ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߦߣߎߛߊ߫ - ߝߟߌߔ߲߫ ߘߟߊߡߌߘߊ (ߡߊ߬ߖߌߣߖߊ߯ߝߐ) - ߙߎ߬ߥߊ߯ߘߎ-ߕߊ߬ߙߑߖߡߊ ߝߊ߲ߓߊ ߓߟߏ߫ - ߞߎ߬ߙߣߊ߬ ߞߟߊߒߞߋ ߔߘߋߞߎ

Yunus

ߟߝߊߙߌ ߘߏ߫: 1

الٓرۚ تِلۡكَ ءَايَٰتُ ٱلۡكِتَٰبِ ٱلۡحَكِيمِ

Alif-Laam-Ra (su Allah i mataw kanu ma'ana nin), nya ba i ayatan nu kitab a na-atul sa mapiya.

ߟߝߊߙߌ ߘߏ߫: 2

أَكَانَ لِلنَّاسِ عَجَبًا أَنۡ أَوۡحَيۡنَآ إِلَىٰ رَجُلٖ مِّنۡهُمۡ أَنۡ أَنذِرِ ٱلنَّاسَ وَبَشِّرِ ٱلَّذِينَ ءَامَنُوٓاْ أَنَّ لَهُمۡ قَدَمَ صِدۡقٍ عِندَ رَبِّهِمۡۗ قَالَ ٱلۡكَٰفِرُونَ إِنَّ هَٰذَا لَسَٰحِرٞ مُّبِينٌ

Ngintu ka magayp su manga taw sa ini-wahi nami kanu mama ebpun bun kanilan (Muhammad) sa panginggilek ka su manga taw sa naraka, endu pakalilini ka su manga mu'min sa aden kanilan i balas a mapiya lu sa kadenan nilan, pidtalu nu manga kafir: dala san i benal kani (Muhammad) ugayd na sih'r a mapayag.

ߟߝߊߙߌ ߘߏ߫: 3

إِنَّ رَبَّكُمُ ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ يُدَبِّرُ ٱلۡأَمۡرَۖ مَا مِن شَفِيعٍ إِلَّا مِنۢ بَعۡدِ إِذۡنِهِۦۚ ذَٰلِكُمُ ٱللَّهُ رَبُّكُمۡ فَٱعۡبُدُوهُۚ أَفَلَا تَذَكَّرُونَ

Saben-sabenal a kadenan nu su Allah a sekanin i minaluy kanu manga langit endu lupa sa naka-nem gay bu, mawli na lu migkahanda kanu Arsh, sekanin i pedtuldu kanu pakarajam, dala makasafaat ya tabiya na ulyan na kasugut nin, entuba su Allah a Kadenan nu, na simba nu, ngintu ka di kanu ma-indaw.

ߟߝߊߙߌ ߘߏ߫: 4

إِلَيۡهِ مَرۡجِعُكُمۡ جَمِيعٗاۖ وَعۡدَ ٱللَّهِ حَقًّاۚ إِنَّهُۥ يَبۡدَؤُاْ ٱلۡخَلۡقَ ثُمَّ يُعِيدُهُۥ لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ بِٱلۡقِسۡطِۚ وَٱلَّذِينَ كَفَرُواْ لَهُمۡ شَرَابٞ مِّنۡ حَمِيمٖ وَعَذَابٌ أَلِيمُۢ بِمَا كَانُواْ يَكۡفُرُونَ

Lu sa lekanin (Allah) i kaulyan nu tanan, pasadu ku Allah na benal, ka sekanin i mimatay kanu binaluy nin, mawli na pauliten nin, ka endu nin kabalasan su manga mu'min a minggalebek sa manga mapiya sa bantang, endu su manga kafir na kanilan i baginumen a sangat i kayaw nin endu siksa a sangat i kasakit nin, sabap kanu kinag-kafir nilan.

ߟߝߊߙߌ ߘߏ߫: 5

هُوَ ٱلَّذِي جَعَلَ ٱلشَّمۡسَ ضِيَآءٗ وَٱلۡقَمَرَ نُورٗا وَقَدَّرَهُۥ مَنَازِلَ لِتَعۡلَمُواْ عَدَدَ ٱلسِّنِينَ وَٱلۡحِسَابَۚ مَا خَلَقَ ٱللَّهُ ذَٰلِكَ إِلَّا بِٱلۡحَقِّۚ يُفَصِّلُ ٱلۡأٓيَٰتِ لِقَوۡمٖ يَعۡلَمُونَ

Su (Allah) i minaluy kanu maliwanag u senang, endu su sigay nu ulan-ulan, endu inukul nin i al-qamara, bagukitan ka endu nu katawan su manga lagun endu su gay a kagwinta, da kinabaluy kanu entuba, ya tabiya na haqq, pedtinadtad nu Allah su manga ayatan nin kanu manga taw, ka endu nilan katawan (sabap kanu senang i katawan i gay, su ulan-ulan i katanud kanu lagun)

ߟߝߊߙߌ ߘߏ߫: 6

إِنَّ فِي ٱخۡتِلَٰفِ ٱلَّيۡلِ وَٱلنَّهَارِ وَمَا خَلَقَ ٱللَّهُ فِي ٱلسَّمَٰوَٰتِ وَٱلۡأَرۡضِ لَأٓيَٰتٖ لِّقَوۡمٖ يَتَّقُونَ

Su kapedsukeliya nu magabi endu malamag, endu su binaluy nu Allah kanu manga langit endu su lupa na manga tanda a kapeg- kagaga nu Allah kanu manga taw, ka endu silan kagilekan.

ߟߝߊߙߌ ߘߏ߫: 7

إِنَّ ٱلَّذِينَ لَا يَرۡجُونَ لِقَآءَنَا وَرَضُواْ بِٱلۡحَيَوٰةِ ٱلدُّنۡيَا وَٱطۡمَأَنُّواْ بِهَا وَٱلَّذِينَ هُمۡ عَنۡ ءَايَٰتِنَا غَٰفِلُونَ

Su manga taw a dala sa ginawa nilan i mabaratamu kami nin (Allah) endu nasuwat sa kauyag sa dunya endu midtakena i ginawa nilan sa dunya, endu silan na diniyang-diyang nilan su ayatan nami.

ߟߝߊߙߌ ߘߏ߫: 8

أُوْلَٰٓئِكَ مَأۡوَىٰهُمُ ٱلنَّارُ بِمَا كَانُواْ يَكۡسِبُونَ

Entuba a manga taw na ya nilan kadtakenan na su apuy, sabap kanu manga penggalebeken nilan siya sa dunya (a ka-kafir).

ߟߝߊߙߌ ߘߏ߫: 9

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ يَهۡدِيهِمۡ رَبُّهُم بِإِيمَٰنِهِمۡۖ تَجۡرِي مِن تَحۡتِهِمُ ٱلۡأَنۡهَٰرُ فِي جَنَّٰتِ ٱلنَّعِيمِ

Saben-sabenal su manga mu'min endu su minggalbek sa manga mapiya tutulu nu kadenan nilan silan sabap kanu iman kanu atay nilan, (aden surga nilan) a belagilay sa kababan nilan i manga pulangi lu sa surga a na’eem.

ߟߝߊߙߌ ߘߏ߫: 10

دَعۡوَىٰهُمۡ فِيهَا سُبۡحَٰنَكَ ٱللَّهُمَّ وَتَحِيَّتُهُمۡ فِيهَا سَلَٰمٞۚ وَءَاخِرُ دَعۡوَىٰهُمۡ أَنِ ٱلۡحَمۡدُ لِلَّهِ رَبِّ ٱلۡعَٰلَمِينَ

Ya nilan edtalun u aden kiyugan nilan na subhaanaka Allahumma, endu pedsasalamay silan endu ya mawli a kadtalu nilan na alhamdulillahi rabbil alameen.

ߟߝߊߙߌ ߘߏ߫: 11

۞ وَلَوۡ يُعَجِّلُ ٱللَّهُ لِلنَّاسِ ٱلشَّرَّ ٱسۡتِعۡجَالَهُم بِٱلۡخَيۡرِ لَقُضِيَ إِلَيۡهِمۡ أَجَلُهُمۡۖ فَنَذَرُ ٱلَّذِينَ لَا يَرۡجُونَ لِقَآءَنَا فِي طُغۡيَٰنِهِمۡ يَعۡمَهُونَ

U mana bu ka idtagad (pamagayasan) nu Allah kanu manusya su mawag sa mana su kadtagad nilan sa mapiya na mawma nilan i ajal nilan, na pasagadan tanu su manga taw a dala kanilan i ka-adap nilan salaki, (sabap) kanu pakasagad a galebek nilan na anteng-anteng silan.

ߟߝߊߙߌ ߘߏ߫: 12

وَإِذَا مَسَّ ٱلۡإِنسَٰنَ ٱلضُّرُّ دَعَانَا لِجَنۢبِهِۦٓ أَوۡ قَاعِدًا أَوۡ قَآئِمٗا فَلَمَّا كَشَفۡنَا عَنۡهُ ضُرَّهُۥ مَرَّ كَأَن لَّمۡ يَدۡعُنَآ إِلَىٰ ضُرّٖ مَّسَّهُۥۚ كَذَٰلِكَ زُيِّنَ لِلۡمُسۡرِفِينَ مَا كَانُواْ يَعۡمَلُونَ

Amayka nauma na makagkayd su manusya na nangeni sa lekami sa pedtakilid atawa bagayan atawa pedtindeg, na guna iyawa sa lekanin su mawag (penggedamen) na mana bun dala pangeni sa lekami kanu nagedam nin a mapasang (sinemupak bun), mamba i kinabpalas kanu manga darwaka kanu penggalbeken nilan.

