Përkthimi i kuptimeve Surja Suretu El A’la - Përkthimi i kuptimeve të Kuranit në kinjarvandishte - Përkthyer nga Shoqata e Muslimanëve të Ruandës. - Enciklopedia e Kuranit Fisnik

Al A’ala (Uwikirenga)

Ajeti: 1

سَبِّحِ ٱسۡمَ رَبِّكَ ٱلۡأَعۡلَى

Singiza izina rya Nyagasani wawe, Uwikirenga,

Ajeti: 2

ٱلَّذِي خَلَقَ فَسَوَّىٰ

We waremye akanatunganya (buri kintu),

Ajeti: 3

وَٱلَّذِي قَدَّرَ فَهَدَىٰ

Akanakigenera (gahunda yacyo yose), hanyuma akayikiyoboramo,

Ajeti: 4

وَٱلَّذِيٓ أَخۡرَجَ ٱلۡمَرۡعَىٰ

Ni na We umeza ubwatsi mu nzuri,

Ajeti: 5

فَجَعَلَهُۥ غُثَآءً أَحۡوَىٰ

Hanyuma akabwumisha bugahindura ibara.

Ajeti: 6

سَنُقۡرِئُكَ فَلَا تَنسَىٰٓ

Rwose (yewe Muhamadi) tuzakwigisha (gusoma Qur’an), bityo ntuzayibagirwa,

Ajeti: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Keretse ibyo Allah azashaka (ko wibagirwa). Mu by’ukuri azi ibigaragara n’ibitagaragara.

Ajeti: 8

وَنُيَسِّرُكَ لِلۡيُسۡرَىٰ

Tuzanakorohereza inzira yo gukora ibyiza.

Ajeti: 9

فَذَكِّرۡ إِن نَّفَعَتِ ٱلذِّكۡرَىٰ

Bityo, ibutsa (abantu) igihe urwibutso rwabagirira akamaro,

Ajeti: 10

سَيَذَّكَّرُ مَن يَخۡشَىٰ

Mu by’ukuri hazibuka wa wundi utinya (Allah),

Ajeti: 11

وَيَتَجَنَّبُهَا ٱلۡأَشۡقَى

Ariko inkozi y’ibibi izarugendera kure (urwibutso),

Ajeti: 12

ٱلَّذِي يَصۡلَى ٱلنَّارَ ٱلۡكُبۡرَىٰ

(Uwo) ni we uzajya mu muriro uhambaye (akawuhiramo),

Ajeti: 13

ثُمَّ لَا يَمُوتُ فِيهَا وَلَا يَحۡيَىٰ

Aho atazapfa (ngo aruhuke) cyangwa ngo agiriremo ubuzima (bwiza).

Ajeti: 14

قَدۡ أَفۡلَحَ مَن تَزَكَّىٰ

Mu by’ukuri wa wundi wiyejeje (akirinda ibyaha) yamaze kubona intsinzi

Ajeti: 15

وَذَكَرَ ٱسۡمَ رَبِّهِۦ فَصَلَّىٰ

Akanasingiza izina rya Nyagasani we ndetse akanakora iswala.

Ajeti: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Ariko mwe mwikundira ubuzima bwo kuri iyi si,

Ajeti: 17

وَٱلۡأٓخِرَةُ خَيۡرٞ وَأَبۡقَىٰٓ

Nyamara ubwo ku mperuka ari bwo bwiza kurushaho ndetse buzanahoraho.

Ajeti: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Mu by’ukuri ibi (mubwirwa) biri mu byanditswe byo hambere,

Ajeti: 19

صُحُفِ إِبۡرَٰهِيمَ وَمُوسَىٰ

Inyandiko (zahishuriwe) Ibrahim na Musa.