പരിഭാഷ അദ്ധ്യായം സൂറത്തുന്നാസ് - യോറുബൻ വിവർത്തനം - വിശുദ്ധ ഖുർആൻ വിജ്ഞാനകോശം

Suuratun-Naas

ആയത്ത്: 1

قُلۡ أَعُوذُ بِرَبِّ ٱلنَّاسِ

Sọ pé: “Mo sá di Olúwa àwọn ènìyàn,

ആയത്ത്: 2

مَلِكِ ٱلنَّاسِ

Ọba àwọn ènìyàn,

ആയത്ത്: 3

إِلَٰهِ ٱلنَّاسِ

Ọlọ́hun àwọn ènìyàn,¹

1. Ìtúmọ̀ “Ọlọ́hun àwọn ènìyàn” ni pé, Ẹni tí àwọn ènìyàn gbọ́dọ̀ máa jọ́sìn fún ní ọ̀nà òdodo, tí wọn kò sì gbọ́dọ̀ jọ́sìn fún ẹlòmíìràn lẹ́yìn Rẹ̀.

ആയത്ത്: 4

مِن شَرِّ ٱلۡوَسۡوَاسِ ٱلۡخَنَّاسِ

níbi aburú (Èṣù) oníròyíròyí, olùsásẹ́yìn (fún ẹni tó bá ń dárúkọ Allāhu¹).

1. Ọ̀kan pàtàkì nínú àǹfààní àti oore tí ó wà nínú ath-thikār ṣíṣe ni pé, Èṣù àti àwọn ọmọ ogun rẹ̀ yóò máa sá sẹ́yìn fún ẹni tí ó bá ń ṣe ath-thikār ní gbogbo ìgbà. Kí á sì rántí wí pé, ọ̀kan pàtàkì jùlọ nínú ohun tí mùsùlùmí yóò máa fi ṣe ath-thikār ni kíké al-Ƙur’ān alápọ̀n-ọ́nlé ní ojoojúmọ́ ní díẹ̀ díẹ̀. Lẹ́yìn náà ni àwọn gbólóhùn ath-thikār èyí tí ó wà nínú ẹ̀gbàwá hadīth Ànábì - kí ìkẹ́ àti ọlà Allāhu máa bá a -.
Kí á sì jìnnà tefétefé sí àwọn ìkàkúkà tí wọ́n ń pè ní “wiridi àti waṭḥīfah” èyí tí àwọn ààfáà ẹlẹ́bọ, àwọn ààfáà onibidiah àti àwọn ààfáà onisūfī dáálẹ̀. Bí mùsùlùmí kò bá jìnnà tefétefé sí àwọn irúfẹ́ “wiridi àti waṭḥīfah” bẹ́ẹ̀, yàtọ̀ sí pé, ó máa di kèfèrí lórí rẹ̀, àwọn èṣù yóò máa bá onítọ̀ún fínra.

ആയത്ത്: 5

ٱلَّذِي يُوَسۡوِسُ فِي صُدُورِ ٱلنَّاسِ

(Èṣù ni) ẹni tí ó ń kó ròyíròyí sínú àwọn ọkàn ènìyàn.

ആയത്ത്: 6

مِنَ ٱلۡجِنَّةِ وَٱلنَّاسِ

(Èṣù náà) wà nínú àwọn àlùjànnú àti àwọn ènìyàn.”