د معناګانو ژباړه سورت طارق - پښتو ژباړه - سرفراز - د مخ نمبر 591 - د قرآن کریم دائرة المعارف

طارق

آیت: 1

وَالسَّمَآءِ وَالطَّارِقِ ۟ۙ

لوړه په اسمان او لوړه په طارق.

آیت: 2

وَمَاۤ اَدْرٰىكَ مَا الطَّارِقُ ۟ۙ

او ته څه پوه کړې چې طارق څه ته وايې؟

آیت: 3

النَّجْمُ الثَّاقِبُ ۟ۙ

ځلیدونکی ستوری دی.

آیت: 4

اِنْ كُلُّ نَفْسٍ لَّمَّا عَلَیْهَا حَافِظٌ ۟ؕ

هیڅ ساه کښ نشته چې پر هغه څارونکی نه وي ټاکل شوی.

آیت: 5

فَلْیَنْظُرِ الْاِنْسَانُ مِمَّ خُلِقَ ۟ؕ

نو انسان باید ځیر شي چې له څه څخه پيدا شوی دی؟

آیت: 6

خُلِقَ مِنْ مَّآءٍ دَافِقٍ ۟ۙ

له ټوپ وهونکو اوبو څخه پيدا شوی.

آیت: 7

یَّخْرُجُ مِنْ بَیْنِ الصُّلْبِ وَالتَّرَآىِٕبِ ۟ؕ

چې د شا او سینو له مینځ څخه راووځي.

آیت: 8

اِنَّهٗ عَلٰی رَجْعِهٖ لَقَادِرٌ ۟ؕ

پخه خبره ده چې په بیا پیدا کولو یي توان لري.

آیت: 9

یَوْمَ تُبْلَی السَّرَآىِٕرُ ۟ۙ

هغه ورځ چې پټ څیزونه رابربنډ شي.

آیت: 10

فَمَا لَهٗ مِنْ قُوَّةٍ وَّلَا نَاصِرٍ ۟ؕ

انسان به د ځان ژغورنې نه ذاتي ځواک لري او نه بل ملاتړی.

آیت: 11

وَالسَّمَآءِ ذَاتِ الرَّجْعِ ۟ۙ

لوړه په اسمان چې باران وروي.

آیت: 12

وَالْاَرْضِ ذَاتِ الصَّدْعِ ۟ۙ

او په ځمکه چې د زرغونیدلو په وخت چوي.

آیت: 13

اِنَّهٗ لَقَوْلٌ فَصْلٌ ۟ۙ

چې قران کریم اخرنۍ غوڅه خبره ده.

آیت: 14

وَّمَا هُوَ بِالْهَزْلِ ۟ؕ

ټوکه نه ده.

آیت: 15

اِنَّهُمْ یَكِیْدُوْنَ كَیْدًا ۟ۙ

کافران چل ول کوي.

آیت: 16

وَّاَكِیْدُ كَیْدًا ۟ۚۖ

او زه هم تدبیر لرم.

آیت: 17

فَمَهِّلِ الْكٰفِرِیْنَ اَمْهِلْهُمْ رُوَیْدًا ۟۠

نو کافرانو ته لږ مهلت ورکړه[۱۰].

[۱۰] ـ او بیا وګوره چې بالاخره ورسره په دنیا او اخرت کې څه کیږي؟(کابلی تفسیر)