अर्थको अनुवाद श्लोक 7 सूरः सूरतु अाले इम्रान - الترجمة الفولانية للمختصر في تفسير القرآن الكريم - पवित्र कुरअानको विश्वकोश

श्लोक: 7

هُوَ ٱلَّذِيٓ أَنزَلَ عَلَيۡكَ ٱلۡكِتَٰبَ مِنۡهُ ءَايَٰتٞ مُّحۡكَمَٰتٌ هُنَّ أُمُّ ٱلۡكِتَٰبِ وَأُخَرُ مُتَشَٰبِهَٰتٞۖ فَأَمَّا ٱلَّذِينَ فِي قُلُوبِهِمۡ زَيۡغٞ فَيَتَّبِعُونَ مَا تَشَٰبَهَ مِنۡهُ ٱبۡتِغَآءَ ٱلۡفِتۡنَةِ وَٱبۡتِغَآءَ تَأۡوِيلِهِۦۖ وَمَا يَعۡلَمُ تَأۡوِيلَهُۥٓ إِلَّا ٱللَّهُۗ وَٱلرَّٰسِخُونَ فِي ٱلۡعِلۡمِ يَقُولُونَ ءَامَنَّا بِهِۦ كُلّٞ مِّنۡ عِندِ رَبِّنَاۗ وَمَا يَذَّكَّرُ إِلَّآ أُوْلُواْ ٱلۡأَلۡبَٰبِ

Ko Kaŋko Woni Jippinɗo e maaɗa an Muhammadu, AlQur'aanaare nden, no e mayre aayeeje ɓaŋnginɗe tinndinol, jiɓi-li woo alaa e majje; ko ɗen woni ko ɓuri heewude e lasli Deftere nden, ko ɗen kadi woni ruttorɗe ɗen tuma luutondiraa. No e mayre kadi aayeeje goo soomuɗe maanaaje ɗuuɗuɗi; maanaa majje hino jilɓana yimɓe ɗuuɗuɓe. Ammaa non ɓen woni ka ɓerɗe mun ooñaare gaa e goonga, hiɓe sela ko ñeeññaa kon ɓe jokka ko jilɓi kon; hiɓe ɗaɓɓira ɗum jilɓugol majjina yimɓe ɓen, ɓe ɗaɓɓira ɗum kadi firtugol ɗe mbeleeɗe maɓɓe e ɗate maɓɓe bonɗe. Hay e gooto non anndaa maanaaji ɗee aayeeje e battane firo majje si wanaa Alla. Ɓen tutiiɓe non ka ganndal ɓe ɗiggini ngal, hiɓe wi'a: "Men gomɗinii AlQur'aanaare nden fow; sabu nde fow mayre ko ka Joomi amen nde iwri". Hiɓe firtira ko nanndi kon, kon ko ñeññaa e mayre. Waajitotaako si wanaa joomiraaɓe haqqilaaje hisuɗe ɗen.

यस पृष्ठको अायतहरूका लाभहरूमध्येबाट:

• أقام الله الحجة وقطع العذر عن الخلق بإرسال الرسل وإنزال الكتب التي تهدي للحق وتحذر من الباطل.

Alla Ñiiɓinii hujja on O Ittani tagu ngun nganto, Nelugol Nulaaɓe ɓen Jippina ɗen Defte fewnirayɗe goonga ɗe rentina e mehre.

• كمال علم الله تعالى وإحاطته بخلقه، فلا يغيب عنه شيء في الأرض ولا في السماء، سواء كان ظاهرًا أو خفيًّا.

Timmugol Anndal Alla ngal e huuɓitugol tagu Makko ngun. Hay e huunde wirnotaako Mo ka leydi wanaa ka kammu; foti non ko ko feeñi maa suuɗii.

• من أصول أهل الإيمان الراسخين في العلم أن يفسروا ما تشابه من الآيات بما أُحْكِم منها.

Hino jeyaa e tuuginorɗe yimɓe gomɗinal tutiiɓe e ganndal ɓen, firirgol ko nanndi kon e aayeeje ɗen, kon ko ñeeñra e majje.

• مشروعية دعاء الله تعالى وسؤاله الثبات على الحق، والرشد في الأمر، ولا سيما عند الفتن والأهواء.

Shar'inegol toragol Alla Toowuɗo On, tabita e goonga e peewal; teŋtinii tuma fitinia e mbeleeɗe.