Ibisobanuro by'amagambo Isura Az-zumar - Ibisobanuro bya Qur'an Ntagatifu mu rurimi rw'igifulani, bikaba ari incamacye y'ibisobanuro bya Qur'an Ntagatifu. - numero y'urupapuro 466 - ububiko bwa qor'an yejejwe

Umurongo: 68

وَنُفِخَ فِي ٱلصُّورِ فَصَعِقَ مَن فِي ٱلسَّمَٰوَٰتِ وَمَن فِي ٱلۡأَرۡضِ إِلَّا مَن شَآءَ ٱللَّهُۖ ثُمَّ نُفِخَ فِيهِ أُخۡرَىٰ فَإِذَا هُمۡ قِيَامٞ يَنظُرُونَ

Ñalnde Malaa'ikaajo on wuttoyta ka Allaandu, kala ko woni ko kammuuli e ka leydi fow maayay, refti wuttee e mayru ɗiɗaɓol, fii ummital, tawaa ɓe fow ɓe wuurnitaama, hiɓe darii habbii ko Allah waɗata ɓe.

Umurongo: 69

وَأَشۡرَقَتِ ٱلۡأَرۡضُ بِنُورِ رَبِّهَا وَوُضِعَ ٱلۡكِتَٰبُ وَجِاْيٓءَ بِٱلنَّبِيِّـۧنَ وَٱلشُّهَدَآءِ وَقُضِيَ بَيۡنَهُم بِٱلۡحَقِّ وَهُمۡ لَا يُظۡلَمُونَ

Leydi ndin jalbirora, tuma Jeyɗo ndi On feeñiroyta ñaawugol hakkunde jeyaaɓe ɓen. Talki golle ɗin sennditee, Annbaaɓe ɓen addee, mofte Muhammadu (jom kisiyee ɗen) ɓadine, fii seeditanagol ɓeya Annabaaɓe, e yimɓe maɓɓe ɓen. Allah ñaawira nunɗal hakkunde maɓɓe, wonaa ɓe tooñeteeɓe nden Ñalnde: goɗɗo ɓeydantaake bonɗi, o ɗuytantaake moƴƴi.

Umurongo: 70

وَوُفِّيَتۡ كُلُّ نَفۡسٖ مَّا عَمِلَتۡ وَهُوَ أَعۡلَمُ بِمَا يَفۡعَلُونَ

Allah yoɓita wonki kala, ko ki golli kon, woni bone maa moƴƴere. Ko Kanko Allah ɓuri anndude ko ɓe gollata kon. Huunde suuɗaaki Mo e kuuɗe maɓɓe, woni bonɗe maa moƴƴe. O yoɓitoyay ɓe ɗum, nden Ñalnde.

Umurongo: 71

وَسِيقَ ٱلَّذِينَ كَفَرُوٓاْ إِلَىٰ جَهَنَّمَ زُمَرًاۖ حَتَّىٰٓ إِذَا جَآءُوهَا فُتِحَتۡ أَبۡوَٰبُهَا وَقَالَ لَهُمۡ خَزَنَتُهَآ أَلَمۡ يَأۡتِكُمۡ رُسُلٞ مِّنكُمۡ يَتۡلُونَ عَلَيۡكُمۡ ءَايَٰتِ رَبِّكُمۡ وَيُنذِرُونَكُمۡ لِقَآءَ يَوۡمِكُمۡ هَٰذَاۚ قَالُواْ بَلَىٰ وَلَٰكِنۡ حَقَّتۡ كَلِمَةُ ٱلۡعَذَابِ عَلَى ٱلۡكَٰفِرِينَ

Malaa'ika'en soggiroya yeddunooɓe Allah ɓen, ka Jahannama, dente-dente, hoynaaɓe. Si ɓe hewtii nge, dame magge udditaneeɓe, Malaa'ika ayninaaɓe nge ɓen jaɓɓora ɓe feloore wi'ugol: Enee, Nulaaɓe jeyaaɓe e mooɗon, hewtaano on, ɓe no jannganaynoo on Aayeeje Allah, jippinaaɗe e mon ɗen, ɓe rentinira on, hawrugol e lepte saɗtuɗe Ñalnde Darngal? Ɓe qirritora wi'ugol: Ko non woniri, ko woni tun, hari Konngol lepte ngol jojjiino e yedduɓe ɓen. Menen non, ko men yeddunooɓe.

