Përkthimi i kuptimeve Surja Suretu El Mearixh - Përkthimi shqip - Hasan Nahi - Enciklopedia e Kuranit Fisnik

Suretu El Mearixh

Ajeti: 1

سَأَلَ سَآئِلُۢ بِعَذَابٖ وَاقِعٖ

Dikush kërkoi një dënim të shpejtë.^[380]

[380] Ebu Xhehli ose Nadir Ibn el-Harithi. Ata i kishin kërkuar më se një herë Profetit (a.s.), një dënim të shpejtë dhe u vranë në betejën e Bedrit, që zhvilluan kundër myslimanëve. Përtej këtij referimi historik, vargu paralajmëron këdo që tallet dhe sfidon Fuqinë Hyjnore. Disa dijetarë me autoritet kanë thënë se vargu mund të ketë këtë kuptim: “Dikush pyeti për dënimin që do të vijë”.

Ajeti: 2

لِّلۡكَٰفِرِينَ لَيۡسَ لَهُۥ دَافِعٞ

Për jobesimtarët askush nuk mund ta ndalojë atë (dënim),

Ajeti: 3

مِّنَ ٱللَّهِ ذِي ٱلۡمَعَارِجِ

(që vjen) nga Allahu, Zoti i Rrugëve të Ngjitjes^[381].

[381] “Rrugët e Ngjitjes” janë rrugët engjëllore që ngjiten drejt Allahut.

Ajeti: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Tek Ai ngjiten engjëjt dhe Shpirti (Xhebraili), në një ditë që zgjat sa pesëdhjetë mijë vjet.

Ajeti: 5

فَٱصۡبِرۡ صَبۡرٗا جَمِيلًا

Prandaj, duro, me durim të hijshëm.

Ajeti: 6

إِنَّهُمۡ يَرَوۡنَهُۥ بَعِيدٗا

Ata e mendojnë atë (dënim) të largët,

Ajeti: 7

وَنَرَىٰهُ قَرِيبٗا

kurse Ne e shohim të afërt.

Ajeti: 8

يَوۡمَ تَكُونُ ٱلسَّمَآءُ كَٱلۡمُهۡلِ

Atë Ditë qielli do të bëhet si llumi i vajit

Ajeti: 9

وَتَكُونُ ٱلۡجِبَالُ كَٱلۡعِهۡنِ

e malet do të bëhen si lesh i shprishur,

Ajeti: 10

وَلَا يَسۡـَٔلُ حَمِيمٌ حَمِيمٗا

Shoku s’do të pyesë për të shokun,

Ajeti: 11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

edhe pse do të vihen të shohin njëri-tjetrin. Për të liruar veten nga dënimi i asaj dite, fajtori do të sakrifikonte me gjithë qejf fëmijët e vet,

Ajeti: 12

وَصَٰحِبَتِهِۦ وَأَخِيهِ

edhe gruan, edhe vëllanë e vet,

Ajeti: 13

وَفَصِيلَتِهِ ٱلَّتِي تُـٔۡوِيهِ

edhe farefisin, që i gjendej pranë (ne jetën e Tokës),

Ajeti: 14

وَمَن فِي ٱلۡأَرۡضِ جَمِيعٗا ثُمَّ يُنجِيهِ

si dhe të gjithë ata që gjenden në faqe të Tokës, nëse kjo do të mund ta shpëtonte.

Ajeti: 15

كَلَّآۖ إِنَّهَا لَظَىٰ

Por jo, (fajtori do të hidhet në zjarr)! Ai është zjarr flakërues,

Ajeti: 16

نَزَّاعَةٗ لِّلشَّوَىٰ

që e shkul (dhe e djeg) krejtësisht skalpin e kokës.

Ajeti: 17

تَدۡعُواْ مَنۡ أَدۡبَرَ وَتَوَلَّىٰ

Ai thërret këdo që (i) ka kthyer shpinën e (i) është larguar (besimit),

Ajeti: 18

وَجَمَعَ فَأَوۡعَىٰٓ

dhe që ka grumbulluar (pasuri) dhe e ka fshehur.

