Salin ng mga Kahulugan Surah Luqmān - Salin sa Wikang Fulani ng Al-Mukhtasar fī Tafsīr Al-Qur’an Al-Karīm - Numero ng Pahina 413 - Ensayklopedia ng Marangal na Qur-an

Ayah: 20

أَلَمۡ تَرَوۡاْ أَنَّ ٱللَّهَ سَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ وَأَسۡبَغَ عَلَيۡكُمۡ نِعَمَهُۥ ظَٰهِرَةٗ وَبَاطِنَةٗۗ وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَلَا هُدٗى وَلَا كِتَٰبٖ مُّنِيرٖ

E on yi'aali, onon ɓee yimɓe, wonnde Alla newianii on nafitorgol ko woni ka kammuuli kon, immorde e naange, e lewru e koode, O newinani on kadi ko woni ka leydi kon, immorde e daabeeji, e leɗɗe e puɗi. O timminnirani on neemaaji Makko ɓannguɗi, wano labeede maa moƴƴude mbaadi, e neemaaji suuɗiiɗi, wano haqqil e ganndal. E hoore ko ɗin neemaaji woodi kon fow, hino woodi e yimɓe ɓen, wennjiroowo fii wootinɗingol Alla, ko aldaa e tuuginagol e ganndal wahayu, immorde ka Alla, maa haqqil ndayginorki, wanaa fere Deftere ɓanngunde, jippiniraande ka Alla.

Ayah: 21

وَإِذَا قِيلَ لَهُمُ ٱتَّبِعُواْ مَآ أَنزَلَ ٱللَّهُ قَالُواْ بَلۡ نَتَّبِعُ مَا وَجَدۡنَا عَلَيۡهِ ءَابَآءَنَآۚ أَوَلَوۡ كَانَ ٱلشَّيۡطَٰنُ يَدۡعُوهُمۡ إِلَىٰ عَذَابِ ٱلسَّعِيرِ

Si ɓee wennjooɓe fii wooɗindingol Alla ngol wi'anaama: "Jokkee wahayu mo Alla jippini on e Nulaaɗo Makko on", ɓe wi'ay: "Men jokkataa ɗum. Wurin ko ko men tawri baabiraaɓe amen ɓen kon, e rewugol sanamu, men jokka". E hara ɓe jokkay baabiraaɓe maɓɓe ɓen, hay si tawii seytaane woniino noddiroowo ɓen e ko rewugol sanamuuji majjinayɗi ɓe, ɗi ɗowira e lepte Yiite dulɓoowe ngen Ñalnde Darngal?

Ayah: 22

۞ وَمَن يُسۡلِمۡ وَجۡهَهُۥٓ إِلَى ٱللَّهِ وَهُوَ مُحۡسِنٞ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰۗ وَإِلَى ٱللَّهِ عَٰقِبَةُ ٱلۡأُمُورِ

Kala fewtirɗo e Alla, o laɓɓinani Mo dewe ɗen, o moƴƴini golle makko ɗen, gomɗii haray o jogitike ko ɓuri hoolnaade e ko jortiiɗo daɗal jogitotoo, tawde o hulaa nde ɗum taƴata. Awa ko faade ka Alla tun, woni ruttorde fiyakuuji ɗin, O yoɓita gooto kala e hanndi.

Ayah: 23

وَمَن كَفَرَ فَلَا يَحۡزُنكَ كُفۡرُهُۥٓۚ إِلَيۡنَا مَرۡجِعُهُمۡ فَنُنَبِّئُهُم بِمَا عَمِلُوٓاْۚ إِنَّ ٱللَّهَ عَلِيمُۢ بِذَاتِ ٱلصُّدُورِ

Kala yedduɗo Alla, wata keeferaaku makko sunine suninean Nulaaɗo. Ko ka Amen tun, woni ruttorde maɓɓe Ñalnde Darngal, Men humpita ɓe ko huuwunoo e bonɗi ka aduna, Men yoɓita ɓe ɗum. Pellet, Alla ko Annduɗo ko woni e fondooji ɓerɗe. Huunde suuɗaaki Mo e ɗum.

