Ibisobanuro by'amagambo Isura Sajdat - Ibisobanuro bya Qur'an Ntagatifu mu rurimi rw'igifurani, bikaba ari incamacye y'ibisobanuro bya Qur'an Ntagatifu. - numero y'urupapuro 417 - ububiko bwa qor'an yejejwe

Umurongo: 21

وَلَنُذِيقَنَّهُم مِّنَ ٱلۡعَذَابِ ٱلۡأَدۡنَىٰ دُونَ ٱلۡعَذَابِ ٱلۡأَكۡبَرِ لَعَلَّهُمۡ يَرۡجِعُونَ

Ma Men meeɗinir ɓee heeferɓe fennooɓe yaltuɓe e ɗoftaare Joomi maɓɓe, saɗteende e jarrabuyee aduna, ado lepte mawɗe ɗe ɓe hebilanaa ɗen laakara, si ɓe tuubaali, belajo'o, ɓe yiltoto e ɗoftagol Joomi maaɓe.

Umurongo: 22

وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ ثُمَّ أَعۡرَضَ عَنۡهَآۚ إِنَّا مِنَ ٱلۡمُجۡرِمِينَ مُنتَقِمُونَ

Alaa ɓurɗo tooñude wano waajoraaɗo Aayeeje Alla ɗen, o salii waajitorde ɗe, o ɗuurnii ɗe o itti yiila e majje. Pellet, Menen, ko Men yoftotooɓe e bomɓe faggitotooɓe keeferaaru e geddi ɓen, ɗuurnotooɓe e Aayeeje Alla ɗen.

Umurongo: 23

وَلَقَدۡ ءَاتَيۡنَا مُوسَى ٱلۡكِتَٰبَ فَلَا تَكُن فِي مِرۡيَةٖ مِّن لِّقَآئِهِۦۖ وَجَعَلۡنَٰهُ هُدٗى لِّبَنِيٓ إِسۡرَٰٓءِيلَ

Gomɗii Men okkii Muusaa Tawreetaare nden. Wata an Nulaaɗo, a wonu e sikke e fii hawroygol e Muusaa jemma royreede e ƴawneede. Men waɗi Deftere jippinaande e Muusaa nden, fewnaynde ɓiɓɓe Israa'iila ɓen.

Umurongo: 24

وَجَعَلۡنَا مِنۡهُمۡ أَئِمَّةٗ يَهۡدُونَ بِأَمۡرِنَا لَمَّا صَبَرُواْۖ وَكَانُواْ بِـَٔايَٰتِنَا يُوقِنُونَ

Men waɗi e ɓiɗɓe Israa'iila ɓen, ardiiɓe ko yimɓe ɓen ñemtina, ɓe ɗowiraɓe e goonga, tuma nde ɓe muññinoo e ɗoftagol yamaruyeeji Alla, e woɗiitagol haɗaaɗi Makko e lorra ko ɓe hawrata e noddangol diina kan, ɓe woni goonginirɓe pellital, Aayeeje Alla jippinaaɗe e Nulaaɗo maɓɓe on.

Umurongo: 25

إِنَّ رَبَّكَ هُوَ يَفۡصِلُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ

Pellet, Joomi maa an Nulaaɗo, ko Kanko senndoyta hakkunde maɓɓe, Ñalnde Darangal, e kon ko ɓe lurraynoo e fii mun aduna. O ɓanngina goonguɗo e meerente, O yoɓita kala e ko hanndi kon.

