Përkthimi i kuptimeve Surja En Nebe’ - El Muhtesar fi tefsir el Kuran el Kerim - Përkthimi uzbekisht - Numri i faqes 582 - Enciklopedia e Kuranit Fisnik

Набаъ

Qëllimet e sures:

بيان أدلة القدرة على البعث والتخويف من العاقبة.

Қайта тиририлтиришга қодир эканига далиллар баёни ва оқибатдан огоҳлантириш.

---

Ajeti: 1

عَمَّ يَتَسَآءَلُونَ

Анави мушриклар Пайғамбар алайҳиссалом юборилганидан кейин ҳам яна қайси нарсалар ҳақида сўраяптилар ўзи?

Ajeti: 2

عَنِ ٱلنَّبَإِ ٱلۡعَظِيمِ

Бир-бирларидан бир улуғ хабар ҳақида сўраяптилар. Бу улуғ хабар Аллоҳнинг пайғамбарига нозил қилинган ва қайта тирилиш хабарларини ўз ичига олган Қуръондир.

Ajeti: 3

ٱلَّذِي هُمۡ فِيهِ مُخۡتَلِفُونَ

Бу шундай Қуръонки, уни тавсифлашда ихтилоф қилдилар. Ҳали сеҳр десалар, ҳали шеър деб кўрдилар. Уни фол ёки олдингиларнинг афсоналари, деган уйдирмаларни ҳам ўйлаб топдилар.

Ajeti: 4

كَلَّا سَيَعۡلَمُونَ

Ҳолат улар ўйлаганларидек эмас. Бу каззоблар яқинда Қуръонни ёлғонга чиқараётганларининг ёмон оқибатини билажаклар.

Ajeti: 5

ثُمَّ كَلَّا سَيَعۡلَمُونَ

Уларга у яқинда янада аниқ бўлади.

Ajeti: 6

أَلَمۡ نَجۡعَلِ ٱلۡأَرۡضَ مِهَٰدٗا

Уларга бемалол яшашлари учун ерни текис ва яроқли қилиб қўймадикми?

Ajeti: 7

وَٱلۡجِبَالَ أَوۡتَادٗا

Тоғларни ер қимирламаслиги учун қозиқ қилиб қўймадикми?!

Ajeti: 8

وَخَلَقۡنَٰكُمۡ أَزۡوَٰجٗا

Эй одамлар, сизларни жуфт-жуфт қилиб, эркак ва аёл қилиб яратдик.

Ajeti: 9

وَجَعَلۡنَا نَوۡمَكُمۡ سُبَاتٗا

Ором олишингиз учун сизларга уйқу неъматини, ҳаракатдан тўхташ неъматини ато этдик.

Ajeti: 10

وَجَعَلۡنَا ٱلَّيۡلَ لِبَاسٗا

Тунни авратларингизни ёпиб турувчи либос каби ўз зулмати билан сизларни бекитиб турувчи парда қилдик.

Ajeti: 11

وَجَعَلۡنَا ٱلنَّهَارَ مَعَاشٗا

Кундузни эса тирикчилигингиз учун бир майдон қилиб бердик.

Ajeti: 12

وَبَنَيۡنَا فَوۡقَكُمۡ سَبۡعٗا شِدَادٗا

Устингизда мустаҳкам ясалган, пухта қурилган етти осмонни бино қилдик.

Ajeti: 13

وَجَعَلۡنَا سِرَاجٗا وَهَّاجٗا

Қуёшни ёниб турувчи ёрқин чироқ қилиб қўйдик.

Ajeti: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Вақти келганда булутлардан мўл-кўл ёмғирлар ёғдирдик.

Ajeti: 15

لِّنُخۡرِجَ بِهِۦ حَبّٗا وَنَبَاتٗا

Ана шу сув-ёмғир ёрдамида турли хил уруғ ва ўсимликларни чиқариш учун шундай қилдик.

Ajeti: 16

وَجَنَّٰتٍ أَلۡفَافًا

Дарахтлари бир-бирига чирмашиб кетган боғларни барпо қилиш учун ҳам самодан ёмғирлар ёғдирдик.

Ajeti: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Албатта, бу кун одамлар орасини ажрим қиладиган кундир. Бу кун ваъда қилинган, вақти тайинланган ва кеч қолмайдиган кундир.

Ajeti: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Бу кун фаришта Сур карнайини иккинчи марта чаладиган кундир. Бас, эй одамлар, тўда-тўда бўлиб келурсизлар!

Ajeti: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Само очилиб, унда худди очилган эшиклар каби ёриқлар пайдо бўлди.

Ajeti: 20

وَسُيِّرَتِ ٱلۡجِبَالُ فَكَانَتۡ سَرَابًا

Тоғлар ўрнидан қўзғатилади. Улар то сочилган чангга айлангунларича кезиб юрадилар ва сароб каби бўлиб қоладилар.

Ajeti: 21

إِنَّ جَهَنَّمَ كَانَتۡ مِرۡصَادٗا

Жаҳаннам пойлаб, кутиб турувчидир.

Ajeti: 22

لِّلطَّٰغِينَ مَـَٔابٗا

Жаҳаннам золимларнинг борар жойидир.

Ajeti: 23

لَّٰبِثِينَ فِيهَآ أَحۡقَابٗا

У ерда жуда узоқ вақт қолиб кетадилар.

Ajeti: 24

لَّا يَذُوقُونَ فِيهَا بَرۡدٗا وَلَا شَرَابًا

У ерда улар жаҳаннам ҳароратини совутадиган салқин ҳаводан баҳра ололмайдилар ва ором берадиган ичимликдан татиёлмайдилар.

Ajeti: 25

إِلَّا حَمِيمٗا وَغَسَّاقٗا

Уларнинг ичимликлари дўзахийлардан оқиб турган йиринг ва қайноқ сувдан бошқа нарса бўлмас.

Ajeti: 26

جَزَآءٗ وِفَاقًا

Мана шу уларнинг куфр ва залолати учун муносиб жазодир.

Ajeti: 27

إِنَّهُمۡ كَانُواْ لَا يَرۡجُونَ حِسَابٗا

Улар бу дунёда қайта тирилишга имон келтирмаганлари учун Аллоҳ Таолонинг охиратда ҳисоб сўрашидан қўрқмагандилар. Агар қайта тирилишдан қўрққанларида эди, Аллоҳга имон келтириб, солиҳ амаллар қилган бўлардилар.

Ajeti: 28

وَكَذَّبُواْ بِـَٔايَٰتِنَا كِذَّابٗا

Пайғамбаримизга туширилган оятларни бутунлай ёлғонга чиқаргандилар.

Ajeti: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Улар қилган амалларнинг ҳар бирини ҳисоблаб қайд қилиб қўйганмиз. Уларнинг қилмишлари амаллар дафтарига битиб қўйилгандир.

Ajeti: 30

فَذُوقُواْ فَلَن نَّزِيدَكُمۡ إِلَّا عَذَابًا

Эй золимлар, доимий азобни татиб кўринглар. Энди сизлар учун азоб устига азобни зиёда қилурмиз.

Dobitë e ajeteve të kësaj faqeje:

• إحكام الله للخلق دلالة على قدرته على إعادته.

Аллоҳнинг Ўз махлуқотларини пухта қилиб яратгани У Зотнинг яна қайта ярата олиш қудратига далилдир.

• الطغيان سبب دخول النار.

Ҳаддан ошиш дўзахга киришга сабабдир.

• مضاعفة العذاب على الكفار.

Кофирларга азоб зиёда қилингай.