Ibisobanuro by'amagambo Isura Al Ankabut (Igitagangurirwa) - الترجمة الفلبينية المجندناوية - ububiko bwa qor'an yejejwe

Al-Ankaboot (Su Lawa-lawa)

Umurongo: 1

الٓمٓ

Alif. Lam. Mim. su Allah i mataw kanu ma'ana nin.

Umurongo: 2

أَحَسِبَ ٱلنَّاسُ أَن يُتۡرَكُوٓاْ أَن يَقُولُوٓاْ ءَامَنَّا وَهُمۡ لَا يُفۡتَنُونَ

Antapan nu taw i dala den manggula nin (sya sa dunya) amayka nangimbenal den sa di den ma-fitna.

Umurongo: 3

وَلَقَدۡ فَتَنَّا ٱلَّذِينَ مِن قَبۡلِهِمۡۖ فَلَيَعۡلَمَنَّ ٱللَّهُ ٱلَّذِينَ صَدَقُواْ وَلَيَعۡلَمَنَّ ٱلۡكَٰذِبِينَ

Na saben-sabenal a binatalu nami su nawna sakanilan, sabap sa andu katawan i benal (a bangimbenal) andu katawan su malbut.

Umurongo: 4

أَمۡ حَسِبَ ٱلَّذِينَ يَعۡمَلُونَ ٱلسَّيِّـَٔاتِ أَن يَسۡبِقُونَاۚ سَآءَ مَا يَحۡكُمُونَ

4 Ga-antap nu mga taw a pang-galbek sa mga malat i maka-palaguy silan salkami, na ngin den a kawagan nin a antapan.

Umurongo: 5

مَن كَانَ يَرۡجُواْ لِقَآءَ ٱللَّهِ فَإِنَّ أَجَلَ ٱللَّهِ لَأٓتٖۚ وَهُوَ ٱلسَّمِيعُ ٱلۡعَلِيمُ

Su taw a bagingarap sa kabaratamu sa Allah na su ajal (lumpakan) na makawma andu sekanin i pakakineg andu mataw.

Umurongo: 6

وَمَن جَٰهَدَ فَإِنَّمَا يُجَٰهِدُ لِنَفۡسِهِۦٓۚ إِنَّ ٱللَّهَ لَغَنِيٌّ عَنِ ٱلۡعَٰلَمِينَ

Andu su taw a min-jihad na ginawa nin i jinihadin, su Allah na kawasa kanu langun na dunya.

Umurongo: 7

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُكَفِّرَنَّ عَنۡهُمۡ سَيِّـَٔاتِهِمۡ وَلَنَجۡزِيَنَّهُمۡ أَحۡسَنَ ٱلَّذِي كَانُواْ يَعۡمَلُونَ

Andu su mga taw a nangimbenal andu ming- galbek sa mga mapya na punasen nami su kawagan nilan andu balasan nami silan sa nya pan mapya kanu galbekan nilan. (a mapya sya sa dunya)

Umurongo: 8

وَوَصَّيۡنَا ٱلۡإِنسَٰنَ بِوَٰلِدَيۡهِ حُسۡنٗاۖ وَإِن جَٰهَدَاكَ لِتُشۡرِكَ بِي مَا لَيۡسَ لَكَ بِهِۦ عِلۡمٞ فَلَا تُطِعۡهُمَآۚ إِلَيَّ مَرۡجِعُكُمۡ فَأُنَبِّئُكُم بِمَا كُنتُمۡ تَعۡمَلُونَ

Inib-palyugat nami kanu manusya i kabpya-pya sa duwa a lukes, andu o pagesen sakanilan sa ka-sakutu salaki a dala salka su ilmu lun, na dika munuti, ka sya kanu bun makawli salaki (Allah) na balasan ku sekanu kanu mga galbekan nu.

Umurongo: 9

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُدۡخِلَنَّهُمۡ فِي ٱلصَّٰلِحِينَ

Andu su mga taw a mga bamaginugut a ming-galbek sa mapya na paludepen nami silan kanu mga taw a mga mapya.

Umurongo: 10

وَمِنَ ٱلنَّاسِ مَن يَقُولُ ءَامَنَّا بِٱللَّهِ فَإِذَآ أُوذِيَ فِي ٱللَّهِ جَعَلَ فِتۡنَةَ ٱلنَّاسِ كَعَذَابِ ٱللَّهِۖ وَلَئِن جَآءَ نَصۡرٞ مِّن رَّبِّكَ لَيَقُولُنَّ إِنَّا كُنَّا مَعَكُمۡۚ أَوَلَيۡسَ ٱللَّهُ بِأَعۡلَمَ بِمَا فِي صُدُورِ ٱلۡعَٰلَمِينَ

Andu kaped kanu mga taw nadtalu nilan i nangimbenal aku sa Allah, na amayka paka- pasangan silan (nu mga kafeer) sa kanu inugut nilan sa Allah, na baluwin nilan su fitna nu mga taw (a kafeer) sa mana siksa nu Allah, (apya ngin i suguwan na maginugut, sabap kanu katalaw) na amayka nakawma i tabang nu Allah-na tig nilan: sekitanu bun, su Allah na katawan nin su dalem nu pamusunugan nu taw na dunya.

