Përkthimi i kuptimeve Surja El Lejl - El Muhtesar fi tefsir el Kuran el Kerim - Përkthimi në gjuhën pashto - Numri i faqes 596 - Enciklopedia e Kuranit Fisnik

Ajeti: 10

فَسَنُیَسِّرُهٗ لِلْعُسْرٰی ۟ؕ

نو هغه لره به بد کار اسانه کړو، او د ښه کار ترسره کول به ورته سخت کړو.

Ajeti: 11

وَمَا یُغْنِیْ عَنْهُ مَالُهٗۤ اِذَا تَرَدّٰی ۟ؕ

او له هغه څخه به يې هغه مال چې بخيلي يې پرې کړې وه هيڅ شی ترې ايسار نه کړي کله چې هغه تباه شي او اور ته ننوځي.

Ajeti: 12

اِنَّ عَلَیْنَا لَلْهُدٰی ۟ؗۖ

پرته له شکه پر موږ لازم دي چې د حق او باطل لارې بيان کړو.

Ajeti: 13

وَاِنَّ لَنَا لَلْاٰخِرَةَ وَالْاُوْلٰی ۟

او پرته له شکه چې د آخرت ژوند موږ لره دی او د دنيا ژوند هم موږ لره دی، په دواړو کې چې څنګه غواړو تصرف کوو، او له موږ پرته دا بل هيچا لره هم نه دي.

Ajeti: 14

فَاَنْذَرْتُكُمْ نَارًا تَلَظّٰی ۟ۚ

اې خلکو! تاسې مو له بلېدونکي اور څخه وېرولي ياست که چېرې تاسې له الله څخه سرغړونه وکړئ.

Ajeti: 15

لَا یَصْلٰىهَاۤ اِلَّا الْاَشْقَی ۟ۙ

د دغه اور ګرمي به يوازې هغه تر ټولو بدمرغه انسان زغمي چې هغه کافر دی.

Ajeti: 16

الَّذِیْ كَذَّبَ وَتَوَلّٰی ۟ؕ

هغه څوک چې هغه څه يې درواغ وګڼل چې رسول صلی الله عليه وسلم ورسره راغلی و، او د الله د امرونو له منلو يې مخ واړولو.

Ajeti: 17

وَسَیُجَنَّبُهَا الْاَتْقَی ۟ۙ

او له هغه (اوره) به د خلکو ډېر پرهېزګاره ابوبکر رضي الله عنه په څنګ کړل شي.

Ajeti: 18

الَّذِیْ یُؤْتِیْ مَالَهٗ یَتَزَكّٰی ۟ۚ

هغه چې خپل مال د نېکيو او له ګناهونو څخه د پاکوالي په لارو کې لګوي.

Ajeti: 19

وَمَا لِاَحَدٍ عِنْدَهٗ مِنْ نِّعْمَةٍ تُجْزٰۤی ۟ۙ

او له خپل مال څخه چې څه لګوي د دې لپاره يې نه لګوي چې د هغه چا بدله پرې ورکړي چې پر هغه يې احسان کړی وي.

Ajeti: 20

اِلَّا ابْتِغَآءَ وَجْهِ رَبِّهِ الْاَعْلٰی ۟ۚ

خپل مال يوازې د دې لپاره لګوي چې د هغه پالونکي خوښي يې ترلاسه کړي چې پر مخلوق يې لوړ دی.

Ajeti: 21

وَلَسَوْفَ یَرْضٰی ۟۠

او ژر ده چې هغه به پر هغه څه راضي شي چې الله کومه عزتمنه بدله ورکوي.

Dobitë e ajeteve të kësaj faqeje:

• منزلة النبي صلى الله عليه وسلم عند ربه لا تدانيها منزلة.

د نبي صلی الله عليه وسلم مرتبه د خپل پالونکي په وړاندې داسې ده چې هيڅ مرتبه ورته نېږدې کېدای نه شي.

• شكر النعم حقّ لله على عبده.

پر نعمت شکر اېستل د الله پر خپل بنده حق دی.

• وجوب الرحمة بالمستضعفين واللين لهم.

پر کمزورو خلکو د لورېينې لازموالی او له هغه سره نرمي کول.