Përkthimi i kuptimeve Surja El Infitar - Përkthimi Luhisht - Shoqata Ndërkombëtare për Shkencë dhe Kulturë - Numri i faqes 587 - Enciklopedia e Kuranit Fisnik

Al-Infitaar

Ajeti: 1

إِذَا ٱلسَّمَآءُ ٱنفَطَرَتۡ

Olwe likulu lilisambukha.

Ajeti: 2

وَإِذَا ٱلۡكَوَاكِبُ ٱنتَثَرَتۡ

Ne olwa tsing’ining’ini tsilibulungukha.

Ajeti: 3

وَإِذَا ٱلۡبِحَارُ فُجِّرَتۡ

Ne olwa tsinyanza tsiliarulwa.

Ajeti: 4

وَإِذَا ٱلۡقُبُورُ بُعۡثِرَتۡ

Ne olwa ebilindwa biliyabululwa.

Ajeti: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Buli omundu alimanya shayakhola imbeli nende mukhumalilikha.

Ajeti: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ewe Omundu, ni shina shiakhukatia waalekha Nyasaye wuwo Omulesi, Woluyali?

Ajeti: 7

ٱلَّذِي خَلَقَكَ فَسَوَّىٰكَ فَعَدَلَكَ

Ulia wakhuloonga, mana naakhukasia obulayi, nakhuleng’ania.

Ajeti: 8

فِيٓ أَيِّ صُورَةٖ مَّا شَآءَ رَكَّبَكَ

Nakhukasia mulikondo liomwene yachama.

Ajeti: 9

كَلَّا بَلۡ تُكَذِّبُونَ بِٱلدِّينِ

Shikali kario tawe! Halali enywe mukatsulanga Inyanga yomurungo.

Ajeti: 10

وَإِنَّ عَلَيۡكُمۡ لَحَٰفِظِينَ

Ne toto bwene muli nende Abalindi.

Ajeti: 11

كِرَامٗا كَٰتِبِينَ

Abahandichi aboluyali.

Ajeti: 12

يَعۡلَمُونَ مَا تَفۡعَلُونَ

Bamanya koosi kamukholanga.

Ajeti: 13

إِنَّ ٱلۡأَبۡرَارَ لَفِي نَعِيمٖ

Toto abakholi bamalayi baliba mubwokholo.

Ajeti: 14

وَإِنَّ ٱلۡفُجَّارَ لَفِي جَحِيمٖ

Ne toto abakholi betsimbi baliba mumulilo.

Ajeti: 15

يَصۡلَوۡنَهَا يَوۡمَ ٱلدِّينِ

Balinjilamwo inyanga yomurungo.

Ajeti: 16

وَمَا هُمۡ عَنۡهَا بِغَآئِبِينَ

Ne shibalinyalilwa okhurulamwo tawe.

Ajeti: 17

وَمَآ أَدۡرَىٰكَ مَا يَوۡمُ ٱلدِّينِ

Ne ni shina shilakhumanyia inyanga yomurungo eyo?

Ajeti: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Khandi ni shina shilakhumanyia inyanga yomurungo eyo?

Ajeti: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Inyanga yomundu alikhaywa okhukhoonya owundi shiosishiosi, ne inyanga eyo okhulomesia khwoosi khuliba khwa Nyasaye yenyene.