പരിഭാഷ അദ്ധ്യായം സൂറത്തുൽ അഅ്ലാ - الترجمة البشتوية للمختصر في تفسير القرآن الكريم - വിശുദ്ധ ഖുർആൻ വിജ്ഞാനകോശം

الأعلى

സൂറത്തിൻ്റെ ഉദ്ദേശ്യങ്ങളിൽ പെട്ടതാണ്:

تذكير النفس بالحياة الأخروية، وتخليصها من التعلقات الدنيوية.

نفسونو ته د آخرت ژوند ور په يادول او له دنيوي اړيکو يې خلاصول.

---

ആയത്ത്: 1

سَبِّحِ اسْمَ رَبِّكَ الْاَعْلَی ۟ۙ

د خپل هغه پالونکي پاکي دې بيانوه چې پر ټول مخلوق لوړ دی ستا لخوا د هغه د ياد او لويۍ پر مهال د هغه نوم اخله.

ആയത്ത്: 2

الَّذِیْ خَلَقَ فَسَوّٰی ۟

هغه ذات چې انسان يې سم پيدا کړی او قامت يې برابر کړی دی.

ആയത്ത്: 3

وَالَّذِیْ قَدَّرَ فَهَدٰی ۟

او هغه چې د مخلوقاتو جنسونه، ډولونه او ټولګي يې اندازه کړل، او هغه څه ته يې د هر مخلوق لارښوونه وکړه چې د هغه لپاره مناسب او برابر وو.

ആയത്ത്: 4

وَالَّذِیْۤ اَخْرَجَ الْمَرْعٰی ۟

او هغه چې له ځمکې يې هغه څه را واېستل چې ستاسو څاروي پکې څري.

ആയത്ത്: 5

فَجَعَلَهٗ غُثَآءً اَحْوٰی ۟ؕ

بيا يې تور ته ورته وچ پروړ وګرځول وروسته تردې چې هغه تک شنه وو.

ആയത്ത്: 6

سَنُقْرِئُكَ فَلَا تَنْسٰۤی ۟ۙ

اې رسوله! موږ قرآن درباندې لولو، او ستا په سينه کې يې ځای پرځای کوو او هيڅکله به يې هېر نه کړې، نو له جبرئيل مخکې يې مه لوله لکه څنګه چې تا دغه کار د دغه حرص له امله کولو چې هېر يې نه کړې.

ആയത്ത്: 7

اِلَّا مَا شَآءَ اللّٰهُ ؕ— اِنَّهٗ یَعْلَمُ الْجَهْرَ وَمَا یَخْفٰی ۟ؕ

مګر دا چې الله د کوم حکمت له مخې د يو څه هېرول وغواړي، بېشکه هغه پاک ذات پر هغه څه پوهيږي چې ښکاره کول کيږي او څه چې پټول کيږي، له دغه څخه هيڅ هم ترې نه پټيږي.

ആയത്ത്: 8

وَنُیَسِّرُكَ لِلْیُسْرٰی ۟ۚۖ

او له اعمالو به پر تا هغه عمل اسانه کړو چې الله راضي کوي او جنت ته د ننه اېستلو لامل کيږي.

ആയത്ത്: 9

فَذَكِّرْ اِنْ نَّفَعَتِ الذِّكْرٰی ۟ؕ

نو خلکو ته پر هغه څه نصيحت کوه چې موږ يې له قرآن څخه درته وحي کوو، او هغوی ته ور په يادوه ترکومه چې ور په يادول اورېدل کيږي.

ആയത്ത്: 10

سَیَذَّكَّرُ مَنْ یَّخْشٰی ۟ۙ

ژر به هغه څوک ستا پر نصيحتونو پند واخلي چې له الله وېريږي، ځکه همغه له نصيحت ګټه پورته کوي.

ഈ പേജിലെ ആയത്തുകളിൽ നിന്നുള്ള പാഠങ്ങൾ:

• تحفظ الملائكة الإنسان وأعماله خيرها وشرها ليحاسب عليها.