Ayah: 24

نُمَتِّعُهُمۡ قَلِيلٗا ثُمَّ نَضۡطَرُّهُمۡ إِلَىٰ عَذَابٍ غَلِيظٖ

Men dakmitiray ɓe ko Men okki ɓen kon e dakamme aduna, yeru seeɗa tun, refti Men jooñiroya ɓe e lepte saɗtuɗe Ñalnde Darngal, ɗen woni lepte Yiite.

Ayah: 25

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ ٱللَّهُۚ قُلِ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ

Pellet, si an Nulaaɗo, a lamndike ɓee sirkooɓe: "Ko hommbo tagi kammuuli ɗin e leydi ndin?" Ma ɓe wi'u: "Ko Alla tagi ɗi!" Maakan ɓe: "Yettoore woodani Alla feeñinɗo hujja on e mon!". Kono ko ɓuri ɗuuɗude e maɓɓe, sabu majjere maɓɓe nden, ɓe anndaa hannduɗo e yettoore.

Ayah: 26

لِلَّهِ مَا فِي ٱلسَّمَٰوَٰتِ وَٱلۡأَرۡضِۚ إِنَّ ٱللَّهَ هُوَ ٱلۡغَنِيُّ ٱلۡحَمِيدُ

Ko Alla tun woodani tagu, e laamu e toppitagol kala ko woni ka kammuuli e ka leydi. Pellet, Alla, ko Kano woni Yondiniiɗo e tagu Makko ngun fow, Yettiniiɗo aduna e laakara.

Ayah: 27

وَلَوۡ أَنَّمَا فِي ٱلۡأَرۡضِ مِن شَجَرَةٍ أَقۡلَٰمٞ وَٱلۡبَحۡرُ يَمُدُّهُۥ مِنۢ بَعۡدِهِۦ سَبۡعَةُ أَبۡحُرٖ مَّا نَفِدَتۡ كَلِمَٰتُ ٱللَّهِۚ إِنَّ ٱللَّهَ عَزِيزٌ حَكِيمٞ

Hay si tawii leɗɗe ko woni ka hoore leydi kon fow, settiraama karambi, maayo ngon waɗtaa ndaha, ngon ɓeydiraa maaje jeeɗiɗi, konnguɗi Alla ɗin lannataa, tawde wanaa ko lannata. Pellet, Alla ko Fooluɗo Mo gooto foolataa, Ñeeñuɗo e tagu Mun e toppitagol Mun.

Ayah: 28

مَّا خَلۡقُكُمۡ وَلَا بَعۡثُكُمۡ إِلَّا كَنَفۡسٖ وَٰحِدَةٍۚ إِنَّ ٱللَّهَ سَمِيعُۢ بَصِيرٌ

Tagugol on, onon ɓee yimɓe, e immintingol on Ñalnde Darngal fii hasbeede yoɓee, wonaali, si wanaa wa tagugol fittaandu wooturu, immintinira ndu no newori. Pellet, Alla ko Nanoowo, Mo nanugol hito goo, haɗataa Mo nanude hito woo. Ko O Yi'oowo, Mo yi'ugol goɗɗum goo, haɗataa Mo yi'ude huunde woo. Ko wano non kadi woniri, tagugol maa immintingol wonkii woo, ronkinirtaa Mo fii wonkii goo.

Ilan sa mga Pakinabang ng mga Ayah sa Pahinang Ito:

• نعم الله وسيلة لشكره والإيمان به، لا وسيلة للكفر به.

Neemaji Alla ɗin, ko wallitorɗi yettugol Mo gomɗina Mo, wanaa ko O yeddiree.

• خطر التقليد الأعمى، وخاصة في أمور الاعتقاد.

Aayeeje ɗen hollii bone ñemmbinirgol majjere, teŋtinii ka senngo fiɓnde.

• أهمية الاستسلام لله والانقياد له وإحسان العمل من أجل مرضاته.

Aayeeje ɗen hollii fahin, nafoore jebbilanagol Alla, ɗoftoo Mo, moƴƴinira golle ɗen, fii no heɓira welyee Makko.

• عدم تناهي كلمات الله.

Konnguɗi Alla ɗin lannataa.