ߟߝߊߙߌ ߘߏ߫: 13

وَلَقَدۡ أَهۡلَكۡنَا ٱلۡقُرُونَ مِن قَبۡلِكُمۡ لَمَّا ظَلَمُواْ وَجَآءَتۡهُمۡ رُسُلُهُم بِٱلۡبَيِّنَٰتِ وَمَا كَانُواْ لِيُؤۡمِنُواْۚ كَذَٰلِكَ نَجۡزِي ٱلۡقَوۡمَ ٱلۡمُجۡرِمِينَ

Endu saben-sabenal a bininasa nami su manga taw a nangawna sa lekanu, guna silan peg-kafir, endu nakauma kanilan su manga sinugu sa manga mapayag, endu dala kanilan i mangimbenal silan, mamba i kabalas nami kanu manga taw a manga baradusa.

ߟߝߊߙߌ ߘߏ߫: 14

ثُمَّ جَعَلۡنَٰكُمۡ خَلَٰٓئِفَ فِي ٱلۡأَرۡضِ مِنۢ بَعۡدِهِمۡ لِنَنظُرَ كَيۡفَ تَعۡمَلُونَ

Mawli na binaluy nami sekanu a namakasukeli kanu siya sa lupa sa ulyan nilan, ka endu nami kailay u panun i manga galebek nu.

ߟߝߊߙߌ ߘߏ߫: 15

وَإِذَا تُتۡلَىٰ عَلَيۡهِمۡ ءَايَاتُنَا بَيِّنَٰتٖ قَالَ ٱلَّذِينَ لَا يَرۡجُونَ لِقَآءَنَا ٱئۡتِ بِقُرۡءَانٍ غَيۡرِ هَٰذَآ أَوۡ بَدِّلۡهُۚ قُلۡ مَا يَكُونُ لِيٓ أَنۡ أُبَدِّلَهُۥ مِن تِلۡقَآيِٕ نَفۡسِيٓۖ إِنۡ أَتَّبِعُ إِلَّا مَا يُوحَىٰٓ إِلَيَّۖ إِنِّيٓ أَخَافُ إِنۡ عَصَيۡتُ رَبِّي عَذَابَ يَوۡمٍ عَظِيمٖ

Endu amayka batyan kanilan su manga ayatan nami a manga mapayag na ya pidtalu nu manga taw a di gatagu sa ginawa nilan i gay a mawli: na enggay ka sa Qur’an sa namba atawa ka sambi ka, edtalu ka (Muhammad): da sa laki i kasambi ku lun sa kiyug ku ka da bagunutan ku ya tabiya na ibpe-wahi sa laki, kagilekan aku, amayka supaken ku su Kadenan ku, sa siksa kanu gay a masla.

ߟߝߊߙߌ ߘߏ߫: 16

قُل لَّوۡ شَآءَ ٱللَّهُ مَا تَلَوۡتُهُۥ عَلَيۡكُمۡ وَلَآ أَدۡرَىٰكُم بِهِۦۖ فَقَدۡ لَبِثۡتُ فِيكُمۡ عُمُرٗا مِّن قَبۡلِهِۦٓۚ أَفَلَا تَعۡقِلُونَ

Edtalu ka (Muhammad) u kena bu kahanda nu Allah na di ku mabatya sa lekanu endu di ku katawan, ka nawget aku sa lekanu sa da pan makatulun sa laki, na ngintu ka di nu gapamikir?

ߟߝߊߙߌ ߘߏ߫: 17

فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِـَٔايَٰتِهِۦٓۚ إِنَّهُۥ لَا يُفۡلِحُ ٱلۡمُجۡرِمُونَ

Da nakasagad i kadupangin kanu edtetebu sa Allah sa kalbut, atawa pinandalbut nin su manga ayatan nin, na di a benal makauntung su baradusa.

ߟߝߊߙߌ ߘߏ߫: 18

وَيَعۡبُدُونَ مِن دُونِ ٱللَّهِ مَا لَا يَضُرُّهُمۡ وَلَا يَنفَعُهُمۡ وَيَقُولُونَ هَٰٓؤُلَآءِ شُفَعَٰٓؤُنَا عِندَ ٱللَّهِۚ قُلۡ أَتُنَبِّـُٔونَ ٱللَّهَ بِمَا لَا يَعۡلَمُ فِي ٱلسَّمَٰوَٰتِ وَلَا فِي ٱلۡأَرۡضِۚ سُبۡحَٰنَهُۥ وَتَعَٰلَىٰ عَمَّا يُشۡرِكُونَ

Endu pedsimban nilan i salakaw sa Allah a di makambarapantag kanilan a di bun makagkayd, endu pedtalun nilan intuba i suma-faat kanilan (makad-tabang) lu sa Allah, edtalu ka (Muhammad): ngintu ka panudtulen nu sa Allah i di nin katawan kanu dalem na manga langit endu lupa? Mahasuti sekanin a Allah kanu langun nu ipedsakutu nilan.

ߟߝߊߙߌ ߘߏ߫: 19

وَمَا كَانَ ٱلنَّاسُ إِلَّآ أُمَّةٗ وَٰحِدَةٗ فَٱخۡتَلَفُواْۚ وَلَوۡلَا كَلِمَةٞ سَبَقَتۡ مِن رَّبِّكَ لَقُضِيَ بَيۡنَهُمۡ فِيمَا فِيهِ يَخۡتَلِفُونَ

Dala kanu manga taw (a nangauna) ya tabiya na isa bu i agama nilan (Islam) na mimbida-bida silan (sya kanu ulyan a gay) na u di kena bu napasad nu (Allah) i hukuman nin (sa di pan silan binasan) na napasad den silan sa mabinasa kanu di nilan bamagayunan.

ߟߝߊߙߌ ߘߏ߫: 20

وَيَقُولُونَ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦۖ فَقُلۡ إِنَّمَا ٱلۡغَيۡبُ لِلَّهِ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ

Endu pedtalun nilan: namba ka nakatulun i ayat (sa maylay nami) ebpun sa kadenan nin, na edtalu ka (Muhammad): kanu Allah su gayb, na angapa kanu den mun, ka saki na kuyug kanu bagangapa (kanu kakukum nu Allah).

ߟߝߊߙߌ ߘߏ߫: 21

وَإِذَآ أَذَقۡنَا ٱلنَّاسَ رَحۡمَةٗ مِّنۢ بَعۡدِ ضَرَّآءَ مَسَّتۡهُمۡ إِذَا لَهُم مَّكۡرٞ فِيٓ ءَايَاتِنَاۚ قُلِ ٱللَّهُ أَسۡرَعُ مَكۡرًاۚ إِنَّ رُسُلَنَا يَكۡتُبُونَ مَا تَمۡكُرُونَ

Endu amayka pinananam su manusya sa limu sa ulyan a mapasang a natala nilan na aden menem ipamakayd nilan kanu manga ayatan nami, edtalu ka (Muhammad): su Allah na mangagan i kapakaydin, na su manga sinugu nami (a malaikat) i pedsulat kanu kapagakal nu manusya.

ߟߝߊߙߌ ߘߏ߫: 22

هُوَ ٱلَّذِي يُسَيِّرُكُمۡ فِي ٱلۡبَرِّ وَٱلۡبَحۡرِۖ حَتَّىٰٓ إِذَا كُنتُمۡ فِي ٱلۡفُلۡكِ وَجَرَيۡنَ بِهِم بِرِيحٖ طَيِّبَةٖ وَفَرِحُواْ بِهَا جَآءَتۡهَا رِيحٌ عَاصِفٞ وَجَآءَهُمُ ٱلۡمَوۡجُ مِن كُلِّ مَكَانٖ وَظَنُّوٓاْ أَنَّهُمۡ أُحِيطَ بِهِمۡ دَعَوُاْ ٱللَّهَ مُخۡلِصِينَ لَهُ ٱلدِّينَ لَئِنۡ أَنجَيۡتَنَا مِنۡ هَٰذِهِۦ لَنَكُونَنَّ مِنَ ٱلشَّٰكِرِينَ

Sekanin i pabpagiseg sa lekanu siya sa kapuluwan endu lagat, taman sa amayka siya kanu sa bagedan sa lagat, na inipalalaguy kanu nin sa sambel a mapiya, endu nalilini silan (amayka) nasugat menem silan a sambel a mapasang endu bagel a nakabalibet kanilan, endu na antap nilan i langkap den su bagel, na mangeni silan sa Allah sa ikhlas: amayka linepas kami nengka sya ba kadenan nami na edsukur kami a benal.