Umurongo: 11

وَلَيَعۡلَمَنَّ ٱللَّهُ ٱلَّذِينَ ءَامَنُواْ وَلَيَعۡلَمَنَّ ٱلۡمُنَٰفِقِينَ

Andu katawan nu Allah su bangimbenal andu su mga Munafiq.

Umurongo: 12

وَقَالَ ٱلَّذِينَ كَفَرُواْ لِلَّذِينَ ءَامَنُواْ ٱتَّبِعُواْ سَبِيلَنَا وَلۡنَحۡمِلۡ خَطَٰيَٰكُمۡ وَمَا هُم بِحَٰمِلِينَ مِنۡ خَطَٰيَٰهُم مِّن شَيۡءٍۖ إِنَّهُمۡ لَكَٰذِبُونَ

Andu pidtalu nu mga kafeer kanu mga Mu'min: unuti nu i lekami a lalan ka pangakun nami i kadusan nu, na dala sakanilan (mga kafeer) i mapangaku nilan i kadusan nu mga bamaginugut apya paydu, kagina silan na midtadtab i kalbut nilan.

Umurongo: 13

وَلَيَحۡمِلُنَّ أَثۡقَالَهُمۡ وَأَثۡقَالٗا مَّعَ أَثۡقَالِهِمۡۖ وَلَيُسۡـَٔلُنَّ يَوۡمَ ٱلۡقِيَٰمَةِ عَمَّا كَانُواْ يَفۡتَرُونَ

Andu mang-gumaked nilan i kadusan nilan andu su kadusan nilan sa kapen-dalbut nilan andu makaydsa sakanilan sa gay a mawli su iped-tabu nilan. (salta su siksa)

Umurongo: 14

وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَلَبِثَ فِيهِمۡ أَلۡفَ سَنَةٍ إِلَّا خَمۡسِينَ عَامٗا فَأَخَذَهُمُ ٱلطُّوفَانُ وَهُمۡ ظَٰلِمُونَ

Andu saben-sabenal a sinugu nami si Nuh lu kanu mga taw nin sa nakadtangen kanilan so (Noh) san aka-siyao gatos endo lima pulo lagon, na tinioba nami so taw nin sa kadalem, kagina silan a mga kafeer.

Umurongo: 15

فَأَنجَيۡنَٰهُ وَأَصۡحَٰبَ ٱلسَّفِينَةِ وَجَعَلۡنَٰهَآ ءَايَةٗ لِّلۡعَٰلَمِينَ

Linapas nami sekanin (Nuh) andu su mga tagapeda nin lu kanu awing andu binaluy nami a tanda (kapeg-kagaga) nu Allah kanu taw na dunya.

Umurongo: 16

وَإِبۡرَٰهِيمَ إِذۡ قَالَ لِقَوۡمِهِ ٱعۡبُدُواْ ٱللَّهَ وَٱتَّقُوهُۖ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ

Andu su Ibrahim, pidtalu nin kanu mga taw nin i simban nu su Allah andu ikagilek nu, ka antuba i mapya andu makag-kapya salkanu amayka katawan nu.

Umurongo: 17

إِنَّمَا تَعۡبُدُونَ مِن دُونِ ٱللَّهِ أَوۡثَٰنٗا وَتَخۡلُقُونَ إِفۡكًاۚ إِنَّ ٱلَّذِينَ تَعۡبُدُونَ مِن دُونِ ٱللَّهِ لَا يَمۡلِكُونَ لَكُمۡ رِزۡقٗا فَٱبۡتَغُواْ عِندَ ٱللَّهِ ٱلرِّزۡقَ وَٱعۡبُدُوهُ وَٱشۡكُرُواْ لَهُۥٓۖ إِلَيۡهِ تُرۡجَعُونَ

Ya nu padsimban na salakaw sa Allah a mga barahala andu bangumbal kanu sa kalbutan, padsimban nu ba nan a salakaw sa Allah na dala kamilikan nin (magaga nin) salkanu a ridzki, lu kanu pangeni sa Allah sa ridzki andu simban nu anduadsukuri nu, ka lu kanu bun makam-balingan salkanin.

