Përkthimi i kuptimeve Ajeti 49 Surja Suretu Junus - الترجمة الخميرية للمختصر في تفسير القرآن الكريم - Enciklopedia e Kuranit Fisnik

Ajeti: 49

قُل لَّآ أَمۡلِكُ لِنَفۡسِي ضَرّٗا وَلَا نَفۡعًا إِلَّا مَا شَآءَ ٱللَّهُۗ لِكُلِّ أُمَّةٍ أَجَلٌۚ إِذَا جَآءَ أَجَلُهُمۡ فَلَا يَسۡتَـٔۡخِرُونَ سَاعَةٗ وَلَا يَسۡتَقۡدِمُونَ

ចូរអ្នក(ឱអ្នកនាំសារមូហាំម៉ាត់)ពោលទៅកាន់ពួកគេថាៈ ខ្ញុំគ្មានលទ្ធភាពការពារខ្លួនខ្ញុំពីគ្រោះថ្នាក់ ឬក៏នាំផលប្រយោជន៍អ្វីមួយដល់ខ្លួនខ្ញុំនោះឡើយ។ ដូចនេះ តើខ្ញុំអាចនាំផលប្រយោជន៍ណាមួយដល់អ្នកដទៃ ឬក៏បង្កគ្រោះថ្នាក់ដល់គេបានយ៉ាងដូចម្តេចទៅ? លើកលែងតែអ្វីដែលអល់ឡោះទ្រង់មានចេតនាចំពោះប្រការទាំងនោះប៉ុណ្ណោះ។ ដូច្នេះ តើខ្ញុំអាចដឹងនូវប្រការអាថ៌កំបាំងរបស់ទ្រង់បានដូចម្ដេច? រាល់ប្រជាជាតិទាំងអស់ គឺអល់ឡោះបានសន្យាបំផ្លាញពួកគេនៅក្នុងពេលកំណត់មួយដ៏ជាក់លាក់ ដែលគ្មានអ្នកណាដឹងក្រៅពីទ្រង់នោះឡើយ។ ដូច្នេះ នៅពេលណាដែលពេលវេលានៃការបំផ្លាញប្រជាជាតិនោះបានមកដល់ គឺគេមិនអាចពន្យារពេលបាននោះឡើយ ហើយក៏មិនអាចឲ្យវាកើតឡើងមុនពេលកំណត់បានដែរ សូម្បីមួយវិនាទីក៏ដោយ។

Dobitë e ajeteve të kësaj faqeje:

• الإنسان هو الذي يورد نفسه موارد الهلاك، فالله مُنَزَّه عن الظلم.

• មនុស្សលោក គឺជាអ្នកដែលបណ្តោយខ្លួនគេឲ្យធ្លាក់ទៅក្នុងភាពវិនាសអន្តរាយដោយខ្លួនឯង។ ពិតប្រាកដណាស់ អល់ឡោះជាម្ចាស់ទ្រង់ស្អាតស្អំ និងជ្រះស្អាតបំផុតពីការបំពាន ដោយទ្រង់មិនបំពាននរណាម្នាក់នោះឡើយ។

• مهمة الرسول هي التبليغ للمرسل إليهم، والله يتولى حسابهم وعقابهم بحكمته، فقد يعجله في حياة الرسول أو يؤخره بعد وفاته.

តួនាទីរបស់អ្នកនាំសារ គឺការផ្សព្វផ្សាយ(សាររបស់អល់ឡោះ)ដល់អ្នកដែលអល់ឡោះបញ្ជូនពួកគាត់ទៅកាន់ ហើយអល់ឡោះគឺជាអ្នកគ្រប់គ្រងលើការជំនុំជម្រះ និងការដាក់ទណ្ឌកម្មពួកគេដោយគតិបណ្ឌិតរបស់ទ្រង់។ ជួនកាល ទ្រង់អាចដាក់ទណ្ឌកម្មពួកដែលប្រឆាំងភ្លាមៗនៅក្នុងពេលដែលអ្នកនាំសារនៅមានជីវិត ឬក៏ពន្យារពេលដាក់ទណ្ឌកម្មពួកគេ រហូតដល់ក្រោយពេលគាត់ស្លាប់។

• النفع والضر بيد الله عز وجل، فلا أحد من الخلق يملك لنفسه أو لغيره ضرًّا ولا نفعًا.

• ផលប្រយោជន៍និងគ្រោះថ្នាក់ គឺស្ថិតនៅក្នុងកណ្តាប់ដៃអល់ឡោះជាម្ចាស់តែមួយគត់។ ដូចនេះ គ្មាននរណាម្នាក់ក្នុងចំណោមម៉ាខ្លូករបស់អល់ឡោះអាចបង្កគ្រោះថ្នាក់ឬផ្តល់ផលប្រយោជន៍ដល់ខ្លួនឯង ឬអ្នកដទៃបានឡើយ។

• لا ينفع الإيمان صاحبه عند معاينة الموت.

• នៅពេលដែលសេចក្ដីស្លាប់បានមកដល់ហើយនោះ ការមានជំនឿរបស់គេនៅពេលនោះ គឺគ្មានផលប្រយោជន៍អ្វីឡើយ។