د معناګانو ژباړه سورت واقعه - اذربایجاني ژبې ته د المختصر في تفسیر القرآن الکریم ژباړه - د مخ نمبر 535 - د قرآن کریم دائرة المعارف

آیت: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Onlara xidmət etmək üçün ətraflarında həmi­şəcavan və ölməz xidmətçi oğlanlar dolanacaqlar.

آیت: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

O xidmətçilər Cənnətdə daim axan çeşmə şərabı ilə dolu qulpsuz ba­dələr, qulplu bar­daqlar və qədəhlərlə ətraflarında dolanarlar.

آیت: 19

لَّا يُصَدَّعُونَ عَنۡهَا وَلَا يُنزِفُونَ

Bu şərab dünyadakı şəraba bənzəmir, onu içdikdə nə başağrı verər, nə də ağılı aparar,

آیت: 20

وَفَٰكِهَةٖ مِّمَّا يَتَخَيَّرُونَ

O xidmətçilər Cənnət əhlinin ətrafınd onların bəyənib seçdikləri mey­vələrlə dolanarlar.

آیت: 21

وَلَحۡمِ طَيۡرٖ مِّمَّا يَشۡتَهُونَ

Və nəfslərinin istədiyi quş əti ilə onların ətraflarında dolanacaqlar.

آیت: 22

وَحُورٌ عِينٞ

Onlar üçün Cənnətdə yaraşıqlı iri gözlü hurilər də vardır.

آیت: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Sədəf içində saxlanılmış mirvariyə bənzər hurilər.

آیت: 24

جَزَآءَۢ بِمَا كَانُواْ يَعۡمَلُونَ

Bu, onların dünyada etdikləri saleh əməl­lərin mü­kafatı olacaqdır.

آیت: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Onlar Cənnətdə nə pis bir kəlam, nə də sahibini günaha batıran bir söz eşidəcəklər.

آیت: 26

إِلَّا قِيلٗا سَلَٰمٗا سَلَٰمٗا

Onlar Cənnətdə yalnız mələklərin onları salamlamasını və bir də bir-birilərinə verdikləri salamı eşidəcəklər.

آیت: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Kitabları sağ əllərinə veriləcək sağ tərəf sahibləri necə də yüksək məqam sahibləri və Allah yanında şərəfli olan kimsələrdir.

آیت: 28

فِي سِدۡرٖ مَّخۡضُودٖ

Onlar tikansız, insana əziyyət verməyən sidr ağac­ları arasın­da,

آیت: 29

وَطَلۡحٖ مَّنضُودٖ

Habelə, meyvələri bir-birinin üstündə yerləşən salxım-salxım asılmış banan ağacları arasında,

آیت: 30

وَظِلّٖ مَّمۡدُودٖ

Uzanan və heç vaxt yox olmayan kölgəliklərdə,

آیت: 31

وَمَآءٖ مَّسۡكُوبٖ

Davamlı şəkildə axan sular kəna­rın­da,

آیت: 32

وَفَٰكِهَةٖ كَثِيرَةٖ

Saymaqla bitməyən, çoxlu meyvələr,

آیت: 33

لَّا مَقۡطُوعَةٖ وَلَا مَمۡنُوعَةٖ

Heç vaxt tükənməyən, mövsümə bağlı olmayana və dərmək istədikləri vaxt özlərinə qadağan edilməyən meyvələr içində,

آیت: 34

وَفُرُشٖ مَّرۡفُوعَةٍ

Və taxtlar üzərinə qoyulmuş hündür döşəklər üs­tündə ola­caqlar.

آیت: 35

إِنَّآ أَنشَأۡنَٰهُنَّ إِنشَآءٗ

Biz bu zikir edilən Cənnət hurilərini xəyala gəlməyən, yeni bir bi­çimdə yaradacağıq.

آیت: 36

فَجَعَلۡنَٰهُنَّ أَبۡكَارًا

Onları daha öncə heç kəsin toxunmamış bakirə qızlar edə­cəyik –

آیت: 37

عُرُبًا أَتۡرَابٗا

Ərlərini sevən, həmya­şıd­lar.

آیت: 38

لِّأَصۡحَٰبِ ٱلۡيَمِينِ

Biz o huriləri sağ tərəf sahib­lə­ri üçün yaratmışıq. O kəslər ki, özlərinə xoşbəxt olacaqlarını bildirmək üçün sağ tərəfdən götürüləcəklər.

آیت: 39

ثُلَّةٞ مِّنَ ٱلۡأَوَّلِينَ

Onlar əvvəlki peyğəmbərlərin ümmətlərindən olan bir toplumdur.

آیت: 40

وَثُلَّةٞ مِّنَ ٱلۡأٓخِرِينَ

Bir qismi də Muhəmmədin (səllallahu aleyhi və səlləm) ümmətindən olan toplumdur. Bu toplum ümmətlərin sonuncusudur.

آیت: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Kitabları sol əllərinə veriləcək sol tərəf sahiblərinin də halı və gedəcəkləri yer necə də pisdir.

آیت: 42

فِي سَمُومٖ وَحَمِيمٖ

Onlar çox isti külək və qaynar su içində,

آیت: 43

وَظِلّٖ مِّن يَحۡمُومٖ

Qapqara tüstü kölgə­sin­də ola­caqlar.

آیت: 44

لَّا بَارِدٖ وَلَا كَرِيمٍ

Bu tüstünün nə sərin havası var, nə də xoşa­gə­lən görkəmi.

آیت: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Onlar bu əzaba düçar olmazdan əvvəl dünyada ikən cah-calal içində yaşayırdılar. Duyada onların öz nəfslərinin istəklərindən başqa qayğıları yox idi.

آیت: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Onlar Allaha küfr etməkdə və Onu qoyub bütlərə tapınmaqda israr edirdilər.

آیت: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Və dirilməni inkar edib istehza edərək və ona inanmayaraq deyirdilər: “Məgər biz ölüb tor­paq və çürümüş sür-sümük olduqdan sonra yeni­dən diril­diləcəyikmi?!

آیت: 48

أَوَءَابَآؤُنَا ٱلۡأَوَّلُونَ

Yaxud bizdən əvvəl ölüb getmiş atala­rı­mız diril­diləcəklərmi?”

آیت: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Ey Peyğəmbər! Dirilməni inkar edən o kimsələrə de: “Şübhəsiz ki, əvvəl yaşamış insanlar da, sonra gələcək bütün nəsillərdə,

آیت: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Qiyamət günü haqq-hesaba çəkilmək və etdikləri əməllərin əvəzini almaq üçün mütləq toplana­caq­lar.

په دې مخ کې د ایتونو د فایدو څخه:

• العمل الصالح سبب لنيل النعيم في الآخرة.

Saleh əməl axirət nemətlərinə nail olmaq üçün səbəbdir.

• الترف والتنعم من أسباب الوقوع في المعاصي.

Dəbdəbəli həyat sürmək və nemətlər içində yaşamaq günahlara düşməyə səbəbdir.

• خطر الإصرار على الذنب.

Günahlarda israrlı olmağın təhlükəsi.