Umurongo: 18

وَإِن تُكَذِّبُواْ فَقَدۡ كَذَّبَ أُمَمٞ مِّن قَبۡلِكُمۡۖ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ

Amayka pan-dalbuten ka nilan na pinan-dalbut bun su nawna salkano andu dala kanu sinugu ya tabya na: kaped-sampay bu sa mapayag. (kanu mga taw)

Umurongo: 19

أَوَلَمۡ يَرَوۡاْ كَيۡفَ يُبۡدِئُ ٱللَّهُ ٱلۡخَلۡقَ ثُمَّ يُعِيدُهُۥٓۚ إِنَّ ذَٰلِكَ عَلَى ٱللَّهِ يَسِيرٞ

Ngintu dano katawi o panun i kab-pagebpun nu Allah sa kab-pamaluy nin, mawli na pauliten nin sa ulyan na kapatay, malmu gayd (intu) sa kanu Allah

Umurongo: 20

قُلۡ سِيرُواْ فِي ٱلۡأَرۡضِ فَٱنظُرُواْ كَيۡفَ بَدَأَ ٱلۡخَلۡقَۚ ثُمَّ ٱللَّهُ يُنشِئُ ٱلنَّشۡأَةَ ٱلۡأٓخِرَةَۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ

Adtalu ka sakanilan (Muhammad) I lakaw kanu sa lupa ka sulimanay nu i kab-pagabpun nu Allah kanu binaluy nin, su Allah bun i pab-pagiseg andu papem-batun sa ulyan na kapatay, ka kagaga nin i langun na anggaga-isa.

Umurongo: 21

يُعَذِّبُ مَن يَشَآءُ وَيَرۡحَمُ مَن يَشَآءُۖ وَإِلَيۡهِ تُقۡلَبُونَ

Siksan nin i mag-kahanda nin andu ikalimu nin i mag-kahanda nin andu lubun salkanin i kad- sunudan.

Umurongo: 22

وَمَآ أَنتُم بِمُعۡجِزِينَ فِي ٱلۡأَرۡضِ وَلَا فِي ٱلسَّمَآءِۖ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ

Andu dala sa Allah i makalipus kanu sya sa lupa andu sya sa langit andu dala salkanu i salakaw sa Allah a makatuganul andu makad-tabang. (salkanu)

Umurongo: 23

وَٱلَّذِينَ كَفَرُواْ بِـَٔايَٰتِ ٱللَّهِ وَلِقَآئِهِۦٓ أُوْلَٰٓئِكَ يَئِسُواْ مِن رَّحۡمَتِي وَأُوْلَٰٓئِكَ لَهُمۡ عَذَابٌ أَلِيمٞ

Andu su pig-kafiran nin su mga ayatan nu Allah andu su kabaratamu salkanin (Allah), na antu ba na natebped I nanam nin sa limu ku (Allah) andu sakanilan i siksa a sangat i kasakit nin.

Umurongo: 24

فَمَا كَانَ جَوَابَ قَوۡمِهِۦٓ إِلَّآ أَن قَالُواْ ٱقۡتُلُوهُ أَوۡ حَرِّقُوهُ فَأَنجَىٰهُ ٱللَّهُ مِنَ ٱلنَّارِۚ إِنَّ فِي ذَٰلِكَ لَأٓيَٰتٖ لِّقَوۡمٖ يُؤۡمِنُونَ

Na dala inisumpat nu mga taw ni (Ibrahim) ya tabya na: bunu nu atawka tutung nu, na linepas nu Allah abpun kanu apuy, na nakadalem lu ba su tanda a kapeg-kagaga nu Allah kanu mga taw a nangimbenal.

Umurongo: 25

وَقَالَ إِنَّمَا ٱتَّخَذۡتُم مِّن دُونِ ٱللَّهِ أَوۡثَٰنٗا مَّوَدَّةَ بَيۡنِكُمۡ فِي ٱلۡحَيَوٰةِ ٱلدُّنۡيَاۖ ثُمَّ يَوۡمَ ٱلۡقِيَٰمَةِ يَكۡفُرُ بَعۡضُكُم بِبَعۡضٖ وَيَلۡعَنُ بَعۡضُكُم بَعۡضٗا وَمَأۡوَىٰكُمُ ٱلنَّارُ وَمَا لَكُم مِّن نَّٰصِرِينَ

Andu pidtalu ni (Ibrahim) i minumbal kanu sa salakaw sa Allah a barahala- a kapeg-kalimu nu i kaped-simaba nu lun sa kabpaguyag sa dunya, mawli na lu sa gay a mawli na abpapalawa kanu andu ipinta nu isa su ped nin, na ya bun tanan kadtakenan na apuy andu dala makad-tabang salkanu.

Umurongo: 26

۞ فَـَٔامَنَ لَهُۥ لُوطٞۘ وَقَالَ إِنِّي مُهَاجِرٌ إِلَىٰ رَبِّيٓۖ إِنَّهُۥ هُوَ ٱلۡعَزِيزُ ٱلۡحَكِيمُ

Nya nangimbenal salakanin (Ibrahim) na su Lut andu pidtalu nin (Ibrahim) na lu ako den lamumping sa kanu kadnan ku, ka sekanin i mapulo a mataw.

