي چې چټلي او ناپاکي نه ور رسيږي.

ആയത്ത്: 15

بِاَیْدِیْ سَفَرَةٍ ۟ۙ

او هغه له پرېښتو څخه د استازو په لاس کې دي.

ആയത്ത്: 16

كِرَامٍ بَرَرَةٍ ۟ؕ

د خپل پالونکي پر وړاندې يې عزتمنې دي، چې زياتې ښېګڼه کوونکې او پيروي کوونکې دي.

ആയത്ത്: 17

قُتِلَ الْاِنْسَانُ مَاۤ اَكْفَرَهٗ ۟ؕ

پر کافر انسان دې لعنت وي، څومره پر الله سخت کفر کوي!

ആയത്ത്: 18

مِنْ اَیِّ شَیْءٍ خَلَقَهٗ ۟ؕ

د څه شي څخه الله تعالی پیدا کړی دی چې دی په زمکه کې لویي او پر الله کفر کوي.

ആയത്ത്: 19

مِنْ نُّطْفَةٍ ؕ— خَلَقَهٗ فَقَدَّرَهٗ ۟ۙ

له لږو اوبو يې پيداکړ، نو بيا يې هغه له يوحالت وروسته پر بل حالت پيداکړ.

ആയത്ത്: 20

ثُمَّ السَّبِیْلَ یَسَّرَهٗ ۟ۙ

بيا هغه لره له دغو پړاوونو څخه د مور له ګېډې د وتلو لار آسانه کړه.

ആയത്ത്: 21

ثُمَّ اَمَاتَهٗ فَاَقْبَرَهٗ ۟ۙ

بيا وروسته تر هغه چې څومره عمر يې په ژوند کې ورته ټاکلی و هغه يې مړ کړ، او هغه لره يې قبر وګرځولو تر څو تر بېرته را پورته کېدو پورې پکې پاتې شي.

ആയത്ത്: 22

ثُمَّ اِذَا شَآءَ اَنْشَرَهٗ ۟ؕ

بيا چې کله وغواړي د حساب او بدلې لپاره يې را پاڅوي.

ആയത്ത്: 23

كَلَّا لَمَّا یَقْضِ مَاۤ اَمَرَهٗ ۟ؕ

امر داسې نه دی لکه دغه کافر يې چې فکر کوي چې هغه څه يې ترسره کړي کوم چې د خپل پالونکي لخوا پرې لازم و، هغه څه يې نه دي ترسره کړي چې الله کوم فرائض پرې واجب کړي دي.

ആയത്ത്: 24

فَلْیَنْظُرِ الْاِنْسَانُ اِلٰى طَعَامِهٖۤ ۟ۙ

نو پر الله کفر کوونکی انسان دې هغو خوړو ته وګوري چې خوري يې چې څه ډول يې ترلاسه کوي؟!.

ആയത്ത്: 25

اَنَّا صَبَبْنَا الْمَآءَ صَبًّا ۟ۙ

چې اصل يې له آسمانه په ځواک او زيادت سره ورېدلی باران دی.

ആയത്ത്: 26

ثُمَّ شَقَقْنَا الْاَرْضَ شَقًّا ۟ۙ

بيا مو ځمکه څيرلې ده؛ چې له شينګياوو چاودلې ده.

ആയത്ത്: 27

فَاَنْۢبَتْنَا فِیْهَا حَبًّا ۟ۙ

نو په هغې کې مو له غنمو، جوارو او نورو شيانو دانې را شنې کړې دي.

ആയത്ത്: 28

وَّعِنَبًا وَّقَضْبًا ۟ۙ

او په هغې کې مو انګور را شنه کړي او لانده سابه تر څو يې د څارويو لپاره واښه شي.

ആയത്ത്: 29

وَّزَیْتُوْنًا وَّنَخْلًا ۟ۙ

او زيتون او د خرما ونې مو پکې را شنې کړي دي.

ആയത്ത്: 30

وَّحَدَآىِٕقَ غُلْبًا ۟ۙ

او د زياتو ونو والا باغونه مو پکې را شنه کړي دي.

ആയത്ത്: 31

وَّفَاكِهَةً وَّاَبًّا ۟ۙ

او په هغې کې مو مېوې را شنې کړې، او هغه څو مو پکې را شنه کړي دي چې ستاسو څاروي پکې څري.

ആയത്ത്: 32

مَّتَاعًا لَّكُمْ وَلِاَنْعَامِكُمْ ۟ؕ

ستاسې د ګټې لپاره، او ستاسو د څارويو د ګټې لپاره.

ആയത്ത്: 33

فَاِذَا جَآءَتِ الصَّآخَّةُ ۟ؗ

کله چې هغه لويه چېغه راشي چې غوږونه کڼوي او هغه دويم پوکی دی.

ആയത്ത്: 34

یَوْمَ یَفِرُّ الْمَرْءُ مِنْ اَخِیْهِ ۟ۙ

په کومه ورځ چې انسان له خپله وروره تښتي.

ആയത്ത്: 35

وَاُمِّهٖ وَاَبِیْهِ ۟ۙ

او له خپلې مور او پلاره به تښتي.

ആയത്ത്: 36

وَصَاحِبَتِهٖ وَبَنِیْهِ ۟ؕ

او له خپلې مېرمنې او اولادونو به تښتي.

ആയത്ത്: 37

لِكُلِّ امْرِئٍ مِّنْهُمْ یَوْمَىِٕذٍ شَاْنٌ یُّغْنِیْهِ ۟ؕ

له هغوی به هر يو لره داسې حالت وي چې له بل څخه يې بوخت کړی وي په دغه ورځ کې د سخت عذاب له امله.

ആയത്ത്: 38

وُجُوْهٌ یَّوْمَىِٕذٍ مُّسْفِرَةٌ ۟ۙ

د نېکانو مخونه به په دغه ورځ کې روښانه وي.

ആയത്ത്: 39

ضَاحِكَةٌ مُّسْتَبْشِرَةٌ ۟ۚ

خوشحاله خندېدونکي به وي پر هغه څه چې الله هغوی لره له خپلې لورېينې څه چمتو کړي دي.

ആയത്ത്: 40

وَوُجُوْهٌ یَّوْمَىِٕذٍ عَلَیْهَا غَبَرَةٌ ۟ۙ

په دغه ورځ به د بدبختانو پر مخونو ګرد وي.

ഈ പേജിലെ ആയത്തുകളിൽ നിന്നുള്ള പാഠങ്ങൾ:

• عتاب الله نبيَّه في شأن عبد الله بن أم مكتوم دل على أن القرآن من عند الله.

د الله له لوري د خپل نبي ملامتول د عبدالله بن ام مکتوم په حق کې پر دې خبره دليل دی چې قرآن د الله له لوري دی.

• الاهتمام بطالب العلم والمُسْتَرْشِد.

د طالب العلم او هدايت غوښتونکي حالت ته پاملرنه کول.

• شدة أهوال يوم القيامة حيث لا ينشغل المرء إلا بنفسه، حتى الأنبياء يقولون: نفسي نفسي.

د قيامت د ورځې د حالاتو سختوالی په داسې ډول چې هرڅوک به يوازې پر ځان بوخت وي، تر دې چې نبيان به هم وايي: نفسي نفسي.(زما ځان زما ځان).