Ajeti: 19

۞ إِنَّ ٱلۡإِنسَٰنَ خُلِقَ هَلُوعًا

Vërtet që njeriu është krijuar i paqëndrueshëm:

Ajeti: 20

إِذَا مَسَّهُ ٱلشَّرُّ جَزُوعٗا

kur atë e godet e keqja, ai ligështohet fort,

Ajeti: 21

وَإِذَا مَسَّهُ ٱلۡخَيۡرُ مَنُوعًا

por, kur i bie e mira, ai bëhet koprrac.

Ajeti: 22

إِلَّا ٱلۡمُصَلِّينَ

Përjashtim bëjnë ata që falen,

Ajeti: 23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

e që janë të vazhdueshëm në faljet e tyre;

Ajeti: 24

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

e që caktojnë një pjesë të pasurisë së tyre

Ajeti: 25

لِّلسَّآئِلِ وَٱلۡمَحۡرُومِ

për lypësin dhe për nevojtarin;

Ajeti: 26

وَٱلَّذِينَ يُصَدِّقُونَ بِيَوۡمِ ٱلدِّينِ

e që besojnë në Ditën e Llogarisë (Gjykimit);

Ajeti: 27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

e që frikësohen nga dënimi i Zotit të tyre,

Ajeti: 28

إِنَّ عَذَابَ رَبِّهِمۡ غَيۡرُ مَأۡمُونٖ

- vërtet që askush nuk është i sigurt prej dënimit të Zotit të vet -;

Ajeti: 29

وَٱلَّذِينَ هُمۡ لِفُرُوجِهِمۡ حَٰفِظُونَ

e që e ruajnë nderin e tyre (nga marrëdhëniet e jashtëligjshme),

Ajeti: 30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

përveçse ndaj bashkëshorteve dhe skllaveve të veta - në këtë rast nuk meritojnë qortim,

Ajeti: 31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

por kush kërkon jashtë këtyre caqeve, pikërisht ata janë shkelësit -;

Ajeti: 32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

e që i ruajnë amanetet dhe i plotësojnë besëlidhjet e tyre;

Ajeti: 33

وَٱلَّذِينَ هُم بِشَهَٰدَٰتِهِمۡ قَآئِمُونَ

e që gjithnjë dëshmojnë drejt;

Ajeti: 34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

e që i falin namazet rregullisht.

Ajeti: 35

أُوْلَٰٓئِكَ فِي جَنَّٰتٖ مُّكۡرَمُونَ

Pikërisht ata do të jenë të nderuar në kopshtet e Xhenetit.

Ajeti: 36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Ç’është kështu me jobesimtarët, që nxitojnë drejt teje

Ajeti: 37

عَنِ ٱلۡيَمِينِ وَعَنِ ٱلشِّمَالِ عِزِينَ

djathtas e majtas, grupe-grupe?!

Ajeti: 38

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

A mos çdonjëri prej tyre shpreson të hyjë në Kopshtin e Lumturisë?

Ajeti: 39

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Kurrsesi! Vërtet që ata e dinë nga çfarë i kemi krijuar!

Ajeti: 40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Betohem për Zotin e lindjeve dhe të perëndimeve, që Ne jemi të Zotë

Ajeti: 41

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

t’i ndërrojmë ata me njerëz më të mirë se ata dhe askush nuk na pengon dot.

Ajeti: 42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Andaj, lëri ata të zbaviten me gjëra të kota dhe të luajnë derisa të përballen me Ditën e tyre që u është premtuar,

Ajeti: 43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Ditën, në të cilën do të dalin nga varrezat duke vrapuar, sikur të ishin duke nxituar drejt një altari,

Ajeti: 44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

me shikim të frikësuar e të kapluar nga poshtërimi. Ajo është Dita që u është premtuar atyre!