د معناګانو ژباړه سورت نساء - لوهیا ژباړه - د نړیوالو علومو او کلتور ټولنه - د مخ نمبر 91 - د قرآن کریم دائرة المعارف

آیت: 80

مَّن يُطِعِ ٱلرَّسُولَ فَقَدۡ أَطَاعَ ٱللَّهَۖ وَمَن تَوَلَّىٰ فَمَآ أَرۡسَلۡنَٰكَ عَلَيۡهِمۡ حَفِيظٗا

Ulia uwulila Omurumwa, aba awuliile Nyasaye. Ne ulia ukalukhana, efwe shikhwakhuruma mbu obe Omulindi wabu tawe.

آیت: 81

وَيَقُولُونَ طَاعَةٞ فَإِذَا بَرَزُواْ مِنۡ عِندِكَ بَيَّتَ طَآئِفَةٞ مِّنۡهُمۡ غَيۡرَ ٱلَّذِي تَقُولُۖ وَٱللَّهُ يَكۡتُبُ مَا يُبَيِّتُونَۖ فَأَعۡرِضۡ عَنۡهُمۡ وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا

Ne baboolanga mbu, “Khuloondele.” Halali nibarula khwiwe, omukanda mulala mubo kututanga eshilo kalia akakabukhane nende kooboolanga. Ne Nyasaye yandikanga koosi ako akabatutanga eshilo. Kho baleshe ehale, ne wisiche Nyasaye. Ne Nyasaye niye Omwisikwa owuyela.

آیت: 82

أَفَلَا يَتَدَبَّرُونَ ٱلۡقُرۡءَانَۚ وَلَوۡ كَانَ مِنۡ عِندِ غَيۡرِ ٱللَّهِ لَوَجَدُواْ فِيهِ ٱخۡتِلَٰفٗا كَثِيرٗا

Koo, shibaretsangakhwo mubwongo Ikurani ino tawe? Ne ibetsenga mbu yarula khu ulali Nyasaye tawe, bakhanyolelemwo obwawukhani obunji.

آیت: 83

وَإِذَا جَآءَهُمۡ أَمۡرٞ مِّنَ ٱلۡأَمۡنِ أَوِ ٱلۡخَوۡفِ أَذَاعُواْ بِهِۦۖ وَلَوۡ رَدُّوهُ إِلَى ٱلرَّسُولِ وَإِلَىٰٓ أُوْلِي ٱلۡأَمۡرِ مِنۡهُمۡ لَعَلِمَهُ ٱلَّذِينَ يَسۡتَنۢبِطُونَهُۥ مِنۡهُمۡۗ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ لَٱتَّبَعۡتُمُ ٱلشَّيۡطَٰنَ إِلَّا قَلِيلٗا

Ne likhuwa niliboolela liomulembe nohomba liokhurisia, balitangasia. Ne baliyilanga khumurumwa nende khubalia bali nende obwemeli mubo, balia abalikhabanga obulayi mubo bakhalimanyile. Ne chikhayanga okhuba emikabo chia Nyasaye khwinywe nende tsimbabaasi tsitsie, mwakhalondele muno Shetani halali batiti butswa.

آیت: 84

فَقَٰتِلۡ فِي سَبِيلِ ٱللَّهِ لَا تُكَلَّفُ إِلَّا نَفۡسَكَۚ وَحَرِّضِ ٱلۡمُؤۡمِنِينَۖ عَسَى ٱللَّهُ أَن يَكُفَّ بَأۡسَ ٱلَّذِينَ كَفَرُواْۚ وَٱللَّهُ أَشَدُّ بَأۡسٗا وَأَشَدُّ تَنكِيلٗا

Kho khupana khunjila ya Nyasaye, ne shonichilisibwa tawe halali ewe omwene butswa. Ne helesia Abasuubili omwoyo. Khaundi Nyasaye yetsa okhwikalila emielo chia Abakhayi. Ne Nyasaye niye Omululu muno wokhukhuyana, Omululu muno weshinyasio.

آیت: 85

مَّن يَشۡفَعۡ شَفَٰعَةً حَسَنَةٗ يَكُن لَّهُۥ نَصِيبٞ مِّنۡهَاۖ وَمَن يَشۡفَعۡ شَفَٰعَةٗ سَيِّئَةٗ يَكُن لَّهُۥ كِفۡلٞ مِّنۡهَاۗ وَكَانَ ٱللَّهُ عَلَىٰ كُلِّ شَيۡءٖ مُّقِيتٗا

Ulia ukhoonya obukhonyi obulayi, ali nende omukabo kukwe mu ako. Ne ulia ukhoonya obukhonyi obubii, yesi ali nende omukabo kukwe mu ako. Ne Nyasaye ni wobunyali, nende omumanyi wabuli eshindu.

آیت: 86

وَإِذَا حُيِّيتُم بِتَحِيَّةٖ فَحَيُّواْ بِأَحۡسَنَ مِنۡهَآ أَوۡ رُدُّوهَآۗ إِنَّ ٱللَّهَ كَانَ عَلَىٰ كُلِّ شَيۡءٍ حَسِيبًا

Ne nimushesibwa amashesio kosikosi, kalusie khu amakalusio amalayi komulembe kashilakhwo ako, nohomba kalusie sa ako ako. Toto Nyasaye ni omubali muno wabuli eshindu.