ߟߝߊߙߌ ߘߏ߫: 23

فَلَمَّآ أَنجَىٰهُمۡ إِذَا هُمۡ يَبۡغُونَ فِي ٱلۡأَرۡضِ بِغَيۡرِ ٱلۡحَقِّۗ يَٰٓأَيُّهَا ٱلنَّاسُ إِنَّمَا بَغۡيُكُمۡ عَلَىٰٓ أَنفُسِكُمۖ مَّتَٰعَ ٱلۡحَيَوٰةِ ٱلدُّنۡيَاۖ ثُمَّ إِلَيۡنَا مَرۡجِعُكُمۡ فَنُنَبِّئُكُم بِمَا كُنتُمۡ تَعۡمَلُونَ

Guna nin pinalepas silan, kena ka mindupang silan siya sa lupa, sekanu a manga taw a pendupang na su kadupang nu na baguli sa ginawa nu, na kabpaguyag na paydu siya sa dunya, mawli na siya kanu bun tanan makambalingan sa lekami, na inggay nami sa lekanu su lalaw nu galebek nu.

ߟߝߊߙߌ ߘߏ߫: 24

إِنَّمَا مَثَلُ ٱلۡحَيَوٰةِ ٱلدُّنۡيَا كَمَآءٍ أَنزَلۡنَٰهُ مِنَ ٱلسَّمَآءِ فَٱخۡتَلَطَ بِهِۦ نَبَاتُ ٱلۡأَرۡضِ مِمَّا يَأۡكُلُ ٱلنَّاسُ وَٱلۡأَنۡعَٰمُ حَتَّىٰٓ إِذَآ أَخَذَتِ ٱلۡأَرۡضُ زُخۡرُفَهَا وَٱزَّيَّنَتۡ وَظَنَّ أَهۡلُهَآ أَنَّهُمۡ قَٰدِرُونَ عَلَيۡهَآ أَتَىٰهَآ أَمۡرُنَا لَيۡلًا أَوۡ نَهَارٗا فَجَعَلۡنَٰهَا حَصِيدٗا كَأَن لَّمۡ تَغۡنَ بِٱلۡأَمۡسِۚ كَذَٰلِكَ نُفَصِّلُ ٱلۡأٓيَٰتِ لِقَوۡمٖ يَتَفَكَّرُونَ

Ya upaman a kauyag sa dunya na mana bun su ulan, initulun nami ebpun sa langit a midsimbul kanu bamangetu siya sa lupa, ebpun kanu pegken nu manga manusya endu binatang, taman sa midsubing kanu liyawaw nu lupa su embalangan (a manga mapiya) endu migkapiya i palasin, endu natagu sa ginawa nu namula i maganden bagaganin, ngimpan ka binaluy nami a nakuku-nalupet sa magabi atawa malamag, sa mana bun su dala bun makam-buat kagay, mamba i kapedtinatad nami kanu manga tanda nami kanu manga taw, ka endu silan makapamikir.

ߟߝߊߙߌ ߘߏ߫: 25

وَٱللَّهُ يَدۡعُوٓاْ إِلَىٰ دَارِ ٱلسَّلَٰمِ وَيَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ

Su Allah i bagenggat lu sa dalpa a suti (surga) pedtutulunin su kahanda nin sa lalan a matidtu.

ߟߝߊߙߌ ߘߏ߫: 26

۞ لِّلَّذِينَ أَحۡسَنُواْ ٱلۡحُسۡنَىٰ وَزِيَادَةٞۖ وَلَا يَرۡهَقُ وُجُوهَهُمۡ قَتَرٞ وَلَا ذِلَّةٌۚ أُوْلَٰٓئِكَ أَصۡحَٰبُ ٱلۡجَنَّةِۖ هُمۡ فِيهَا خَٰلِدُونَ

Aden kanu manga taw a mapiya i surga endu umanan pamun silan sa (mapiya) endu dala kanu biyas nilan i kagkaytem endu kalusak, silan i manga taw sa surga a dala den kalyu nilan.

ߟߝߊߙߌ ߘߏ߫: 27

وَٱلَّذِينَ كَسَبُواْ ٱلسَّيِّـَٔاتِ جَزَآءُ سَيِّئَةِۭ بِمِثۡلِهَا وَتَرۡهَقُهُمۡ ذِلَّةٞۖ مَّا لَهُم مِّنَ ٱللَّهِ مِنۡ عَاصِمٖۖ كَأَنَّمَآ أُغۡشِيَتۡ وُجُوهُهُمۡ قِطَعٗا مِّنَ ٱلَّيۡلِ مُظۡلِمًاۚ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ

Su manga taw menem a minggalbek sa mawag na ya balas a mawag a satiman na satiman bun, endu maitem i beneng nilan a nakalusak, endu dala kanilan i parihala a makebpun sa Allah, su manga beneng nilan na sangat i kaytem nin kalibuteng nin, silan i manga taw sa naraka a dala kalyu nilan sa apuy a siksa.

ߟߝߊߙߌ ߘߏ߫: 28

وَيَوۡمَ نَحۡشُرُهُمۡ جَمِيعٗا ثُمَّ نَقُولُ لِلَّذِينَ أَشۡرَكُواْ مَكَانَكُمۡ أَنتُمۡ وَشُرَكَآؤُكُمۡۚ فَزَيَّلۡنَا بَيۡنَهُمۡۖ وَقَالَ شُرَكَآؤُهُم مَّا كُنتُمۡ إِيَّانَا تَعۡبُدُونَ

Endu su gay a buligen nami silan tanan na entu pan ka edtalun nami kanu manga mushrik i san kanu demun pamba endu su manga barahala nu, na pabpayagan nami su barahala endu su sinumimba lun, edtalu nu manga barahala: di kena sekami i pedsimban nu!

ߟߝߊߙߌ ߘߏ߫: 29

فَكَفَىٰ بِٱللَّهِ شَهِيدَۢا بَيۡنَنَا وَبَيۡنَكُمۡ إِن كُنَّا عَنۡ عِبَادَتِكُمۡ لَغَٰفِلِينَ

Su Allah i saksi tanu sa pageletan nami endu pageletan nu, ka dala sabut nami sa kinasimba nu sa lekami.

ߟߝߊߙߌ ߘߏ߫: 30

هُنَالِكَ تَبۡلُواْ كُلُّ نَفۡسٖ مَّآ أَسۡلَفَتۡۚ وَرُدُّوٓاْ إِلَى ٱللَّهِ مَوۡلَىٰهُمُ ٱلۡحَقِّۖ وَضَلَّ عَنۡهُم مَّا كَانُواْ يَفۡتَرُونَ

Luba a gay na batalun su umani-isa kanu nauna den a galbek nin, endu lu den silan sa Allah a tumuganul kanilan a haqq, endu natadingan nilan su ipedtebu nilan a manga barahala.

ߟߝߊߙߌ ߘߏ߫: 31

قُلۡ مَن يَرۡزُقُكُم مِّنَ ٱلسَّمَآءِ وَٱلۡأَرۡضِ أَمَّن يَمۡلِكُ ٱلسَّمۡعَ وَٱلۡأَبۡصَٰرَ وَمَن يُخۡرِجُ ٱلۡحَيَّ مِنَ ٱلۡمَيِّتِ وَيُخۡرِجُ ٱلۡمَيِّتَ مِنَ ٱلۡحَيِّ وَمَن يُدَبِّرُ ٱلۡأَمۡرَۚ فَسَيَقُولُونَ ٱللَّهُۚ فَقُلۡ أَفَلَا تَتَّقُونَ

Idsan nengka u entayn i pe-rizki sa lekanu ebpun sa langit endu lupa atawa entayn i pakamilik sa kakineg endu kaylay, endu entayn i pabpelyu sa bibiyag ebpun sa minatay endu pabpelyu sa minatay ebpun sa bibyag endu entain i pedtanding sa kanu manggula? Na ya nilan madtalu: su Allah, na edtalu ka kanilan: ngintu ka di nu ipegkagilek?

ߟߝߊߙߌ ߘߏ߫: 32

فَذَٰلِكُمُ ٱللَّهُ رَبُّكُمُ ٱلۡحَقُّۖ فَمَاذَا بَعۡدَ ٱلۡحَقِّ إِلَّا ٱلضَّلَٰلُۖ فَأَنَّىٰ تُصۡرَفُونَ

Entuba su Allah a Kadenan a haqq na da mawli sa haqq a di kena katadingan. Na ngintu ka salakaw pan i pedsimbanu?

ߟߝߊߙߌ ߘߏ߫: 33

كَذَٰلِكَ حَقَّتۡ كَلِمَتُ رَبِّكَ عَلَى ٱلَّذِينَ فَسَقُوٓاْ أَنَّهُمۡ لَا يُؤۡمِنُونَ

Mamba i sabapin i nawagib su siksa kanu manga taw a linumyu kanu agama, silan a di bangimbenal.

ߟߝߊߙߌ ߘߏ߫: 34

قُلۡ هَلۡ مِن شُرَكَآئِكُم مَّن يَبۡدَؤُاْ ٱلۡخَلۡقَ ثُمَّ يُعِيدُهُۥۚ قُلِ ٱللَّهُ يَبۡدَؤُاْ ٱلۡخَلۡقَ ثُمَّ يُعِيدُهُۥۖ فَأَنَّىٰ تُؤۡفَكُونَ

Idsan nengka u ngintu aden kanu barahala nu i madala nin su binaluy mawli na imbalingan nin? Edtalu ka i su Allah i pendala kanu binaluy mawli na pauliten nin, na ngintu kadtetebu kanu?

