Ibisobanuro by'amagambo Isura Attakaathur - Ibisobanuro mu kinyarwanda - ububiko bwa qor'an yejejwe

Attakaathur

Umurongo: 1

أَلۡهَىٰكُمُ ٱلتَّكَاثُرُ

Mwarangajwe no gushaka kwigwizaho ubutunzi,

Umurongo: 2

حَتَّىٰ زُرۡتُمُ ٱلۡمَقَابِرَ

Kugeza ubwo mugeze mu mva,

Umurongo: 3

كَلَّا سَوۡفَ تَعۡلَمُونَ

Oya ntibikwiye! Bidatinze muzamenya (ko ubuzima bw’imperuka ari bwo bwiza kuri mwe).

Umurongo: 4

ثُمَّ كَلَّا سَوۡفَ تَعۡلَمُونَ

Oya na none! Bidatinze muzamenya.

Umurongo: 5

كَلَّا لَوۡ تَعۡلَمُونَ عِلۡمَ ٱلۡيَقِينِ

Oya! Iyo muza kugira ubumenyi budashidikanywaho (bw’ibijyanye n’iherezo ryo kurangazwa no kwigwizaho imitungo, ntimwari guhugira mu by’isi).

Umurongo: 6

لَتَرَوُنَّ ٱلۡجَحِيمَ

Mu by’ukuri muzabona umuriro wa Jahiim!

Umurongo: 7

ثُمَّ لَتَرَوُنَّهَا عَيۡنَ ٱلۡيَقِينِ

Rwose muzawibonera imbonankubone.

Umurongo: 8

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

Kandi rwose, kuri uwo munsi muzabazwa ku ngabire (mwahawe muri ku isi).