Salin ng mga Kahulugan Surah Al-Inshiqāq - Salin ng mga Kahulugan ng Marangal na Qur'an sa wikang Kinyarwanda. Isinalin ito ng isang pangkat ng Kapisanan ng mga Muslim ng Rwanda. - Ensayklopedia ng Marangal na Qur-an

Al In’shiqaq (Ugusandara)

Ayah: 1

إِذَا ٱلسَّمَآءُ ٱنشَقَّتۡ

Igihe ikirere kizasandara (ku munsi w’imperuka),

Ayah: 2

وَأَذِنَتۡ لِرَبِّهَا وَحُقَّتۡ

Nuko kikumvira (itegeko rya) Nyagasani wacyo, kandi ibyo birakwiye (ko kimwumvira),

Ayah: 3

وَإِذَا ٱلۡأَرۡضُ مُدَّتۡ

N’igihe isi izaringanizwa,

Ayah: 4

وَأَلۡقَتۡ مَا فِيهَا وَتَخَلَّتۡ

Maze igasohora ibiyirimo (abapfuye), igasigarira aho,

Ayah: 5

وَأَذِنَتۡ لِرَبِّهَا وَحُقَّتۡ

Nuko ikumvira (itegeko rya) Nyagasani wayo, kandi ibyo birakwiye (ko imwumvira),

Ayah: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Yewe muntu! Mu by’ukuri ukorana umuhate imirimo yawe ugana kwa Nyagasani wawe, kandi muzahura (ku munsi w’imperuka).

Ayah: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Bityo, uzahabwa igitabo cye (cy’ibikorwa bye) mu kuboko kw’iburyo,

Ayah: 8

فَسَوۡفَ يُحَاسَبُ حِسَابٗا يَسِيرٗا

Azabarurirwa mu buryo bworoshye,

Ayah: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

Kandi azasubira mu bantu be (umuryango we wakoze neza ku isi, ndetse n’abagore azagororerwa bo mu ijuru) yishimye!

Ayah: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Naho uzahabwa igitabo cye (cy’ibikorwa bye, akacyakirira) inyuma y’umugongo,

Ayah: 11

فَسَوۡفَ يَدۡعُواْ ثُبُورٗا

Azisabira kurimbuka,

Ayah: 12

وَيَصۡلَىٰ سَعِيرًا

Kandi azahira mu muriro ugurumana.

Ayah: 13

إِنَّهُۥ كَانَ فِيٓ أَهۡلِهِۦ مَسۡرُورًا

Mu by’ukuri (mu buzima bwo ku isi) yabaga mu muryango we yishimye,

Ayah: 14

إِنَّهُۥ ظَنَّ أَن لَّن يَحُورَ

Mu by’ukuri yibwiraga ko atazagaruka (kwa Nyagasani we).

Ayah: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Nyamara si byo! Mu by’ukuri Nyagasani we yabaga amubona neza.

Ayah: 16

فَلَآ أُقۡسِمُ بِٱلشَّفَقِ

Bityo, ndahiye igicu gitukura cy’izuba rirenga,

Ayah: 17

وَٱلَّيۡلِ وَمَا وَسَقَ

N’ijoro n’ibyo ritwikira (byose),

Ayah: 18

وَٱلۡقَمَرِ إِذَا ٱتَّسَقَ

N’ukwezi igihe kuzuye,

Ayah: 19

لَتَرۡكَبُنَّ طَبَقًا عَن طَبَقٖ

Ko rwose muzanyura mu byiciro bitandukanye (mu buzima bwa hano ku isi no ku munsi w’imperuka)

Ayah: 20

فَمَا لَهُمۡ لَا يُؤۡمِنُونَ

Ese babaye bate, kuki batemera?

Ayah: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Ndetse n’iyo basomewe Qur’an ntibajya bubama.

Ayah: 22

بَلِ ٱلَّذِينَ كَفَرُواْ يُكَذِّبُونَ

Ahubwo abahakanye bahinyura (Intumwa Muhamadi n’inyigisho ze).

Ayah: 23

وَٱللَّهُ أَعۡلَمُ بِمَا يُوعُونَ

Kandi Allah azi neza ibyo bahisha (mu mitima yabo).

Ayah: 24

فَبَشِّرۡهُم بِعَذَابٍ أَلِيمٍ

Bityo, bagezeho inkuru y’ibihano bibabaza.

Ayah: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Uretse abemeye bakanakora ibikorwa byiza, bazagororerwa ibihembo bidashira (Ijuru).