Umurongo: 27

وَوَهَبۡنَا لَهُۥٓ إِسۡحَٰقَ وَيَعۡقُوبَ وَجَعَلۡنَا فِي ذُرِّيَّتِهِ ٱلنُّبُوَّةَ وَٱلۡكِتَٰبَ وَءَاتَيۡنَٰهُ أَجۡرَهُۥ فِي ٱلدُّنۡيَاۖ وَإِنَّهُۥ فِي ٱلۡأٓخِرَةِ لَمِنَ ٱلصَّٰلِحِينَ

Andu pina- muli a-taw nami sa kanu Ishaq andu si Ya'cob, andu binaluy nami kanu muli a-taw nin i ka-nabi andu su kitab (tawrat-Injil) andu inenggay nami salkanin i balas nin sa dunya andu sekanin lu sa gay a mawli na kuyug kanu mga Saliheen.

Umurongo: 28

وَلُوطًا إِذۡ قَالَ لِقَوۡمِهِۦٓ إِنَّكُمۡ لَتَأۡتُونَ ٱلۡفَٰحِشَةَ مَا سَبَقَكُم بِهَا مِنۡ أَحَدٖ مِّنَ ٱلۡعَٰلَمِينَ

Andu su Lut na pidtalu nin kanu mga taw nin: sekanu na ya nu bu panggulan na maledsik, dala minggula lun apya isa bu kanu mga taw a nangawna salkanu.

Umurongo: 29

أَئِنَّكُمۡ لَتَأۡتُونَ ٱلرِّجَالَ وَتَقۡطَعُونَ ٱلسَّبِيلَ وَتَأۡتُونَ فِي نَادِيكُمُ ٱلۡمُنكَرَۖ فَمَا كَانَ جَوَابَ قَوۡمِهِۦٓ إِلَّآ أَن قَالُواْ ٱئۡتِنَا بِعَذَابِ ٱللَّهِ إِن كُنتَ مِنَ ٱلصَّٰدِقِينَ

Ngin nan ka nya pegkaluman nu mama na mama bun andu bagayan kanu sa padsagad a peg- kaluman nu andu aden pan kadupangan nu lu kanu gabuligan nu, na ya bu pidtalu taw nin na: pasya ka salkami i siksa nu kadnan nengka a pedtalun nengka amayka benal ka.

Umurongo: 30

قَالَ رَبِّ ٱنصُرۡنِي عَلَى ٱلۡقَوۡمِ ٱلۡمُفۡسِدِينَ

Tig nu (Lut) kadnan ku tabangi ku sa mga taw a baminasa.

Umurongo: 31

وَلَمَّا جَآءَتۡ رُسُلُنَآ إِبۡرَٰهِيمَ بِٱلۡبُشۡرَىٰ قَالُوٓاْ إِنَّا مُهۡلِكُوٓاْ أَهۡلِ هَٰذِهِ ٱلۡقَرۡيَةِۖ إِنَّ أَهۡلَهَا كَانُواْ ظَٰلِمِينَ

Guna makawma kani Ibrahim su mga sinugu (Malaa-ikat) sa makapya sa ginawa, na tig nilan pambinasan nami i mga taw na nya ba a dalpa, kagina su taw nin na mga dupang.

Umurongo: 32

قَالَ إِنَّ فِيهَا لُوطٗاۚ قَالُواْ نَحۡنُ أَعۡلَمُ بِمَن فِيهَاۖ لَنُنَجِّيَنَّهُۥ وَأَهۡلَهُۥٓ إِلَّا ٱمۡرَأَتَهُۥ كَانَتۡ مِنَ ٱلۡغَٰبِرِينَ

Tig nu (Ibrahim) si Lut! Tig nu sinugu (Malaa-ikat) katawan nami i taw na dalpa, lapasen nami sekanin andu su tagapeda nin ya tabya na: su kaluma nin ka makamung mabinasa.

Umurongo: 33

وَلَمَّآ أَن جَآءَتۡ رُسُلُنَا لُوطٗا سِيٓءَ بِهِمۡ وَضَاقَ بِهِمۡ ذَرۡعٗاۖ وَقَالُواْ لَا تَخَفۡ وَلَا تَحۡزَنۡ إِنَّا مُنَجُّوكَ وَأَهۡلَكَ إِلَّا ٱمۡرَأَتَكَ كَانَتۡ مِنَ ٱلۡغَٰبِرِينَ

Guna makawma su sinugu (Malaa-ikat) kani Lut a palas na mga mama a mga mapya, nalidu i ginawa nin (Lut) na dala mundula sukat nin, pidtalu nu mga sinugu (Malaa-ikat) daka kagilek andu dika pakalidu i ginawa nengka, ka lepasen nami seka andu su tagapeda nengka ya tabya na si kaluma nengka, ka makamung mabinasa.

Umurongo: 34

إِنَّا مُنزِلُونَ عَلَىٰٓ أَهۡلِ هَٰذِهِ ٱلۡقَرۡيَةِ رِجۡزٗا مِّنَ ٱلسَّمَآءِ بِمَا كَانُواْ يَفۡسُقُونَ

Ipedtulun nami kanu taw nu nya a dalpa i siksa abpun sa langit sabap sa kinalyu nilan sa kumpasan.

