Ibisobanuro by'amagambo Isura Azilzaalat - Ibisobanuro bya Qur'an mu rurimi rw'ikinyarwanda - Umuryango w'abayisilamu mu Rwanda. - numero y'urupapuro 599 - ububiko bwa qor'an yejejwe

Azilzaalat

Umurongo: 1

إِذَا زُلۡزِلَتِ ٱلۡأَرۡضُ زِلۡزَالَهَا

Ubwo isi izatigiswa n’umutingito ukomeye,

Umurongo: 2

وَأَخۡرَجَتِ ٱلۡأَرۡضُ أَثۡقَالَهَا

Nuko isi igasohora imitwaro yayo (ibiyirimo),

Umurongo: 3

وَقَالَ ٱلۡإِنسَٰنُ مَا لَهَا

Umuntu azavuga ati “Ese noneho (isi) yabaye iki?”

Umurongo: 4

يَوۡمَئِذٖ تُحَدِّثُ أَخۡبَارَهَا

Uwo munsi (isi) izavuga inkuru zayo (z’ibyayibereyeho),

Umurongo: 5

بِأَنَّ رَبَّكَ أَوۡحَىٰ لَهَا

Kubera ko Nyagasani wawe azaba yayibitegetse.

Umurongo: 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

Kuri uwo munsi, abantu bazasohoka (mu mva) batatanye kugira ngo berekwe ibikorwa byabo.

Umurongo: 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

Icyo gihe uzaba yarakoze icyiza gifite uburemere bungana n’akantu gato cyane kurusha ibindi, azakibona (agihemberwe).

Umurongo: 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

N’uzaba yarakoze ikibi gifite uburemere bungana n’akantu gato cyane kurusha ibindi, azakibona (agihanirwe).