Përkthimi i kuptimeve Surja El Enbija - Maguindanaonisht - Numri i faqes 330 - Enciklopedia e Kuranit Fisnik

Ajeti: 91

وَٱلَّتِيٓ أَحۡصَنَتۡ فَرۡجَهَا فَنَفَخۡنَا فِيهَا مِن رُّوحِنَا وَجَعَلۡنَٰهَا وَٱبۡنَهَآ ءَايَةٗ لِّلۡعَٰلَمِينَ

Andu su silan a mga babay a mapiya i lawasin (Maryam) na iniyupan nami abpun sa bagel nami, andu binaloy nami sekanin andu su wata nin a tanda siya sa dunya.

Ajeti: 92

إِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱعۡبُدُونِ

Su niya ba a agama nu a Islam na satiman bu, andu saki bu i kadnan nu, na paka-isa akunu bu a simbanu.

Ajeti: 93

وَتَقَطَّعُوٓاْ أَمۡرَهُم بَيۡنَهُمۡۖ كُلٌّ إِلَيۡنَا رَٰجِعُونَ

Mimbida-bida (Yahudie-kristyan) a di mamagayun, na umani-isa kanilan na siya bun makauli salaki.

Ajeti: 94

فَمَن يَعۡمَلۡ مِنَ ٱلصَّٰلِحَٰتِ وَهُوَ مُؤۡمِنٞ فَلَا كُفۡرَانَ لِسَعۡيِهِۦ وَإِنَّا لَهُۥ كَٰتِبُونَ

Nantayni enggalbek kanu mga mapiya a Mu'min sekanin na dala makasapal kanu balasin, andu sekami (Allah) kanu mga galbekin na ipedsulat nami salkanin.

Ajeti: 95

وَحَرَٰمٌ عَلَىٰ قَرۡيَةٍ أَهۡلَكۡنَٰهَآ أَنَّهُمۡ لَا يَرۡجِعُونَ

Andu iniharam kanu mga taw a bininasa nami sabap sa kadupang nilan- i makam-balingan pan silan siya sa dunya.

Ajeti: 96

حَتَّىٰٓ إِذَا فُتِحَتۡ يَأۡجُوجُ وَمَأۡجُوجُ وَهُم مِّن كُلِّ حَدَبٖ يَنسِلُونَ

Taman sa amayka inuka (kabukatan) su kalyu nu Ya'juj andu si Ma'juj, na mamagayas silan kanu mga bukulud.

Ajeti: 97

وَٱقۡتَرَبَ ٱلۡوَعۡدُ ٱلۡحَقُّ فَإِذَا هِيَ شَٰخِصَةٌ أَبۡصَٰرُ ٱلَّذِينَ كَفَرُواْ يَٰوَيۡلَنَا قَدۡ كُنَّا فِي غَفۡلَةٖ مِّنۡ هَٰذَا بَلۡ كُنَّا ظَٰلِمِينَ

Nakasupeg su pasad a Haqq, na ingunu tudtul na mapayag den kanu mga mata nu kafir su sinupak nilan, (yanilan bu madtalu) na nabinasa tanu, ka benal a dala sabut tanu sa niya ba, kena ka sekitanu na mga kafir tanu.

Ajeti: 98

إِنَّكُمۡ وَمَا تَعۡبُدُونَ مِن دُونِ ٱللَّهِ حَصَبُ جَهَنَّمَ أَنتُمۡ لَهَا وَٰرِدُونَ

Sekanu (mga sakuto) andu su mga kadnan nu a salakaw sa Allah na ibpelaleg sa naraka, sekanu i pakadalem kanu naraka.

Ajeti: 99

لَوۡ كَانَ هَٰٓؤُلَآءِ ءَالِهَةٗ مَّا وَرَدُوهَاۖ وَكُلّٞ فِيهَا خَٰلِدُونَ

Umana bu ka tidtu a mga kadnan-na di silan makaludep (sa naraka) andu langun nilan na dala kalyunin sa naraka.

Ajeti: 100

لَهُمۡ فِيهَا زَفِيرٞ وَهُمۡ فِيهَا لَا يَسۡمَعُونَ

Silan sa naraka na belenggak, dala making nilan. (sa katanug na sebu nu apoy)

Ajeti: 101

إِنَّ ٱلَّذِينَ سَبَقَتۡ لَهُم مِّنَّا ٱلۡحُسۡنَىٰٓ أُوْلَٰٓئِكَ عَنۡهَا مُبۡعَدُونَ

benal a silan a mga taw a nawna den salkami i kapiya nilan, na mawatan silan sa naraka.