Umurongo: 72

قِيلَ ٱدۡخُلُوٓاْ أَبۡوَٰبَ جَهَنَّمَ خَٰلِدِينَ فِيهَاۖ فَبِئۡسَ مَثۡوَى ٱلۡمُتَكَبِّرِينَ

Ɓe wi'iranee hoyneede, e teƴagol yurmeende Allah e yaltugol ka Yiite ton: naatiree dame Jahannama ngen, lutton ton poomaa. Nge bonii weerde mawnintiniiɓe toownitanii goonga ɓen.

Umurongo: 73

وَسِيقَ ٱلَّذِينَ ٱتَّقَوۡاْ رَبَّهُمۡ إِلَى ٱلۡجَنَّةِ زُمَرًاۖ حَتَّىٰٓ إِذَا جَآءُوهَا وَفُتِحَتۡ أَبۡوَٰبُهَا وَقَالَ لَهُمۡ خَزَنَتُهَا سَلَٰمٌ عَلَيۡكُمۡ طِبۡتُمۡ فَٱدۡخُلُوهَا خَٰلِدِينَ

Malaa'ika'en ɗowira muumini'en, hulunooɓe Joomi mun, ɗoftinooɓe yamaruyeeji Makko, ɓe woɗɗitii e haɗaaɗi Makko, teddungal, haa ka Aljannaaji, hara ko dente-dente. Si wonii ɓe hewtii ton, dame majji udditanaama ɓe, Malaa'ikaaɓe ayninaaɓe ton ɓe wi'ana ɓe: on hisii e kala lorra, maa ko huloton. Ɓerɗe mon e golle mon laaɓii. Naatiree Alajanna on, duumagol ton poomaa.

Umurongo: 74

وَقَالُواْ ٱلۡحَمۡدُ لِلَّهِ ٱلَّذِي صَدَقَنَا وَعۡدَهُۥ وَأَوۡرَثَنَا ٱلۡأَرۡضَ نَتَبَوَّأُ مِنَ ٱلۡجَنَّةِ حَيۡثُ نَشَآءُۖ فَنِعۡمَ أَجۡرُ ٱلۡعَٰمِلِينَ

Muumini'en si naadaama Aljanna, ɓe wi'a: Yettoore woodanii Allah, laatinanɗo men fodoore Makko, e ɗemɗe Nulaaɓe Makko ɓen, wonnde O naadoyay men Aljanna. O ronini men leydi Aljanna ndin, meɗen hoɗira e mayri, kala ka men yiɗi. Mbarjaari gollunooɓe golle moƴƴe ɓen, fii Allah, ndi moƴƴii barjaari.

Inyungu dukura muri ayat kuri Uru rupapuro:

• ثبوت نفختي الصور.

Tabitde guttugol e Allaadu laabi ɗiɗi.

• بيان الإهانة التي يتلقاها الكفار، والإكرام الذي يُسْتَقبل به المؤمنون.

Koyeera heɓoyoowo heeferɓe ɓen, e teddungal ngal muumini'en jaɓɓoroytee ngal, fow e mun, ɓannginaama e ɗee Aayeeje.

• ثبوت خلود الكفار في الجحيم، وخلود المؤمنين في النعيم.

Tabitii wonnde heeferɓe ɓen, ko luttooɓe ka Jahiimi, gomɗimɓe ɓen duuminee e neemagol ka Aljanna.

• طيب العمل يورث طيب الجزاء.

Ko golle moƴƴe, okkata baraaji moƴƴi.