Umurongo: 35

وَلَقَد تَّرَكۡنَا مِنۡهَآ ءَايَةَۢ بَيِّنَةٗ لِّقَوۡمٖ يَعۡقِلُونَ

Andu saben-sabenal a tinagak nami kanu dalpa i tanda a mapayag sa kinabinasan nu dalpa kanu mga taw, ka andu mapamikir.

Umurongo: 36

وَإِلَىٰ مَدۡيَنَ أَخَاهُمۡ شُعَيۡبٗا فَقَالَ يَٰقَوۡمِ ٱعۡبُدُواْ ٱللَّهَ وَٱرۡجُواْ ٱلۡيَوۡمَ ٱلۡأٓخِرَ وَلَا تَعۡثَوۡاْ فِي ٱلۡأَرۡضِ مُفۡسِدِينَ

Andu nakawma kanu Madiyan su suled nilan na si Shu'aib, sa yanin pidtalu na: samba nu su Allah andu pagingarap nu su gay a mawli andu da kanu panggula sya sa lupa sa baminasa kanu.

Umurongo: 37

فَكَذَّبُوهُ فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ

Na pinan-dalbut nu taw nin, tinyuba silan sa linug a nabaluy silan kanu dalpa nilan sa nagaw.

Umurongo: 38

وَعَادٗا وَثَمُودَاْ وَقَد تَّبَيَّنَ لَكُم مِّن مَّسَٰكِنِهِمۡۖ وَزَيَّنَ لَهُمُ ٱلشَّيۡطَٰنُ أَعۡمَٰلَهُمۡ فَصَدَّهُمۡ عَنِ ٱلسَّبِيلِ وَكَانُواْ مُسۡتَبۡصِرِينَ

Andu (bininasa nami) si A'ad andu si Thamud andu napayag bun salkanu a mga taw su dalpa nilan (su nabpalas nin) andu sinasat na shaytan kanu mga galbek nilan, sinapalan nin silan kanu Agama andu lalan a benal andu silan a mga taw na mawngangen. (ugayd na ya migkasla nakamamasla).

Umurongo: 39

وَقَٰرُونَ وَفِرۡعَوۡنَ وَهَٰمَٰنَۖ وَلَقَدۡ جَآءَهُم مُّوسَىٰ بِٱلۡبَيِّنَٰتِ فَٱسۡتَكۡبَرُواْ فِي ٱلۡأَرۡضِ وَمَا كَانُواْ سَٰبِقِينَ

Andu su Qarun andu su Fir-awn andu su Haman andu saben-sabenal a nakawma sakanilan su Musa sa mga mapayag a tanda, na pimamaslan nilan sya kanu dalpa, na dala silan malepas kanu siksa nu Allah.

Umurongo: 40

فَكُلًّا أَخَذۡنَا بِذَنۢبِهِۦۖ فَمِنۡهُم مَّنۡ أَرۡسَلۡنَا عَلَيۡهِ حَاصِبٗا وَمِنۡهُم مَّنۡ أَخَذَتۡهُ ٱلصَّيۡحَةُ وَمِنۡهُم مَّنۡ خَسَفۡنَا بِهِ ٱلۡأَرۡضَ وَمِنۡهُم مَّنۡ أَغۡرَقۡنَاۚ وَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ

Uman isa na tinyuba nami sa kanu kadusan nin, aden sakanilan i pinasugwan nami sa ulan a watu, aden bun sakanilan i tinyuba sa kilat andu aden bun kanilan i tinampulan nami sa lupa andu aden bun kanilan i pinageldami, dikena su Allah i talimbuten, su ginawa nu bun i talimbuten.

Umurongo: 41

مَثَلُ ٱلَّذِينَ ٱتَّخَذُواْ مِن دُونِ ٱللَّهِ أَوۡلِيَآءَ كَمَثَلِ ٱلۡعَنكَبُوتِ ٱتَّخَذَتۡ بَيۡتٗاۖ وَإِنَّ أَوۡهَنَ ٱلۡبُيُوتِ لَبَيۡتُ ٱلۡعَنكَبُوتِۚ لَوۡ كَانُواْ يَعۡلَمُونَ

Ini-upama su silan a bamaluy sa salakaw sa Allah a padsaligan sa mana upama na lawa-lawa a bagumbal sa walay nin, na saben-sabenal su walay na lawa-lawa na namba i malubay a benal o mana bu ka gatawan nilan.

Umurongo: 42

إِنَّ ٱللَّهَ يَعۡلَمُ مَا يَدۡعُونَ مِن دُونِهِۦ مِن شَيۡءٖۚ وَهُوَ ٱلۡعَزِيزُ ٱلۡحَكِيمُ

Saben-sabenal su Allah na katawan nin su bangenyan nilan a salakaw salkanin (Allah) andu sekanin (Allah) i mapulu a mataw.

