Salin ng mga Kahulugan Ayah 4 Surah Āl-‘Imrān - Salin sa Wikang Fulani ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 4

مِن قَبۡلُ هُدٗى لِّلنَّاسِ وَأَنزَلَ ٱلۡفُرۡقَانَۗ إِنَّ ٱلَّذِينَ كَفَرُواْ بِـَٔايَٰتِ ٱللَّهِ لَهُمۡ عَذَابٞ شَدِيدٞۗ وَٱللَّهُ عَزِيزٞ ذُو ٱنتِقَامٍ

O Jippinii e dow maaɗa an Muhammadu, ndee Qur'aanaare e hoore goonga. Ko nde goongunde ka kabaruuji, nunnɗunde ka ñaawooje, yahdunde e kon ko adinoonde immorde e Defte Alla; ɗe luutorndiraa hakkunde majje. O Jippini kadi Tawreeta e dow Muusaa, Linnjiila e dow Iisaa (yo ɓe his) ko adii Qur'aana jippaade e maaɗa. Ɗee Defte Alla fow ko fewnayɗe yimɓe ɓen moƴƴinanaɓe diina e aduna maɓɓe. O Jippini kadi Al Qur'aana senndinraynde hakkunde goonga e fenaande, peewal e majjere. Ɓen yedduɓe ɓen non Aayeeje Alla Jippinaaɗe e maaɗa ɗen, hino woodani ɓe lepte saɗtuɗe. Alla Ko Fooluɗo, Jom-yottagol kala fennuɗo Nulaaɓe Makko ɓen lunndii Yamirooje Makko ɗen.

Ilan sa mga Pakinabang ng mga Ayah sa Pahinang Ito:

• أقام الله الحجة وقطع العذر عن الخلق بإرسال الرسل وإنزال الكتب التي تهدي للحق وتحذر من الباطل.

Alla Ñiiɓinii hujja on O Ittani tagu ngun nganto, Nelugol Nulaaɓe ɓen Jippina ɗen Defte fewnirayɗe goonga ɗe rentina e mehre.

• كمال علم الله تعالى وإحاطته بخلقه، فلا يغيب عنه شيء في الأرض ولا في السماء، سواء كان ظاهرًا أو خفيًّا.

Timmugol Anndal Alla ngal e huuɓitugol tagu Makko ngun. Hay e huunde wirnotaako Mo ka leydi wanaa ka kammu; foti non ko ko feeñi maa suuɗii.

• من أصول أهل الإيمان الراسخين في العلم أن يفسروا ما تشابه من الآيات بما أُحْكِم منها.

Hino jeyaa e tuuginorɗe yimɓe gomɗinal tutiiɓe e ganndal ɓen, firirgol ko nanndi kon e aayeeje ɗen, kon ko ñeeñra e majje.

• مشروعية دعاء الله تعالى وسؤاله الثبات على الحق، والرشد في الأمر، ولا سيما عند الفتن والأهواء.

Shar'inegol toragol Alla Toowuɗo On, tabita e goonga e peewal; teŋtinii tuma fitinia e mbeleeɗe.