Përkthimi i kuptimeve Surja El Vakia - Përkthimi kinjaruandisht - Shoqata

Al Waaqi’ah

Ajeti: 1

إِذَا وَقَعَتِ ٱلۡوَاقِعَةُ

Ubwo imperuka izaba igeze,

Ajeti: 2

لَيۡسَ لِوَقۡعَتِهَا كَاذِبَةٌ

Nta we uzashobora guhinyura ukuza kwayo.

Ajeti: 3

خَافِضَةٞ رَّافِعَةٌ

Izacisha bugufi (abazajya mu muriro), inashyire hejuru (abazajya mu ijuru).

Ajeti: 4

إِذَا رُجَّتِ ٱلۡأَرۡضُ رَجّٗا

Ubwo isi izatigiswa n’umutingito ukomeye.

Ajeti: 5

وَبُسَّتِ ٱلۡجِبَالُ بَسّٗا

N’imisozi igahindurwa ubuvungukira.

Ajeti: 6

فَكَانَتۡ هَبَآءٗ مُّنۢبَثّٗا

Maze ikaba umukungugu utumuka.

Ajeti: 7

وَكُنتُمۡ أَزۡوَٰجٗا ثَلَٰثَةٗ

(Icyo gihe) muzaba muri mu byiciro bitatu:

Ajeti: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Hari ab’iburyo;^[1] abo bantu b’iburyo ni bantu ki?

[1] Abantu b’iburyo ni abakoze ibikorwa byiza, bazahabwa igitabo mu kuboko kwabo kw’iburyo gikubiyemo ibikorwa bakoze bakiri ku isi. Naho ab’ibumoso ni abakoze ibikorwa bibi, bazahabwa icyo gitabo mu kuboko kw’ibumoso.

Ajeti: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

N’ab’ibumoso; abo bantu b’ibumoso ni bantu ki?

Ajeti: 10

وَٱلسَّٰبِقُونَ ٱلسَّٰبِقُونَ

N’aba mbere (ni ababimburiye abandi mu gukurikiza amategeko ya Allah bakiri ku isi), abo bazaba ari bo ba mbere (mu kwinjira mu Ijuru).

Ajeti: 11

أُوْلَٰٓئِكَ ٱلۡمُقَرَّبُونَ

Abo ni bo bazaba bari hafi (ya Allah).

Ajeti: 12

فِي جَنَّٰتِ ٱلنَّعِيمِ

Mu ijuru ryuje ingabire.

Ajeti: 13

ثُلَّةٞ مِّنَ ٱلۡأَوَّلِينَ

Abenshi (muri bo) bazaba ari itsinda rinini ryo mu bantu bo hambere (mbere y’Intumwa Muhamadi).

Ajeti: 14

وَقَلِيلٞ مِّنَ ٱلۡأٓخِرِينَ

Na bake mu bantu bo hanyuma (bakurikiye Intumwa Muhamadi).

Ajeti: 15

عَلَىٰ سُرُرٖ مَّوۡضُونَةٖ

Bazaba bari ku bitanda bitatswe na zahabu,

Ajeti: 16

مُّتَّكِـِٔينَ عَلَيۡهَا مُتَقَٰبِلِينَ

Babyegamyeho, berekeranye.