Umurongo: 43

وَتِلۡكَ ٱلۡأَمۡثَٰلُ نَضۡرِبُهَا لِلنَّاسِۖ وَمَا يَعۡقِلُهَآ إِلَّا ٱلۡعَٰلِمُونَ

Nya ba a mga upaman na sunggilingan kanu mga taw, dala makad-suliman kanu namba (upaman) ya tabya na su mig-kataw.

Umurongo: 44

خَلَقَ ٱللَّهُ ٱلسَّمَٰوَٰتِ وَٱلۡأَرۡضَ بِٱلۡحَقِّۚ إِنَّ فِي ذَٰلِكَ لَأٓيَةٗ لِّلۡمُؤۡمِنِينَ

Binaluwin nu Allah su mga langit andu su lupa sa haqq, saben-sabenal a nakadalem kanu namba i tanda (kapeg-kagaga) sya kanu mga bamamaginugut.

Umurongo: 45

ٱتۡلُ مَآ أُوحِيَ إِلَيۡكَ مِنَ ٱلۡكِتَٰبِ وَأَقِمِ ٱلصَّلَوٰةَۖ إِنَّ ٱلصَّلَوٰةَ تَنۡهَىٰ عَنِ ٱلۡفَحۡشَآءِ وَٱلۡمُنكَرِۗ وَلَذِكۡرُ ٱللَّهِ أَكۡبَرُۗ وَٱللَّهُ يَعۡلَمُ مَا تَصۡنَعُونَ

Batya ka (Muhammad) su ini-wahi nami salka a kitab (Qur-an) andu sambayang ka, su sambayang i makasapal sa maledsik a galbek andu su mga supak andu ya masla i tadem nu Allah andu katawan nin i galbekan nu.

Umurongo: 46

۞ وَلَا تُجَٰدِلُوٓاْ أَهۡلَ ٱلۡكِتَٰبِ إِلَّا بِٱلَّتِي هِيَ أَحۡسَنُ إِلَّا ٱلَّذِينَ ظَلَمُواْ مِنۡهُمۡۖ وَقُولُوٓاْ ءَامَنَّا بِٱلَّذِيٓ أُنزِلَ إِلَيۡنَا وَأُنزِلَ إِلَيۡكُمۡ وَإِلَٰهُنَا وَإِلَٰهُكُمۡ وَٰحِدٞ وَنَحۡنُ لَهُۥ مُسۡلِمُونَ

Di nu abpalawa su aden kitab nin (yahudi- kristian) ya tabya na ukit a mapya, ya tabya na su pedsangka andu adtalu nu i pina-ngimbenal nami su nakatulun salkami andu su initulun salkanu, andu kadnan nami na kadnan nu bun apya isatiman bu, andu lu kami sinemangkup salkanin na Allah.

Umurongo: 47

وَكَذَٰلِكَ أَنزَلۡنَآ إِلَيۡكَ ٱلۡكِتَٰبَۚ فَٱلَّذِينَ ءَاتَيۡنَٰهُمُ ٱلۡكِتَٰبَ يُؤۡمِنُونَ بِهِۦۖ وَمِنۡ هَٰٓؤُلَآءِ مَن يُؤۡمِنُ بِهِۦۚ وَمَا يَجۡحَدُ بِـَٔايَٰتِنَآ إِلَّا ٱلۡكَٰفِرُونَ

Andu mamba i kinapatulun kanu nawna (kitab) sa kinapatulun nami salka sa kitab (Qur-an) su inenggan nami sa kitab na bangimbenalen nilan andu su kaped kanu mga arab i bangimbenal andu dala samangka sa mga ayatan nami a salakaw kanu mga kafeer.

Umurongo: 48

وَمَا كُنتَ تَتۡلُواْ مِن قَبۡلِهِۦ مِن كِتَٰبٖ وَلَا تَخُطُّهُۥ بِيَمِينِكَۖ إِذٗا لَّٱرۡتَابَ ٱلۡمُبۡطِلُونَ

Andu da gabatya nengka (Muhammad) a kitab sa da pan makatulun salka su Qur-an, andu dala pakasulat a lima nengka a kawanan, ka labi den i kandwa-duwan nu mga taw a di ped-talima sa Qur-an.

Umurongo: 49

بَلۡ هُوَ ءَايَٰتُۢ بَيِّنَٰتٞ فِي صُدُورِ ٱلَّذِينَ أُوتُواْ ٱلۡعِلۡمَۚ وَمَا يَجۡحَدُ بِـَٔايَٰتِنَآ إِلَّا ٱلظَّٰلِمُونَ

Ugaid na su Qur-an na mga ayatan a mapayag sya kanu mga atay nu aden ilmu nin andu dala sumangka kanu mga ayat nami ya tabya su mga talimbuten.