ߟߝߊߙߌ ߘߏ߫: 35

قُلۡ هَلۡ مِن شُرَكَآئِكُم مَّن يَهۡدِيٓ إِلَى ٱلۡحَقِّۚ قُلِ ٱللَّهُ يَهۡدِي لِلۡحَقِّۗ أَفَمَن يَهۡدِيٓ إِلَى ٱلۡحَقِّ أَحَقُّ أَن يُتَّبَعَ أَمَّن لَّا يَهِدِّيٓ إِلَّآ أَن يُهۡدَىٰۖ فَمَا لَكُمۡ كَيۡفَ تَحۡكُمُونَ

Edtalu ka (Muhammad): ngintu aden kanu barahala nu i makatutulu sa haqq? Edtalu ka i su Allah i pedtutulu kanu haqq, na ngintu su pedtutulu sa haqq i wagib a unutan atawa ka su di pakatutulu ya tabiya na tutulun pan, ngin i bedtuwan sa lekanu? (panun antu) i kapangukum nu?

ߟߝߊߙߌ ߘߏ߫: 36

وَمَا يَتَّبِعُ أَكۡثَرُهُمۡ إِلَّا ظَنًّاۚ إِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـًٔاۚ إِنَّ ٱللَّهَ عَلِيمُۢ بِمَا يَفۡعَلُونَ

Endu da bagunutan nu kadakelan kanilan a (manga mushrik) ya tabiya na antapan, na su antapan na di makangguna sa haqq (bantang) sa apiya paydu, ka su Allah na katawan nin i langun na penggalbeken nilan.

ߟߝߊߙߌ ߘߏ߫: 37

وَمَا كَانَ هَٰذَا ٱلۡقُرۡءَانُ أَن يُفۡتَرَىٰ مِن دُونِ ٱللَّهِ وَلَٰكِن تَصۡدِيقَ ٱلَّذِي بَيۡنَ يَدَيۡهِ وَتَفۡصِيلَ ٱلۡكِتَٰبِ لَا رَيۡبَ فِيهِ مِن رَّبِّ ٱلۡعَٰلَمِينَ

Endu dala sa nan a Qur’an a mapulu idtetebu sa salakaw ebpun sa Allah, ugayd na inibagel endu inipayagin su nanggula nu manga kitab a nawna, endu ipebpayagin su nan a kitab na dala kanduwa-duwa nin ebpun sa kadenan nu dunya.

ߟߝߊߙߌ ߘߏ߫: 38

أَمۡ يَقُولُونَ ٱفۡتَرَىٰهُۖ قُلۡ فَأۡتُواْ بِسُورَةٖ مِّثۡلِهِۦ وَٱدۡعُواْ مَنِ ٱسۡتَطَعۡتُم مِّن دُونِ ٱللَّهِ إِن كُنتُمۡ صَٰدِقِينَ

Endu pedtalun nilan inidtebu (ni Muhammad su Qur’an)? Edtalu ka kanilan: pambuwaten nilan i satiman a surah a pagidsan nin, endu tawag nu u magaga nu salakaw sa Allah a manga barahala nu amayka benal i pedtalun nu anan.

ߟߝߊߙߌ ߘߏ߫: 39

بَلۡ كَذَّبُواْ بِمَا لَمۡ يُحِيطُواْ بِعِلۡمِهِۦ وَلَمَّا يَأۡتِهِمۡ تَأۡوِيلُهُۥۚ كَذَٰلِكَ كَذَّبَ ٱلَّذِينَ مِن قَبۡلِهِمۡۖ فَٱنظُرۡ كَيۡفَ كَانَ عَٰقِبَةُ ٱلظَّٰلِمِينَ

Kena ka papendalbuten nilan su langun nu di nilan katawan, endu dala makawma i tutulu kanilan, na mamba i kinapandalbut nu manga taw a nangawna kanilan, ilayka (Muhammad) u panun i ulyan a manggula nu manga dhaalimeen (nangatading).

ߟߝߊߙߌ ߘߏ߫: 40

وَمِنۡهُم مَّن يُؤۡمِنُ بِهِۦ وَمِنۡهُم مَّن لَّا يُؤۡمِنُ بِهِۦۚ وَرَبُّكَ أَعۡلَمُ بِٱلۡمُفۡسِدِينَ

Endu kaped kanilan i mangimbenal, endu su kaped menem kanilan i di mangimbenal, endu su kadenan nengka bu i labi a mataw kanu pamakabinasa.

ߟߝߊߙߌ ߘߏ߫: 41

وَإِن كَذَّبُوكَ فَقُل لِّي عَمَلِي وَلَكُمۡ عَمَلُكُمۡۖ أَنتُم بَرِيٓـُٔونَ مِمَّآ أَعۡمَلُ وَأَنَا۠ بَرِيٓءٞ مِّمَّا تَعۡمَلُونَ

Endu amayka pinandalbut ka nilan (Muhammad) na edtalu ka i laki i galebek ku, na lekanu den i galebek nu, sekanu na lepas kanu sa kanu penggalbeken ku, na saki na lepas aku bun kanu penggulan nu.

ߟߝߊߙߌ ߘߏ߫: 42

وَمِنۡهُم مَّن يَسۡتَمِعُونَ إِلَيۡكَۚ أَفَأَنتَ تُسۡمِعُ ٱلصُّمَّ وَلَوۡ كَانُواْ لَا يَعۡقِلُونَ

Endu aden bun kanilan i makakineg sa leka, na ngintu makapapakikineg nengka i bisu? Di nengka matutulu silan ka silan na dala ungangen nin.

ߟߝߊߙߌ ߘߏ߫: 43

وَمِنۡهُم مَّن يَنظُرُ إِلَيۡكَۚ أَفَأَنتَ تَهۡدِي ٱلۡعُمۡيَ وَلَوۡ كَانُواْ لَا يُبۡصِرُونَ

Su kaped kanilan idtulik sa leka sa ungat bu na dala bun sa lekami matutulu nengka i pisek, kagina silan na di makaylay silan sa masulen.

ߟߝߊߙߌ ߘߏ߫: 44

إِنَّ ٱللَّهَ لَا يَظۡلِمُ ٱلنَّاسَ شَيۡـٔٗا وَلَٰكِنَّ ٱلنَّاسَ أَنفُسَهُمۡ يَظۡلِمُونَ

Saben-sabenal su Allah na di nin dupangen su manga taw sa apiya paydu, ugayd na su manga taw bun i pendupang sa ginawa nilan.

ߟߝߊߙߌ ߘߏ߫: 45

وَيَوۡمَ يَحۡشُرُهُمۡ كَأَن لَّمۡ يَلۡبَثُوٓاْ إِلَّا سَاعَةٗ مِّنَ ٱلنَّهَارِ يَتَعَارَفُونَ بَيۡنَهُمۡۚ قَدۡ خَسِرَ ٱلَّذِينَ كَذَّبُواْ بِلِقَآءِ ٱللَّهِ وَمَا كَانُواْ مُهۡتَدِينَ

Endu su gay a limuden silan u Allah (lu sa gay a mawli) na mana bun saka waktu sa malamag (saka oras bu ikinagedam nilan) i kinatangen nilan sa kubur, sa makagkikilalaya silan, endu saben-sabenal a nalugi su napandalbut sa kabpagadap sa Allah (dala palityala sa aden gay a mawli) endu dala den silan matutulu.

ߟߝߊߙߌ ߘߏ߫: 46

وَإِمَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِلَيۡنَا مَرۡجِعُهُمۡ ثُمَّ ٱللَّهُ شَهِيدٌ عَلَىٰ مَا يَفۡعَلُونَ

Aden antu na ipaylay nami sa leka (Muhammad) su kaped a siksa a ipedtatalanga kanilan, atawa imatayan nami bu seka, na siya bun sa lekami i kambalinganan nilan, mawli na su Allah i saksi kanu langun nu penggalebeken nilan.

ߟߝߊߙߌ ߘߏ߫: 47

وَلِكُلِّ أُمَّةٖ رَّسُولٞۖ فَإِذَا جَآءَ رَسُولُهُمۡ قُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ

Uman i isa a ummat na aden rasul nin, na amayka nakawma su sinugu kanilan kukumen sa bantang endu di silan madsalimbut.

ߟߝߊߙߌ ߘߏ߫: 48

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu pedtalun nilan kanu i namba (gay a mawli) amayka benal i pedtalun nu banan?

ߟߝߊߙߌ ߘߏ߫: 49

قُل لَّآ أَمۡلِكُ لِنَفۡسِي ضَرّٗا وَلَا نَفۡعًا إِلَّا مَا شَآءَ ٱللَّهُۗ لِكُلِّ أُمَّةٍ أَجَلٌۚ إِذَا جَآءَ أَجَلُهُمۡ فَلَا يَسۡتَـٔۡخِرُونَ سَاعَةٗ وَلَا يَسۡتَقۡدِمُونَ

Edtaluka i di ku kamilikan i ginawa ku sa makagkayd endu makagkapiya ya tabya na kahanda nu Allah, uman i isa na aden ajalin, amayka nawma silan u ajal nilan na di makasundul endu di maketeng.