پرېښتې انسان او د هغه د ښو او بدو اعمالو ساتنه کوي ترڅو ورسره پرې حساب وشي.

• ضعف كيد الكفار إذا قوبل بكيد الله سبحانه.

د کافرانو د چل کمزورتيا کله چې د الله له تدبير سره پرتله کړل شي.

• خشية الله تبعث على الاتعاظ.

د الله وېره د پند اخېستلو لامل کيږي.

ആയത്ത്: 11

وَیَتَجَنَّبُهَا الْاَشْقَی ۟ۙ

او کافر له نصيحته لېرې کيږي او کرکه ترې کوي، ځکه هغه په آخرت کې اور ته د ننوتلو له امله تر ټولو زيات بدمرغه دی.

ആയത്ത്: 12

الَّذِیْ یَصْلَی النَّارَ الْكُبْرٰی ۟ۚ

هغه چې د آخرت لوی اور ته ننوځي چې ګرمي به يې زغمي او تل به يې تحملوي.

ആയത്ത്: 13

ثُمَّ لَا یَمُوْتُ فِیْهَا وَلَا یَحْیٰی ۟ؕ

بيا به تل په اور کې وي داسې چې نه به پکې مري چې ارامه شي له هغه عذابه چې ګالي يې، او نه به په عزتمن او ښه ژوند سره ژوند کولای شي.

ആയത്ത്: 14

قَدْ اَفْلَحَ مَنْ تَزَكّٰی ۟ۙ

هغه څوک موخې ته په رسېدو بريالی شو چې ځان يې له شرک او ګناهونو پاک کړ.

ആയത്ത്: 15

وَذَكَرَ اسْمَ رَبِّهٖ فَصَلّٰی ۟ؕ

او خپل پالونکی يې پر هغو يادونو سره ياد کړ چې روا کړی يې دي، او لمونځ يې وکړ پر هغه صفت چې د ادا لپاره يې مطلوب و.

ആയത്ത്: 16

بَلْ تُؤْثِرُوْنَ الْحَیٰوةَ الدُّنْیَا ۟ۚۖ

بلکې تاسې د دنيا ژوند مخکې کوئ، او پر آخرت لومړيتوب ورکوئ سره له دې چې د هغو دواړو ترمنځ لوی توپير دی.

ആയത്ത്: 17

وَالْاٰخِرَةُ خَیْرٌ وَّاَبْقٰی ۟ؕ

او آخرت خير او له دنيا او په هغې کې له شته خوندونو او توښو څخه غوره او دوامداره دی، ځکه په هغو کې چې کوم نعمتونه دي هغه نه ختميږي.

ആയത്ത്: 18

اِنَّ هٰذَا لَفِی الصُّحُفِ الْاُوْلٰی ۟ۙ

او دغه کوم امرونه او خبرونه مو چې ستاسو لپاره بيان کړل دا له قرآن مخکې صحيفو کې نازل کړل شوي دي.

ആയത്ത്: 19

صُحُفِ اِبْرٰهِیْمَ وَمُوْسٰی ۟۠

هغه صحيفې چې پر ابراهيم او موسی عليهما السلام نازل کړل شوې وې.

ഈ പേജിലെ ആയത്തുകളിൽ നിന്നുള്ള പാഠങ്ങൾ:

• أهمية تطهير النفس من الخبائث الظاهرة والباطنة.

له باطني او ظاهري چټليو څخه د نفس د پاکوالي اهميت.

• الاستدلال بالمخلوقات على وجود الخالق وعظمته.

مخلوقاتو ته په لیدو د خالق پر شتون او د هغه په لویۍ استدلال کول.

• مهمة الداعية الدعوة، لا حمل الناس على الهداية؛ لأن الهداية بيد الله.

د بلونکي دنده يوازې بلنه ده، نه دا چې خلک د لارښوونې پر منلو اړ کړي، ځکه لارښوونه د الله په لاس کې ده.