Umurongo: 50

وَقَالُواْ لَوۡلَآ أُنزِلَ عَلَيۡهِ ءَايَٰتٞ مِّن رَّبِّهِۦۚ قُلۡ إِنَّمَا ٱلۡأٓيَٰتُ عِندَ ٱللَّهِ وَإِنَّمَآ أَنَا۠ نَذِيرٞ مُّبِينٌ

Andu pidatalu nilan o namba ka nakatulun salkanin (Muhammad) i mga tanda a benal, adtalu ka sakanilan i mga tanda na lu sa Allah, saki na pedsampay bu a mapayag.

Umurongo: 51

أَوَلَمۡ يَكۡفِهِمۡ أَنَّآ أَنزَلۡنَا عَلَيۡكَ ٱلۡكِتَٰبَ يُتۡلَىٰ عَلَيۡهِمۡۚ إِنَّ فِي ذَٰلِكَ لَرَحۡمَةٗ وَذِكۡرَىٰ لِقَوۡمٖ يُؤۡمِنُونَ

Ngintu di pan kasaligan a tanda i initulun nami salka su Qur-an a pembatyan sakanilan? nakadalem samba su limu andu indawan, atawka tadem kanu mga taw a bamaginugut.

Umurongo: 52

قُلۡ كَفَىٰ بِٱللَّهِ بَيۡنِي وَبَيۡنَكُمۡ شَهِيدٗاۖ يَعۡلَمُ مَا فِي ٱلسَّمَٰوَٰتِ وَٱلۡأَرۡضِۗ وَٱلَّذِينَ ءَامَنُواْ بِٱلۡبَٰطِلِ وَكَفَرُواْ بِٱللَّهِ أُوْلَٰٓئِكَ هُمُ ٱلۡخَٰسِرُونَ

Adtalu ka (Muhammad) su Allah bu i saksi tanu, katawan nin i dalem nu pitu lapis a langit andu lupa andu su mga taw a ya nilan pinangimbenl na batil andu pig-kafeeran nilan su Allah na silan i mga taw a nangalugi.

Umurongo: 53

وَيَسۡتَعۡجِلُونَكَ بِٱلۡعَذَابِ وَلَوۡلَآ أَجَلٞ مُّسَمّٗى لَّجَآءَهُمُ ٱلۡعَذَابُۚ وَلَيَأۡتِيَنَّهُم بَغۡتَةٗ وَهُمۡ لَا يَشۡعُرُونَ

Andu padtagadan nilan i siksa nilan, na o di kena bu aden ukul nin a napasad na makawma den sakanilan andu di abpalis man i kawma nin sakanilan sa makatekaw sa di nilan magedam.

Umurongo: 54

يَسۡتَعۡجِلُونَكَ بِٱلۡعَذَابِ وَإِنَّ جَهَنَّمَ لَمُحِيطَةُۢ بِٱلۡكَٰفِرِينَ

Andu padtagadan sakanilan sa siksa, na saben- sabenal ka Jahannam na langkap den kanu mga kafeer.

Umurongo: 55

يَوۡمَ يَغۡشَىٰهُمُ ٱلۡعَذَابُ مِن فَوۡقِهِمۡ وَمِن تَحۡتِ أَرۡجُلِهِمۡ وَيَقُولُ ذُوقُواْ مَا كُنتُمۡ تَعۡمَلُونَ

Su gay a mad-sagup nilan su siksa abpun sa pulu nilan andu abpun kanu kababan nu ay nilan andu adtalun nu pambantay sa nanami nu su lalaw nu pang-galbeken nu (lu sa dunya).

Umurongo: 56

يَٰعِبَادِيَ ٱلَّذِينَ ءَامَنُوٓاْ إِنَّ أَرۡضِي وَٰسِعَةٞ فَإِيَّٰيَ فَٱعۡبُدُونِ

Sekanu a mga ulipen ku a nangimbenal- su lupa ku na mawlad, saki nu i samba.

Umurongo: 57

كُلُّ نَفۡسٖ ذَآئِقَةُ ٱلۡمَوۡتِۖ ثُمَّ إِلَيۡنَا تُرۡجَعُونَ

Umani-isa na makananam sa kapatay, antu pan a makam-balingan kanu salaki.

Umurongo: 58

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُبَوِّئَنَّهُم مِّنَ ٱلۡجَنَّةِ غُرَفٗا تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ نِعۡمَ أَجۡرُ ٱلۡعَٰمِلِينَ

Su mga bamaginugut a ming-galbek sa mga mapya na pandaludayan nami silan sa mga bilik sa surga, a pelagilay sa kababan na mga ig, dala sakanilan i kalyu sa surga, ngin den a kapya na balas kanu ming-galbek sa mapya sya sa dunya.

Umurongo: 59

ٱلَّذِينَ صَبَرُواْ وَعَلَىٰ رَبِّهِمۡ يَتَوَكَّلُونَ

Silan a midsabar andu su Allah i sinaligan nilan.