ߟߝߊߙߌ ߘߏ߫: 50

قُلۡ أَرَءَيۡتُمۡ إِنۡ أَتَىٰكُمۡ عَذَابُهُۥ بَيَٰتًا أَوۡ نَهَارٗا مَّاذَا يَسۡتَعۡجِلُ مِنۡهُ ٱلۡمُجۡرِمُونَ

Edtaluka kanilan u mawma kanu na siksa nu Allah sa magabi atawa malmag, na ngin pan ipedtagadan nu (pamagayasan nu) manga taw a baradusa?

ߟߝߊߙߌ ߘߏ߫: 51

أَثُمَّ إِذَا مَا وَقَعَ ءَامَنتُم بِهِۦٓۚ ءَآلۡـَٰٔنَ وَقَدۡ كُنتُم بِهِۦ تَسۡتَعۡجِلُونَ

Na ngintu upama ka nakabetad su siksa na mangimbenal kanu saguna? Inunta na pedtagadanu gayd.

ߟߝߊߙߌ ߘߏ߫: 52

ثُمَّ قِيلَ لِلَّذِينَ ظَلَمُواْ ذُوقُواْ عَذَابَ ٱلۡخُلۡدِ هَلۡ تُجۡزَوۡنَ إِلَّا بِمَا كُنتُمۡ تَكۡسِبُونَ

Mawli na edtalun kanu manga kafir i nanami nu su siksa a dayun sa dayun (taman s ataman) ka dala i balas sa lekanu ya tabiya na lalaw nu penggalebeken nu.

ߟߝߊߙߌ ߘߏ߫: 53

۞ وَيَسۡتَنۢبِـُٔونَكَ أَحَقٌّ هُوَۖ قُلۡ إِي وَرَبِّيٓ إِنَّهُۥ لَحَقّٞۖ وَمَآ أَنتُم بِمُعۡجِزِينَ

Endu bagidsan kanilan a benal u makambuwat su taw (lu sagay a mawli endu siksa) edtalu ka: benal, idsapa ku kanu Kadenan ku na benal a makambuwat sa ulyan a kapatay, endu di kanu makalipus.

ߟߝߊߙߌ ߘߏ߫: 54

وَلَوۡ أَنَّ لِكُلِّ نَفۡسٖ ظَلَمَتۡ مَا فِي ٱلۡأَرۡضِ لَٱفۡتَدَتۡ بِهِۦۗ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۖ وَقُضِيَ بَيۡنَهُم بِٱلۡقِسۡطِ وَهُمۡ لَا يُظۡلَمُونَ

U mana bu ka su kafir ka lekanin bu su lupa sa ipangawnin sa ginawa nin, endu inisulen nilan su kinadsendit, guna nilan mailay su siksa a mapasang endu kinukum silan sa bantang, endu silan na di silan madsalimbut.

ߟߝߊߙߌ ߘߏ߫: 55

أَلَآ إِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۗ أَلَآ إِنَّ وَعۡدَ ٱللَّهِ حَقّٞ وَلَٰكِنَّ أَكۡثَرَهُمۡ لَا يَعۡلَمُونَ

Saben-sabenal a kanu Allah su pitu lapis a langit endu su lupa, saben-sabenal kanu pasad nu Allah na haqq, ugayd na ya madakel kanilan i di nilan katawan.

ߟߝߊߙߌ ߘߏ߫: 56

هُوَ يُحۡيِۦ وَيُمِيتُ وَإِلَيۡهِ تُرۡجَعُونَ

Sekanin i banguyag-bangimatay, endu sekanin i gauliyan.

ߟߝߊߙߌ ߘߏ߫: 57

يَٰٓأَيُّهَا ٱلنَّاسُ قَدۡ جَآءَتۡكُم مَّوۡعِظَةٞ مِّن رَّبِّكُمۡ وَشِفَآءٞ لِّمَا فِي ٱلصُّدُورِ وَهُدٗى وَرَحۡمَةٞ لِّلۡمُؤۡمِنِينَ

Sekanu a manga taw nakawma sa lekanu su indawan ebpun sa kanu kadenan nu, endu gamut kanu dalem nu manga laleb nu, endu tutulu endu limu kanu manga mu'min.

ߟߝߊߙߌ ߘߏ߫: 58

قُلۡ بِفَضۡلِ ٱللَّهِ وَبِرَحۡمَتِهِۦ فَبِذَٰلِكَ فَلۡيَفۡرَحُواْ هُوَ خَيۡرٞ مِّمَّا يَجۡمَعُونَ

Edtalu ka i sabap kanu kalbihan nu Allah endu su limu nin na egkakalilini silan (sya sa islam endu kanu Qur’an) ka ya mapiya kanu belimuden nilan (kakawasan) sya sa dunya.

ߟߝߊߙߌ ߘߏ߫: 59

قُلۡ أَرَءَيۡتُم مَّآ أَنزَلَ ٱللَّهُ لَكُم مِّن رِّزۡقٖ فَجَعَلۡتُم مِّنۡهُ حَرَامٗا وَحَلَٰلٗا قُلۡ ءَآللَّهُ أَذِنَ لَكُمۡۖ أَمۡ عَلَى ٱللَّهِ تَفۡتَرُونَ

Edtalu ka (Muhammad) su initulun nu Allah sa lekanu a rizki a binaluy nu su kaped na haram su kaped na halal, edtalu ka i ngintu inisugut nu kadenan nu atawa ka pedtetebuwan nu sa namba a hukuman nu?

ߟߝߊߙߌ ߘߏ߫: 60

وَمَا ظَنُّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ يَوۡمَ ٱلۡقِيَٰمَةِۗ إِنَّ ٱللَّهَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَهُمۡ لَا يَشۡكُرُونَ

Dala kanu antapan nu a ipedtebu sa Allah a kalebut (di ebplis na masiksa silan) sa gay a mawli ka su Allah i kigkuwan sa kalbihan kanu manga taw, ugayd na ya madakel kanilan na di masukur.

ߟߝߊߙߌ ߘߏ߫: 61

وَمَا تَكُونُ فِي شَأۡنٖ وَمَا تَتۡلُواْ مِنۡهُ مِن قُرۡءَانٖ وَلَا تَعۡمَلُونَ مِنۡ عَمَلٍ إِلَّا كُنَّا عَلَيۡكُمۡ شُهُودًا إِذۡ تُفِيضُونَ فِيهِۚ وَمَا يَعۡزُبُ عَن رَّبِّكَ مِن مِّثۡقَالِ ذَرَّةٖ فِي ٱلۡأَرۡضِ وَلَا فِي ٱلسَّمَآءِ وَلَآ أَصۡغَرَ مِن ذَٰلِكَ وَلَآ أَكۡبَرَ إِلَّا فِي كِتَٰبٖ مُّبِينٍ

Endu dala ula-ula a manawt-matiwalu endu dala pembatyan nengka sa Qur’an endu dala penggalbeken nu a galbek, a di kena nami pedsaksiyan sekanu, kanu kapegkuwa nu lun endu dala makapagena ebpun kanu kadenan nengka a unga a manot den sa saka-manot siya sa lupa endu langit, endu dala manot pan sa entuba atawa masla pan, ya tabiya na lu sa kitab a mapayag (Lawh Al-Mahfudh).

ߟߝߊߙߌ ߘߏ߫: 62

أَلَآ إِنَّ أَوۡلِيَآءَ ٱللَّهِ لَا خَوۡفٌ عَلَيۡهِمۡ وَلَا هُمۡ يَحۡزَنُونَ

Saben-sabenal kanu manga taw a masupeg sa Allah na dala gilek nilan, endu di malidu i ginawa nilan (sa batalu a pamakauma kanilan).

ߟߝߊߙߌ ߘߏ߫: 63

ٱلَّذِينَ ءَامَنُواْ وَكَانُواْ يَتَّقُونَ

Silan su nangimbenal a nagilekan sa Allah a mapulu.

ߟߝߊߙߌ ߘߏ߫: 64

لَهُمُ ٱلۡبُشۡرَىٰ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۚ لَا تَبۡدِيلَ لِكَلِمَٰتِ ٱللَّهِۚ ذَٰلِكَ هُوَ ٱلۡفَوۡزُ ٱلۡعَظِيمُ

Kanilan su lilini siya sa kabpaguyag sa dunya endu lu sa gay a mawli, di kasambiyan su kadtalu nu Allah, entuba i badtugan a masla.

ߟߝߊߙߌ ߘߏ߫: 65

وَلَا يَحۡزُنكَ قَوۡلُهُمۡۘ إِنَّ ٱلۡعِزَّةَ لِلَّهِ جَمِيعًاۚ هُوَ ٱلسَّمِيعُ ٱلۡعَلِيمُ

Endu di ka lumidu i ginawa nengka sa kadtalu nilan, ka su kapulu na kanu Allah langun, sekanin i pakakineg a mataw.

