د معناګانو ژباړه سورت واقعه - پښتو ژباړه - رواد الترجمة مرکز - د مخ نمبر 534 - د قرآن کریم دائرة المعارف

واقعه

آیت: 1

اِذَا وَقَعَتِ الْوَاقِعَةُ ۟ۙ

كله چې قيامت راپېښ شي.

آیت: 2

لَیْسَ لِوَقْعَتِهَا كَاذِبَةٌ ۟ۘ

چې پېښېدلو كې يې هيڅ درواغ نشته.

آیت: 3

خَافِضَةٌ رَّافِعَةٌ ۟ۙ

هغه ښكته كوونكى او پورته كوونكى دى.

آیت: 4

اِذَا رُجَّتِ الْاَرْضُ رَجًّا ۟ۙ

كله چې ځمكه په سختو لړزولو ولړزول شي.

آیت: 5

وَّبُسَّتِ الْجِبَالُ بَسًّا ۟ۙ

او غرونه يومخ ميده ميده ورژول شي.

آیت: 6

فَكَانَتْ هَبَآءً مُّنْۢبَثًّا ۟ۙ

نو خوره وره دوړه به شي.

آیت: 7

وَّكُنْتُمْ اَزْوَاجًا ثَلٰثَةً ۟ؕ

او تاسو به درې ډلې شئ.

آیت: 8

فَاَصْحٰبُ الْمَیْمَنَةِ ۙ۬— مَاۤ اَصْحٰبُ الْمَیْمَنَةِ ۟ؕ

نو د ښي لاس والا خلک، څومره ښه دي د ښي لاس والا خلک!

آیت: 9

وَاَصْحٰبُ الْمَشْـَٔمَةِ ۙ۬— مَاۤ اَصْحٰبُ الْمَشْـَٔمَةِ ۟ؕ

او د كيڼ (چپ) لاس والا خلک! څومره بد دي د كيڼ (چپ) لاس والا خلک!

آیت: 10

وَالسّٰبِقُوْنَ السّٰبِقُوْنَ ۟ۙ

او مخکې کېدونکي خو مخکې کېدونکي دي.

آیت: 11

اُولٰٓىِٕكَ الْمُقَرَّبُوْنَ ۟ۚ

همدوى نېږدې كړى شوي دي.

آیت: 12

فِیْ جَنّٰتِ النَّعِیْمِ ۟

د نعمتونو والا جنتو كې به وي.

آیت: 13

ثُلَّةٌ مِّنَ الْاَوَّلِیْنَ ۟ۙ

(د هغوى) لويه ډله به له لومړنيو وي.

آیت: 14

وَقَلِیْلٌ مِّنَ الْاٰخِرِیْنَ ۟ؕ

او لږ به له وروستنيو (خلكو) وي.

آیت: 15

عَلٰی سُرُرٍ مَّوْضُوْنَةٍ ۟ۙ

پر زرينو او بدل شوو تختونو به وي.

آیت: 16

مُّتَّكِـِٕیْنَ عَلَیْهَا مُتَقٰبِلِیْنَ ۟

پر هغو يو بل ته مخامخ ډډه وهونكي (ناست) وي.