Umurongo: 60

وَكَأَيِّن مِّن دَآبَّةٖ لَّا تَحۡمِلُ رِزۡقَهَا ٱللَّهُ يَرۡزُقُهَا وَإِيَّاكُمۡۚ وَهُوَ ٱلسَّمِيعُ ٱلۡعَلِيمُ

Andu madakel a malanap-lanap i dala kagaga nin a ridzki nin, su Allah i pe-ridzki lun andu sekanu, ka sekanin i pakakineg a mataw.

Umurongo: 61

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ وَسَخَّرَ ٱلشَّمۡسَ وَٱلۡقَمَرَ لَيَقُولُنَّ ٱللَّهُۖ فَأَنَّىٰ يُؤۡفَكُونَ

Amayka idsan nengka silan antayn i minaluy sa langit andu lupa andu pagkyug-kyug kanu senang andu ulan-ulan?, na ya nilan madtalu na su Allah, na ngintu ka di nilan pakaisan su Allah?.

Umurongo: 62

ٱللَّهُ يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥٓۚ إِنَّ ٱللَّهَ بِكُلِّ شَيۡءٍ عَلِيمٞ

Su Allah i papegkakalag sa ridzki nu kag- kahanda nin kanu mga ulipen nin andu ped- simpitan nin, su Allah kanu langun na anggaga-isa na katawan nin.

Umurongo: 63

وَلَئِن سَأَلۡتَهُم مَّن نَّزَّلَ مِنَ ٱلسَّمَآءِ مَآءٗ فَأَحۡيَا بِهِ ٱلۡأَرۡضَ مِنۢ بَعۡدِ مَوۡتِهَا لَيَقُولُنَّ ٱللَّهُۚ قُلِ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡقِلُونَ

Amayka idsan nengka silan antayn napatulun sa ig abpun sa langit a nakawyag kanu lupa a minatay? Ya nilan adtalun na su Allah, pugi ka su Allah, ka ya madakel sakanilan i di mawngangen.

Umurongo: 64

وَمَا هَٰذِهِ ٱلۡحَيَوٰةُ ٱلدُّنۡيَآ إِلَّا لَهۡوٞ وَلَعِبٞۚ وَإِنَّ ٱلدَّارَ ٱلۡأٓخِرَةَ لَهِيَ ٱلۡحَيَوَانُۚ لَوۡ كَانُواْ يَعۡلَمُونَ

Dala sa uyag sa dunya-ya tabya na kad-simpang andu kan-dadalmet andu su dalpa sa Akhirat antu ba i tidtu a kapaguyag o mana bu ka- katawan nilan.

Umurongo: 65

فَإِذَا رَكِبُواْ فِي ٱلۡفُلۡكِ دَعَوُاْ ٱللَّهَ مُخۡلِصِينَ لَهُ ٱلدِّينَ فَلَمَّا نَجَّىٰهُمۡ إِلَى ٱلۡبَرِّ إِذَا هُمۡ يُشۡرِكُونَ

Amayka nageda silan sa kapal na ikhlas i kapangeni nilan, na amayka nalepas silan sya sa kapuluwan na sumakutu menem silan sa Allah.

Umurongo: 66

لِيَكۡفُرُواْ بِمَآ ءَاتَيۡنَٰهُمۡ وَلِيَتَمَتَّعُواْۚ فَسَوۡفَ يَعۡلَمُونَ

Andu agka-firan nilan su inenggay nami sakanilan a limu, andu kag-kakalilini bu i kanilan, na di sumala na katawan nilan bun i ulyanan nin.

Umurongo: 67

أَوَلَمۡ يَرَوۡاْ أَنَّا جَعَلۡنَا حَرَمًا ءَامِنٗا وَيُتَخَطَّفُ ٱلنَّاسُ مِنۡ حَوۡلِهِمۡۚ أَفَبِٱلۡبَٰطِلِ يُؤۡمِنُونَ وَبِنِعۡمَةِ ٱللَّهِ يَكۡفُرُونَ

Ngintu da nilan maylay i banaluwi nami su haram (masjidil haram) a tumatana sa pem- bibinasaya su mga taw kanu ambala-bala sakanilan, na yanilan bangimbenalen su batil andu su limu nu Allah i peg-kafiran nilan.

Umurongo: 68

وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِٱلۡحَقِّ لَمَّا جَآءَهُۥٓۚ أَلَيۡسَ فِي جَهَنَّمَ مَثۡوٗى لِّلۡكَٰفِرِينَ

Andu dala muna i kadupang nin su taw a pan- dalbutan nin su Allah atawka pan-dalbutan nin su Haqq (Islam) a nakawma salkanin, ngintu dikena su Jahannam i kad-takanan nu mga kafeer?.

Umurongo: 69

وَٱلَّذِينَ جَٰهَدُواْ فِينَا لَنَهۡدِيَنَّهُمۡ سُبُلَنَاۚ وَإِنَّ ٱللَّهَ لَمَعَ ٱلۡمُحۡسِنِينَ

Andu su mga taw a min-jihad sa lalan salkami na di abpalis na tutulun nami silan sa kanu lalan a makasampay salkami andu su Allah na salta kanu mga taw a mga mapya.