ߟߝߊߙߌ ߘߏ߫: 66

أَلَآ إِنَّ لِلَّهِ مَن فِي ٱلسَّمَٰوَٰتِ وَمَن فِي ٱلۡأَرۡضِۗ وَمَا يَتَّبِعُ ٱلَّذِينَ يَدۡعُونَ مِن دُونِ ٱللَّهِ شُرَكَآءَۚ إِن يَتَّبِعُونَ إِلَّا ٱلظَّنَّ وَإِنۡ هُمۡ إِلَّا يَخۡرُصُونَ

Saben-sabenal a kanu Allah su dalem nu manga langit endu su lupa, endu dala bagunutan u (manga taw) a pedsimba sa salakaw sa Allah manga barahala, ya nilan bagunutan na antap, endu dala kanilan ya tabiya kabagumbal sa kalbut.

ߟߝߊߙߌ ߘߏ߫: 67

هُوَ ٱلَّذِي جَعَلَ لَكُمُ ٱلَّيۡلَ لِتَسۡكُنُواْ فِيهِ وَٱلنَّهَارَ مُبۡصِرًاۚ إِنَّ فِي ذَٰلِكَ لَأٓيَٰتٖ لِّقَوۡمٖ يَسۡمَعُونَ

Sekanin a (Allah) na binaluy nin sa lekanu su magabi a ipangintelen nu endu su malamag a ibpagilay nu, luba su manga tanda a Qudratu Allah kanu manga taw a pakakineg.

ߟߝߊߙߌ ߘߏ߫: 68

قَالُواْ ٱتَّخَذَ ٱللَّهُ وَلَدٗاۗ سُبۡحَٰنَهُۥۖ هُوَ ٱلۡغَنِيُّۖ لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ إِنۡ عِندَكُم مِّن سُلۡطَٰنِۭ بِهَٰذَآۚ أَتَقُولُونَ عَلَى ٱللَّهِ مَا لَا تَعۡلَمُونَ

Pidtalu nilan (Nasrani) i namaluy su Allah sa wata (aden kun wata nu Allah a mama) mahasuti sekanin, sekanin i kawasa, lekanin i dalem nu manga langit endu lupa, dala tindegu sa namba a kadtalu nu, pedtalun nu sa Allah i di nu katawan.

ߟߝߊߙߌ ߘߏ߫: 69

قُلۡ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ

Edtalu ka (Muhammad) su manga taw a pedtetebuan nilan su Allah sa kalbutan na di silan maka-untung.

ߟߝߊߙߌ ߘߏ߫: 70

مَتَٰعٞ فِي ٱلدُّنۡيَا ثُمَّ إِلَيۡنَا مَرۡجِعُهُمۡ ثُمَّ نُذِيقُهُمُ ٱلۡعَذَابَ ٱلشَّدِيدَ بِمَا كَانُواْ يَكۡفُرُونَ

Kalangkapan bu (kagkakalilini nilan bu) siya sa dunya, mawli na siya sa lekami bun silan makam-balingan, mawli na pananaman nami kanilan i siksa a mapasang sabap kanu kapeg-kafir nilan.

ߟߝߊߙߌ ߘߏ߫: 71

۞ وَٱتۡلُ عَلَيۡهِمۡ نَبَأَ نُوحٍ إِذۡ قَالَ لِقَوۡمِهِۦ يَٰقَوۡمِ إِن كَانَ كَبُرَ عَلَيۡكُم مَّقَامِي وَتَذۡكِيرِي بِـَٔايَٰتِ ٱللَّهِ فَعَلَى ٱللَّهِ تَوَكَّلۡتُ فَأَجۡمِعُوٓاْ أَمۡرَكُمۡ وَشُرَكَآءَكُمۡ ثُمَّ لَا يَكُنۡ أَمۡرُكُمۡ عَلَيۡكُمۡ غُمَّةٗ ثُمَّ ٱقۡضُوٓاْ إِلَيَّ وَلَا تُنظِرُونِ

Endu gugud ka (Muhammad) su bandingan kani Nuh a pidtalu nin ku manga qawm nin: oh kawm ku! U nabaluy a masala sa lekanu i gelal ku anya endu su kapamelabit ku kanu manga gugudan nu Allah, na kanu Allah bu i pedsalakanan ku, na pamelimud-limud nu den i penggulan nu endu su manga katumpu (su manga pamedsakutu) uliyan nin na di mabaluy su penggulan nu sa lapengin, entu pan ka pamedsangul aku nu sa dili aku nu pagenggay sa lugal.

ߟߝߊߙߌ ߘߏ߫: 72

فَإِن تَوَلَّيۡتُمۡ فَمَا سَأَلۡتُكُم مِّنۡ أَجۡرٍۖ إِنۡ أَجۡرِيَ إِلَّا عَلَى ٱللَّهِۖ وَأُمِرۡتُ أَنۡ أَكُونَ مِنَ ٱلۡمُسۡلِمِينَ

Amayka di kanu tumalima (sa Islam) na di kena aku pegkuwa sa lekanu sa sukay ka dala sukay ku ya tabiya na lu sa Allah, endu sinugu aku sa makuyug aku kanu manga Muslim (sinumangkup sa Allah).

ߟߝߊߙߌ ߘߏ߫: 73

فَكَذَّبُوهُ فَنَجَّيۡنَٰهُ وَمَن مَّعَهُۥ فِي ٱلۡفُلۡكِ وَجَعَلۡنَٰهُمۡ خَلَٰٓئِفَ وَأَغۡرَقۡنَا ٱلَّذِينَ كَذَّبُواْ بِـَٔايَٰتِنَاۖ فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

Pinandalbut nilan (Nuh) na linepas nami sekanin endu su manga kapedin kanu bagedan (awang), endu binaluy nami i silan i mamakasambi, endu pinageled nami su napandalbut kanu manga ayatan nami, na edsuliman kanu panun i natamanan u manga kafir endu su manga mu'min.

ߟߝߊߙߌ ߘߏ߫: 74

ثُمَّ بَعَثۡنَا مِنۢ بَعۡدِهِۦ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَمَا كَانُواْ لِيُؤۡمِنُواْ بِمَا كَذَّبُواْ بِهِۦ مِن قَبۡلُۚ كَذَٰلِكَ نَطۡبَعُ عَلَىٰ قُلُوبِ ٱلۡمُعۡتَدِينَ

Mawli kani (Nuh) na pinambwat nami sa ulyan nilan i manga sinugu lu kanu manga taw nilan, nakawma silan sa manga mapayag a tanda, na dala bun kanilan i mangimbenal ka mana bun su kina-pandalbut u nangawna, mamba i katutup nami kanu manga atay nu manga taw a di mangimbenal.

ߟߝߊߙߌ ߘߏ߫: 75

ثُمَّ بَعَثۡنَا مِنۢ بَعۡدِهِم مُّوسَىٰ وَهَٰرُونَ إِلَىٰ فِرۡعَوۡنَ وَمَلَإِيْهِۦ بِـَٔايَٰتِنَا فَٱسۡتَكۡبَرُواْ وَكَانُواْ قَوۡمٗا مُّجۡرِمِينَ

Mawli na pinambwat nami sa ulyan nilan si Musa endu si Harun lu kani Fir’awn endu su kangasaligan nin (nu Fir’awn), sa (aden) manga ayatan nami, na mimamasla silan, nabaluy silan a manga qawm a baladusa.

ߟߝߊߙߌ ߘߏ߫: 76

فَلَمَّا جَآءَهُمُ ٱلۡحَقُّ مِنۡ عِندِنَا قَالُوٓاْ إِنَّ هَٰذَا لَسِحۡرٞ مُّبِينٞ

Guna silan mawma nu haqq ebpun sa lekami (Allah), na ya nilan pidtalu: nan su (Musa) na sih'r a mapayag (manga pakayd).

ߟߝߊߙߌ ߘߏ߫: 77

قَالَ مُوسَىٰٓ أَتَقُولُونَ لِلۡحَقِّ لَمَّا جَآءَكُمۡۖ أَسِحۡرٌ هَٰذَا وَلَا يُفۡلِحُ ٱلسَّٰحِرُونَ

Tig nu Musa: enduken ka pedtalun kanu haqq, sa kinawma nin (haqq) sa lekanu, i sih'r inan? Endu di a benal makauntung su manga mategel sa sih'r.

ߟߝߊߙߌ ߘߏ߫: 78

قَالُوٓاْ أَجِئۡتَنَا لِتَلۡفِتَنَا عَمَّا وَجَدۡنَا عَلَيۡهِ ءَابَآءَنَا وَتَكُونَ لَكُمَا ٱلۡكِبۡرِيَآءُ فِي ٱلۡأَرۡضِ وَمَا نَحۡنُ لَكُمَا بِمُؤۡمِنِينَ

Tig nilan: kinawma nengka sa lekami na pabpagendan nengka su naparuli nami sa manga kalukesan nami ka endu nu makwa su kamamasla sya sa lupa? Endu dala sa lekami i pangimbenalen nami sekanu.

ߟߝߊߙߌ ߘߏ߫: 79

وَقَالَ فِرۡعَوۡنُ ٱئۡتُونِي بِكُلِّ سَٰحِرٍ عَلِيمٖ

Tig nu Fir’awn pasya nu sa laki i langun a mategel sa sih'r.

ߟߝߊߙߌ ߘߏ߫: 80

فَلَمَّا جَآءَ ٱلسَّحَرَةُ قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ

Guna makawma su manga mategel sa sih'r na pidtalu nu Musa kanilan: butawani nu i pembutawanan nu.

