Tradução dos significados Surah Suratu At-Takathur - الترجمة الكيروندية - Enciclopédia do Nobre Qur’an

SURATU TTAKAATHUR

Versículo: 1

أَلۡهَىٰكُمُ ٱلتَّكَاثُرُ

Mwasamajwe n'ukwihaya ku bwinshi bw’amatungo n’ibibondo, muraheza mureka kugamburukira Imana Allah!

Versículo: 2

حَتَّىٰ زُرۡتُمُ ٱلۡمَقَابِرَ

Mugashishikara gusamazwa n’ivyo, gushika n’aho mushengereye mugahambwa mu mva.

Versículo: 3

كَلَّا سَوۡفَ تَعۡلَمُونَ

Nimuteshwe mute, murahumba! Ivyo ntibikwiye kubasamaza namba! Nimwikebuke, ubu vuba bwango muzomenya ko ubuzima bw’inyuma yo gupfa ari bwo bwiza kuri mwebwe.

Versículo: 4

ثُمَّ كَلَّا سَوۡفَ تَعۡلَمُونَ

Eka nimuteshwe mute, murahumba! Nimwikebuke, ubu vuba bwango muzomenya inkurikizi mbi z’ukutumvira Imana Allah.

Versículo: 5

كَلَّا لَوۡ تَعۡلَمُونَ عِلۡمَ ٱلۡيَقِينِ

Eka nimuteshwe mute! Iyo mumenya vy’ukuri ibibafitiye akamaro, mworetse kwihaya ku vy’isi, mukihutira nyabuna gukora ivyiza.

Versículo: 6

لَتَرَوُنَّ ٱلۡجَحِيمَ

Ni ukuri muzobona umuriro ururumba.

Versículo: 7

ثُمَّ لَتَرَوُنَّهَا عَيۡنَ ٱلۡيَقِينِ

Kandi ni ukuri, muzowubona ukuri kwamye.

Versículo: 8

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

Hanyuma, ni ukuri kuri uwo musi w’impera, muzobazwa ku nema z’ubwoko bwose ico mwazikoresheje.