Umurongo: 26

أَوَلَمۡ يَهۡدِ لَهُمۡ كَمۡ أَهۡلَكۡنَا مِن قَبۡلِهِم مِّنَ ٱلۡقُرُونِ يَمۡشُونَ فِي مَسَٰكِنِهِمۡۚ إِنَّ فِي ذَٰلِكَ لَأٓيَٰتٍۚ أَفَلَا يَسۡمَعُونَ

E ɓee wumu haa ka tawata feeñanaali ɓe no foti e ko Men halki e mofte adinooɓe? Kamɓe hiɓe jinnda e koɗoole ɗi ɓen hoɗunoo e mun e ɓe halkeede, kono ɓe waajitoraali fiyaaku ɓen on. Pellet, no e ngol peƴƴol ɗen mofte halkiranooɓe sabu keeferaaku e geddi mun, tasakuyee dallinorɗo goongugol kon ko Nulaaɓe maɓɓe addani ɓe immorde ka Alla. E ɓee fennuɓe Aayeeje Alla kan nanataa, ɓe jaɓa ɓe waajitora?

Umurongo: 27

أَوَلَمۡ يَرَوۡاْ أَنَّا نَسُوقُ ٱلۡمَآءَ إِلَى ٱلۡأَرۡضِ ٱلۡجُرُزِ فَنُخۡرِجُ بِهِۦ زَرۡعٗا تَأۡكُلُ مِنۡهُ أَنۡعَٰمُهُمۡ وَأَنفُسُهُمۡۚ أَفَلَا يُبۡصِرُونَ

E ɓee fennuɓe ummital yi'ataa, wonnde Men nuliray ndiyam toɓo ngon ka leydi hokkundi, Men yaltinira ɗam remuru, ngu gelooɗi e na'i e be'i maɓɓe ñaamata e mun, e kamɓe tigirigi? E ɓe yi'ataa ɗum, ɓe anndaa wonnde fuɗinɗo leydi hokkundi ndin, ko hattanɗo wuurnitugol maayɓe?

Umurongo: 28

وَيَقُولُونَ مَتَىٰ هَٰذَا ٱلۡفَتۡحُ إِن كُنتُمۡ صَٰدِقِينَ

Ɓee fennuɓe ummital no wi'ira hawjanjangol lepte ɗen : "Ko honnde tuma woni ndee ñaawoore nde aaƴiɗon, wonnde nde senndoyay hakkunde men Ñalnde Darngal, men fewra Yiita, sutoron Aljanna?"

Umurongo: 29

قُلۡ يَوۡمَ ٱلۡفَتۡحِ لَا يَنفَعُ ٱلَّذِينَ كَفَرُوٓاْ إِيمَٰنُهُمۡ وَلَا هُمۡ يُنظَرُونَ

Maakan ɓe an Nulaaɗo: "Nden fodoore, ko Ñalnde Darngal: ñalaande senndindirgol hakkunde jeyaaɓe ɓen. Nden ñalnde, ɓen yeddunooɓe Alla ɓen aduna, ɓe nafitoroytaa ko ɓen gomɗinoyta tuma ɓe yi'ata Darngal, wanaa kadi ɓe nennantee-ɓe, sakko ɓe tuubana Joomi maɓɓe, ɓe ruttoo e Makko".

Umurongo: 30

فَأَعۡرِضۡ عَنۡهُمۡ وَٱنتَظِرۡ إِنَّهُم مُّنتَظِرُونَ

An Nulaaɗo, ɗuurnorɓe ko ɓe haɓɓitii kon e majjere, haɓɓito-ɗaa ko yanata e maɓɓe kon, tawde kamɓe kan, ko ɓe haɓɓitiiɓe lepte ɗe hebilanaa ɗen.

Inyungu dukura muri ayat kuri Uru rupapuro:

• عذاب الكافر في الدنيا وسيلة لتوبته.

Leptugol keefeero aduna, ko fii no o tuubinra.

• ثبوت اللقاء بين نبينا صلى الله عليه وسلم وموسى عليه السلام ليلة الإسراء والمعراج.

Aayeeje ɗen hino tabintini hawrugol Annabiijo men on (yo o his) e Annabi Muusa (yo o his), jemma royreede e ƴawneede.

• الصبر واليقين صفتا أهل الإمامة في الدين.

Muñal e pellital, ko jeyaaɗi e jikkuuji ardiiɓe diina ɓen.