ߟߝߊߙߌ ߘߏ߫: 81

فَلَمَّآ أَلۡقَوۡاْ قَالَ مُوسَىٰ مَا جِئۡتُم بِهِ ٱلسِّحۡرُۖ إِنَّ ٱللَّهَ سَيُبۡطِلُهُۥٓ إِنَّ ٱللَّهَ لَا يُصۡلِحُ عَمَلَ ٱلۡمُفۡسِدِينَ

Guna nilan pembutawani, tig nu Musa: langun a napananggit nu banan a manga sih'r na su Allah na batalen nin (binasan nin) ka su Allah na di nin tabangan i galebek nu a pakabinasa.

ߟߝߊߙߌ ߘߏ߫: 82

وَيُحِقُّ ٱللَّهُ ٱلۡحَقَّ بِكَلِمَٰتِهِۦ وَلَوۡ كَرِهَ ٱلۡمُجۡرِمُونَ

Endu tabang nu Allah su Haqq kanu manga kadtalu nin, apiya di den kasuwatan u manga baradusa.

ߟߝߊߙߌ ߘߏ߫: 83

فَمَآ ءَامَنَ لِمُوسَىٰٓ إِلَّا ذُرِّيَّةٞ مِّن قَوۡمِهِۦ عَلَىٰ خَوۡفٖ مِّن فِرۡعَوۡنَ وَمَلَإِيْهِمۡ أَن يَفۡتِنَهُمۡۚ وَإِنَّ فِرۡعَوۡنَ لَعَالٖ فِي ٱلۡأَرۡضِ وَإِنَّهُۥ لَمِنَ ٱلۡمُسۡرِفِينَ

Na dala nangimbenal kanu Musa ya tabiya na manga mawli a taw nu kawm nin, sa gilek nilan kani Fir’awn endu su kangasaligan nin ka ma-fitnah silan (pakapasangan silan), saben-sabenal kani Fir’awn na mibpapulu sya kanu dalpa, endu sekanin i kiyug kanu naminasa.

ߟߝߊߙߌ ߘߏ߫: 84

وَقَالَ مُوسَىٰ يَٰقَوۡمِ إِن كُنتُمۡ ءَامَنتُم بِٱللَّهِ فَعَلَيۡهِ تَوَكَّلُوٓاْ إِن كُنتُم مُّسۡلِمِينَ

Pidtalu nu Musa: Hay sekanu a manga taw ku! Amayka nangimbenal kanu sa Allah na salig kanu sa lekanin amayka Muslim kanu.

ߟߝߊߙߌ ߘߏ߫: 85

فَقَالُواْ عَلَى ٱللَّهِ تَوَكَّلۡنَا رَبَّنَا لَا تَجۡعَلۡنَا فِتۡنَةٗ لِّلۡقَوۡمِ ٱلظَّٰلِمِينَ

Tig nilan: sinumalig kami sa Allah, huu kadenan nami! Di kami maluy a fitnah kanu manga dupang.

ߟߝߊߙߌ ߘߏ߫: 86

وَنَجِّنَا بِرَحۡمَتِكَ مِنَ ٱلۡقَوۡمِ ٱلۡكَٰفِرِينَ

Endu lepas kami, sabap kanu limu nengka, kanu manga taw a manga kafir.

ߟߝߊߙߌ ߘߏ߫: 87

وَأَوۡحَيۡنَآ إِلَىٰ مُوسَىٰ وَأَخِيهِ أَن تَبَوَّءَا لِقَوۡمِكُمَا بِمِصۡرَ بُيُوتٗا وَٱجۡعَلُواْ بُيُوتَكُمۡ قِبۡلَةٗ وَأَقِيمُواْ ٱلصَّلَوٰةَۗ وَبَشِّرِ ٱلۡمُؤۡمِنِينَ

Endu ini-wahi nami kani Musa endu su suled nin sa umbali nu su uga qawm nu (manga sakup nu) lu sa Mis'r sa walay, a walay a sambayangan endu itindeg nu su sambayang, endu panudtul ka kanu manga Mu'min su makapya sa ginawa nilan.

ߟߝߊߙߌ ߘߏ߫: 88

وَقَالَ مُوسَىٰ رَبَّنَآ إِنَّكَ ءَاتَيۡتَ فِرۡعَوۡنَ وَمَلَأَهُۥ زِينَةٗ وَأَمۡوَٰلٗا فِي ٱلۡحَيَوٰةِ ٱلدُّنۡيَا رَبَّنَا لِيُضِلُّواْ عَن سَبِيلِكَۖ رَبَّنَا ٱطۡمِسۡ عَلَىٰٓ أَمۡوَٰلِهِمۡ وَٱشۡدُدۡ عَلَىٰ قُلُوبِهِمۡ فَلَا يُؤۡمِنُواْ حَتَّىٰ يَرَوُاْ ٱلۡعَذَابَ ٱلۡأَلِيمَ

Tig nu Musa: Kadenan nami inenggan nengka si Fir’awn endu su kangasaliganin sa manga kapalasan endu manga tamuk sya sa dunya, kadenan nami ipedtading nilan sa kanu mga taw kanu agama nengka, huu Kadenan nami, punas ka i manga tamuk nilan, endu tutupi ka su manga atay nilan na di silan mangimbenal taman a di nilan maylay i siksa a sangat a mapasang.

ߟߝߊߙߌ ߘߏ߫: 89

قَالَ قَدۡ أُجِيبَت دَّعۡوَتُكُمَا فَٱسۡتَقِيمَا وَلَا تَتَّبِعَآنِّ سَبِيلَ ٱلَّذِينَ لَا يَعۡلَمُونَ

Tig nu Allah: saben-sabenal tinalima den i pangeni nu duwa, na edtidtu kanu endu da kanu munut sa lalan nu manga taw a di manga mataw.

ߟߝߊߙߌ ߘߏ߫: 90

۞ وَجَٰوَزۡنَا بِبَنِيٓ إِسۡرَٰٓءِيلَ ٱلۡبَحۡرَ فَأَتۡبَعَهُمۡ فِرۡعَوۡنُ وَجُنُودُهُۥ بَغۡيٗا وَعَدۡوًاۖ حَتَّىٰٓ إِذَآ أَدۡرَكَهُ ٱلۡغَرَقُ قَالَ ءَامَنتُ أَنَّهُۥ لَآ إِلَٰهَ إِلَّا ٱلَّذِيٓ ءَامَنَتۡ بِهِۦ بَنُوٓاْ إِسۡرَٰٓءِيلَ وَأَنَا۠ مِنَ ٱلۡمُسۡلِمِينَ

Pinabedtas nami su tupu nu Israel kanu lagat, na sineled silan nu Fir’awn endu su kadakel nin sa kadupangan endu kapedtibaba, taman sa nagaws na kinageled, pidtalu nin (Fir’aun): nangimbenal aku sa da kadenan ya tabiya na su kadenan a pinangimbenal u tupu nu Israel endu saki na kuyug aku den kanu manga Muslim.

ߟߝߊߙߌ ߘߏ߫: 91

ءَآلۡـَٰٔنَ وَقَدۡ عَصَيۡتَ قَبۡلُ وَكُنتَ مِنَ ٱلۡمُفۡسِدِينَ

Tig nu Allah saguna na nangimbenal ka, na sinumangka ka paganay endu kuyug ka kanu manga taw a baminasa.

ߟߝߊߙߌ ߘߏ߫: 92

فَٱلۡيَوۡمَ نُنَجِّيكَ بِبَدَنِكَ لِتَكُونَ لِمَنۡ خَلۡفَكَ ءَايَةٗۚ وَإِنَّ كَثِيرٗا مِّنَ ٱلنَّاسِ عَنۡ ءَايَٰتِنَا لَغَٰفِلُونَ

Na saguna na lepasen nami i badan nengka sa kagampung, ka endu ka ma-aden kanu mawli sa leka tanda ibaratan endu madakel kanu manga taw kanu manga ayatan nami i di manuliman.

ߟߝߊߙߌ ߘߏ߫: 93

وَلَقَدۡ بَوَّأۡنَا بَنِيٓ إِسۡرَٰٓءِيلَ مُبَوَّأَ صِدۡقٖ وَرَزَقۡنَٰهُم مِّنَ ٱلطَّيِّبَٰتِ فَمَا ٱخۡتَلَفُواْ حَتَّىٰ جَآءَهُمُ ٱلۡعِلۡمُۚ إِنَّ رَبَّكَ يَقۡضِي بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ

Endu saben-sabenal a pinadtakena nami su tupu nu Israel sa pedtakena na benal (sham) endu rinizkiyan nami silan sa manga mapiya, na dala menem ka embida-bida silan taman sa nakawma kanilan i ilmu (kataw) su kadenan nengka na kukumen nin silan sa gay a mawli kanu langun nu di nilan bamagayunan.

ߟߝߊߙߌ ߘߏ߫: 94

فَإِن كُنتَ فِي شَكّٖ مِّمَّآ أَنزَلۡنَآ إِلَيۡكَ فَسۡـَٔلِ ٱلَّذِينَ يَقۡرَءُونَ ٱلۡكِتَٰبَ مِن قَبۡلِكَۚ لَقَدۡ جَآءَكَ ٱلۡحَقُّ مِن رَّبِّكَ فَلَا تَكُونَنَّ مِنَ ٱلۡمُمۡتَرِينَ

Amayka penduwa-duwa ka (Muhammad) kanu initulun nami sa leka na idsay ka su pembatya sa kanu kitab (Taurat-Injil) a nawna pan sa leka, saben-sabenal a nakawma sa leka su Haqq ebpun sa kadenan nengka, na daka mamung kanu bagalang-alang.

