Tradução dos significados Surah Suratu Al-Infitar - الترجمة الكيروندية - Enciclopédia do Nobre Qur’an

SURATU L-INFITWAAR

Versículo: 1

إِذَا ٱلسَّمَآءُ ٱنفَطَرَتۡ

Igihe ijuru ryasadaguritse;

Versículo: 2

وَإِذَا ٱلۡكَوَاكِبُ ٱنتَثَرَتۡ

Igihe n’inyenyeri zahungurutse;

Versículo: 3

وَإِذَا ٱلۡبِحَارُ فُجِّرَتۡ

Igihe n’ibiyaga vyagomorowe bigacika kimwe;

Versículo: 4

وَإِذَا ٱلۡقُبُورُ بُعۡثِرَتۡ

Igihe n’imva zazuwe;

Versículo: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Ivyo vyose nivyashika, umuntu wese azomenya ico yakoze n’ico yirengagije, aheze agihemberwe.

Versículo: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ewe muntu uhakana izurwa ry’ibiremwa! Wahenzwe n’igiki kigutuma ugarariza Imana yawe Rurema Allah, Nyenubugiraneza?

Versículo: 7

ٱلَّذِي خَلَقَكَ فَسَوَّىٰكَ فَعَدَلَكَ

Ni Yo Yakuremye, Iragutunganya, Iranakuringaniza neza;

Versículo: 8

فِيٓ أَيِّ صُورَةٖ مَّا شَآءَ رَكَّبَكَ

Yakuremye uko Ishaka mw’ishusho rihambaye.

Versículo: 9

كَلَّا بَلۡ تُكَذِّبُونَ بِٱلدِّينِ

Bantu ! Nimuteshwe mute murahumba! Murihenda mu gusenga ibigirwamana. Ahubwo mwebwe muhakana mwivuye inyuma umusi w’impera n’iharurirwa.

Versículo: 10

وَإِنَّ عَلَيۡكُمۡ لَحَٰفِظِينَ

Mu vy’ukuri, mufise abamalayika bajejwe kubabungabungira ivyo mukora mu kuvyandika;

Versículo: 11

كِرَامٗا كَٰتِبِينَ

Batewe iteka n’Imana Allah, bandika vyose ata kibacika;

Versículo: 12

يَعۡلَمُونَ مَا تَفۡعَلُونَ

Barazi ivyo mukora vyose, vyaba ivyiza canke ibibi.

Versículo: 13

إِنَّ ٱلۡأَبۡرَارَ لَفِي نَعِيمٖ

Mu vy’ukuri aberanda bubahiriza agateka k’Imana Allah n’agateka k’ibiremwa, ni ukuri bazoba bari mu nema z’Ubwami bw’ijuru.

Versículo: 14

وَإِنَّ ٱلۡفُجَّارَ لَفِي جَحِيمٖ

Mu vy’ukuri, n’inkozi z’ikibi zitigera zubahiriza agateka k’Imana Allah n’ak’ibiremwa, na zo zizoba ziri mu muriro ururumba;

Versículo: 15

يَصۡلَوۡنَهَا يَوۡمَ ٱلدِّينِ

Zizowinjira, ziwote ku musi w’impera;

Versículo: 16

وَمَا هُمۡ عَنۡهَا بِغَآئِبِينَ

Ntizizowukira ngo ziwuvemwo canke ngo zipfe.

Versículo: 17

وَمَآ أَدۡرَىٰكَ مَا يَوۡمُ ٱلدِّينِ

Mbega, ni igiki cokumenyesha uwo musi w’impera ico ari co!

Versículo: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Hanyuma, ni igiki cokumenyesha uwo musi w’impera ico ari co!

Versículo: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Ni umusi umuntu ata co azomarira mugenziwe. Itegeko kuri uwo musi, ni iry’Imana Allah Yonyene.