Ibisobanuro by'amagambo Isura Ashuarau - Ibisobanuro bya Qur'an mu rurimi rw'ikinyarwanda - Umuryango w'abayisilamu mu Rwanda. - numero y'urupapuro 371 - ububiko bwa qor'an yejejwe

Umurongo: 84

وَٱجۡعَل لِّي لِسَانَ صِدۡقٖ فِي ٱلۡأٓخِرِينَ

Kandi umpe kuzavugwa neza mu bazaza nyuma.

Umurongo: 85

وَٱجۡعَلۡنِي مِن وَرَثَةِ جَنَّةِ ٱلنَّعِيمِ

Unanshyire mu bazazungura Ijuru ryuje inema.

Umurongo: 86

وَٱغۡفِرۡ لِأَبِيٓ إِنَّهُۥ كَانَ مِنَ ٱلضَّآلِّينَ

Unababarire data kuko mu by’ukuri ari mu bayobye.

Umurongo: 87

وَلَا تُخۡزِنِي يَوۡمَ يُبۡعَثُونَ

Kandi ntuzankoze isoni ku munsi (ibiremwa byose) bizazurwa.

Umurongo: 88

يَوۡمَ لَا يَنفَعُ مَالٞ وَلَا بَنُونَ

Umunsi imitungo n’urubyaro bitazagira icyo bimarira (nyirabyo).

Umurongo: 89

إِلَّا مَنۡ أَتَى ٱللَّهَ بِقَلۡبٖ سَلِيمٖ

Usibye gusa uzagera kwa Allah afite umutima usukuye (uzira ibangikanyamana).

Umurongo: 90

وَأُزۡلِفَتِ ٱلۡجَنَّةُ لِلۡمُتَّقِينَ

Kandi ijuru rizegerezwa abagandukira Allah.

Umurongo: 91

وَبُرِّزَتِ ٱلۡجَحِيمُ لِلۡغَاوِينَ

N’umuriro uzagaragarizwa abayobye (ba nyamujya iyo bijya).

Umurongo: 92

وَقِيلَ لَهُمۡ أَيۡنَ مَا كُنتُمۡ تَعۡبُدُونَ

Nuko babwirwe bati “Ibyo mwajyaga musenga biri he?

Umurongo: 93

مِن دُونِ ٱللَّهِ هَلۡ يَنصُرُونَكُمۡ أَوۡ يَنتَصِرُونَ

“Bitari Allah? Ese bishobora kubatabara cyangwa ngo byitabare ubwabyo?”

Umurongo: 94

فَكُبۡكِبُواْ فِيهَا هُمۡ وَٱلۡغَاوُۥنَ

Maze bo ndetse n’abayobye bajugunywemo (mu muriro) bacuramye.

Umurongo: 95

وَجُنُودُ إِبۡلِيسَ أَجۡمَعُونَ

Ndetse n’ingabo za Ibilisi (Shitani) zose.

Umurongo: 96

قَالُواْ وَهُمۡ فِيهَا يَخۡتَصِمُونَ

Nibawugeramo (abayobye n’ababayobeje) bazavuga batongana bati,

Umurongo: 97

تَٱللَّهِ إِن كُنَّا لَفِي ضَلَٰلٖ مُّبِينٍ

“Ku izina rya Allah! Rwose twari mu buyobe bugaragara (ubwo twabasengaga).”

Umurongo: 98

إِذۡ نُسَوِّيكُم بِرَبِّ ٱلۡعَٰلَمِينَ

Ubwo twabareshyeshyaga na Nyagasani w’ibiremwa byose.

Umurongo: 99

وَمَآ أَضَلَّنَآ إِلَّا ٱلۡمُجۡرِمُونَ

Kandi nta bandi batuyobeje batari inkozi z’ibibi.

Umurongo: 100

فَمَا لَنَا مِن شَٰفِعِينَ

None nta bavugizi dufite (batuvuganira tukava mu bihano).

Umurongo: 101

وَلَا صَدِيقٍ حَمِيمٖ

Nta n’inshuti magara dufite (yatugirira impuhwe).

Umurongo: 102

فَلَوۡ أَنَّ لَنَا كَرَّةٗ فَنَكُونَ مِنَ ٱلۡمُؤۡمِنِينَ

Iyaba twagiraga (amahirwe yo) gusubira ku isi maze ngo tube mu bemeramana.

Umurongo: 103

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ

Mu by’ukuri muri ibyo harimo ikimenyetso (kigaragaza ubushobozi bwa Allah), ariko abenshi muri bo ntibemera.

Umurongo: 104

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ

Kandi mu by’ukuri Nyagasani wawe ni We Munyacyubahiro bihebuje, Nyirimpuhwe.

Umurongo: 105

كَذَّبَتۡ قَوۡمُ نُوحٍ ٱلۡمُرۡسَلِينَ

Abantu ba Nuhu bahakanye Intumwa.

Umurongo: 106

إِذۡ قَالَ لَهُمۡ أَخُوهُمۡ نُوحٌ أَلَا تَتَّقُونَ

Ubwo umuvandimwe wabo Nuhu yababwiraga ati “Ese ntimugandukira Allah?”

Umurongo: 107

إِنِّي لَكُمۡ رَسُولٌ أَمِينٞ

“Mu by’ukuri njye ndi Intumwa yanyu yizewe.”

Umurongo: 108

فَٱتَّقُواْ ٱللَّهَ وَأَطِيعُونِ

“Bityo nimugandukire Allah kandi munyumvire.”

Umurongo: 109

وَمَآ أَسۡـَٔلُكُمۡ عَلَيۡهِ مِنۡ أَجۡرٍۖ إِنۡ أَجۡرِيَ إِلَّا عَلَىٰ رَبِّ ٱلۡعَٰلَمِينَ

“Kandi ntabwo (kubagezaho ubutumwa) mbibasabira igihembo, kuko ibihembo byanjye biri kwa Nyagasani w’ibiremwa byose.”

Umurongo: 110

فَٱتَّقُواْ ٱللَّهَ وَأَطِيعُونِ

“Bityo nimugandukire Allah kandi munyumvire.”

Umurongo: 111

۞ قَالُوٓاْ أَنُؤۡمِنُ لَكَ وَٱتَّبَعَكَ ٱلۡأَرۡذَلُونَ

Baravuga bati “Ese twakwemera dute kandi warayobotswe n’abantu basuzuguritse?”