ߟߝߊߙߌ ߘߏ߫: 95

وَلَا تَكُونَنَّ مِنَ ٱلَّذِينَ كَذَّبُواْ بِـَٔايَٰتِ ٱللَّهِ فَتَكُونَ مِنَ ٱلۡخَٰسِرِينَ

Da ka pegkuyug kanu manga taw a napandalbut kanu manga ayatan u Allah, ka makuyug ka kanu manga taw a nangalapis.

ߟߝߊߙߌ ߘߏ߫: 96

إِنَّ ٱلَّذِينَ حَقَّتۡ عَلَيۡهِمۡ كَلِمَتُ رَبِّكَ لَا يُؤۡمِنُونَ

Su manga taw a na-wagib kanilan su siksa nu kadenan nengka na di silan mangimbenal.

ߟߝߊߙߌ ߘߏ߫: 97

وَلَوۡ جَآءَتۡهُمۡ كُلُّ ءَايَةٍ حَتَّىٰ يَرَوُاْ ٱلۡعَذَابَ ٱلۡأَلِيمَ

Saben-sabenal a nakawma kanilan i langun nu manga ayat, taman sa maylay nilan i siksa a masakit a malipedes.

ߟߝߊߙߌ ߘߏ߫: 98

فَلَوۡلَا كَانَتۡ قَرۡيَةٌ ءَامَنَتۡ فَنَفَعَهَآ إِيمَٰنُهَآ إِلَّا قَوۡمَ يُونُسَ لَمَّآ ءَامَنُواْ كَشَفۡنَا عَنۡهُمۡ عَذَابَ ٱلۡخِزۡيِ فِي ٱلۡحَيَوٰةِ ٱلدُّنۡيَا وَمَتَّعۡنَٰهُمۡ إِلَىٰ حِينٖ

Dala dalpa a darwaka i taw nin, a mangimbenal (guna nin mailay i siksa) (na dili) makambarapantag sa lekanin su pangimbenal nin ya tabya na su taw nu Yunus a guna silan pangimbenal na inawa nu Allah kanilan su siksa a kayayan siya sa kabpaguyag sa dunya, endu inikalimu nami silan taman sa ajal nilan.

ߟߝߊߙߌ ߘߏ߫: 99

وَلَوۡ شَآءَ رَبُّكَ لَأٓمَنَ مَن فِي ٱلۡأَرۡضِ كُلُّهُمۡ جَمِيعًاۚ أَفَأَنتَ تُكۡرِهُ ٱلنَّاسَ حَتَّىٰ يَكُونُواْ مُؤۡمِنِينَ

U mana bu ka pigkahanda nu kadenan nengka, na nangimbenal su taw nu lupa sa langun nilan, na ngintu seka pan (Muhammad) i meges kanu manga taw ka endu mabaluy silan a mu'min tanan?

ߟߝߊߙߌ ߘߏ߫: 100

وَمَا كَانَ لِنَفۡسٍ أَن تُؤۡمِنَ إِلَّا بِإِذۡنِ ٱللَّهِۚ وَيَجۡعَلُ ٱلرِّجۡسَ عَلَى ٱلَّذِينَ لَا يَعۡقِلُونَ

Dala isa a taw a mangimbenal ya tabya na kahanda nu Allah, na endu baluyen nin (Allah) i maledsik kanu manga taw a di magungangen.

ߟߝߊߙߌ ߘߏ߫: 101

قُلِ ٱنظُرُواْ مَاذَا فِي ٱلسَّمَٰوَٰتِ وَٱلۡأَرۡضِۚ وَمَا تُغۡنِي ٱلۡأٓيَٰتُ وَٱلنُّذُرُ عَن قَوۡمٖ لَّا يُؤۡمِنُونَ

Edtalu ka: ilay nu u ngin i dalem nu manga langit endu su lupa, endu di bun pakangguna su manga ayat endu su pakagilek kanu manga taw a di bangimbenal.

ߟߝߊߙߌ ߘߏ߫: 102

فَهَلۡ يَنتَظِرُونَ إِلَّا مِثۡلَ أَيَّامِ ٱلَّذِينَ خَلَوۡاْ مِن قَبۡلِهِمۡۚ قُلۡ فَٱنتَظِرُوٓاْ إِنِّي مَعَكُم مِّنَ ٱلۡمُنتَظِرِينَ

Na dala kapagangapan nilan ya tabiya na mana su manga gay a naypus kanu manga taw a nawna kanilan (a manga tyuba), edtalu ka magangapa silan, ka saki na salta aku sa lekanu a manga taw a bagangapa.

ߟߝߊߙߌ ߘߏ߫: 103

ثُمَّ نُنَجِّي رُسُلَنَا وَٱلَّذِينَ ءَامَنُواْۚ كَذَٰلِكَ حَقًّا عَلَيۡنَا نُنجِ ٱلۡمُؤۡمِنِينَ

Mawli na lepasen nami su manga sinugu nami endu su manga mu'min, mamba i bantang (wagib) sa lekami- kalepas nami kanu manga mu'min.

ߟߝߊߙߌ ߘߏ߫: 104

قُلۡ يَٰٓأَيُّهَا ٱلنَّاسُ إِن كُنتُمۡ فِي شَكّٖ مِّن دِينِي فَلَآ أَعۡبُدُ ٱلَّذِينَ تَعۡبُدُونَ مِن دُونِ ٱللَّهِ وَلَٰكِنۡ أَعۡبُدُ ٱللَّهَ ٱلَّذِي يَتَوَفَّىٰكُمۡۖ وَأُمِرۡتُ أَنۡ أَكُونَ مِنَ ٱلۡمُؤۡمِنِينَ

Edtalu ka (Muhammad): sekanu a manga taw amayka penduwa-duwa kanu sa kanu agama ku na di ku simban su pedsimban nu a salakaw sa Allah, ugayd na ya ku simban na su Allah a sekanin i mimatay sa lekanu, endu inisugu sa laki i makuyug aku kanu manga mu'min.

ߟߝߊߙߌ ߘߏ߫: 105

وَأَنۡ أَقِمۡ وَجۡهَكَ لِلدِّينِ حَنِيفٗا وَلَا تَكُونَنَّ مِنَ ٱلۡمُشۡرِكِينَ

Endu patidtu ka i beneng nengka sa agama a matidtu, endu daka kemuyug kanu manga mushrik.

ߟߝߊߙߌ ߘߏ߫: 106

وَلَا تَدۡعُ مِن دُونِ ٱللَّهِ مَا لَا يَنفَعُكَ وَلَا يَضُرُّكَۖ فَإِن فَعَلۡتَ فَإِنَّكَ إِذٗا مِّنَ ٱلظَّٰلِمِينَ

Endu da ka sumimba sa salakaw sa Allah a di makambarapantag salka, endu di makagked sa leka, na amayka enggulan nengka na seka den i kuyug kanu manga kafir.

ߟߝߊߙߌ ߘߏ߫: 107

وَإِن يَمۡسَسۡكَ ٱللَّهُ بِضُرّٖ فَلَا كَاشِفَ لَهُۥٓ إِلَّا هُوَۖ وَإِن يُرِدۡكَ بِخَيۡرٖ فَلَا رَآدَّ لِفَضۡلِهِۦۚ يُصِيبُ بِهِۦ مَن يَشَآءُ مِنۡ عِبَادِهِۦۚ وَهُوَ ٱلۡغَفُورُ ٱلرَّحِيمُ

Amayka aden ipagedam nu Allah sa leka a dalu, na dala makawa lun ya tabiya na sekanin a Allah, endu amayka ya nin kahanda sa leka i mapya na dala makasumag kanu limu nin, inggay nin kanu magkahanda nin kanu manga ulipen nin, endu sekanin i bangampun a malimu.

ߟߝߊߙߌ ߘߏ߫: 108

قُلۡ يَٰٓأَيُّهَا ٱلنَّاسُ قَدۡ جَآءَكُمُ ٱلۡحَقُّ مِن رَّبِّكُمۡۖ فَمَنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۖ وَمَآ أَنَا۠ عَلَيۡكُم بِوَكِيلٖ

Edtalu ka i sekanu a manga taw nakawma sa lekanu su haqq ebpun kanu Kadenan nu, na su tumuntul sa haqq na ya nin bun tinutulu i ginawa nin, endu su midtadingan na ya nin bun katading i ginawa nin, endu dala sa laki i katuldu ku sa lekanu.

ߟߝߊߙߌ ߘߏ߫: 109

وَٱتَّبِعۡ مَا يُوحَىٰٓ إِلَيۡكَ وَٱصۡبِرۡ حَتَّىٰ يَحۡكُمَ ٱللَّهُۚ وَهُوَ خَيۡرُ ٱلۡحَٰكِمِينَ

Ya ka unuti na su ini-wahi sa leka endu edsabar ka, taman sa kemukum bun su Allah endu sekanin i mapya sa langun a bangukum.