Salin ng mga Kahulugan Surah Al-Fajr - Salin ng mga Kahulugan ng Marangal na Qur'an sa wikang Kinyarwanda. Isinalin ito ng isang pangkat ng Kapisanan ng mga Muslim ng Rwanda. - Ensayklopedia ng Marangal na Qur-an

Alfaj’ri (Umuseke)

Ayah: 1

وَٱلۡفَجۡرِ

Ndahiye umuseke,

Ayah: 2

وَلَيَالٍ عَشۡرٖ

N’amajoro cumi (ya mbere y’ukwezi gutagatifu kwa Dhul-Hijja),

Ayah: 3

وَٱلشَّفۡعِ وَٱلۡوَتۡرِ

N’ikitari igiharwe ndetse n’igiharwe (mu biremwa byose bya Allah),

Ayah: 4

وَٱلَّيۡلِ إِذَا يَسۡرِ

N’ijoro iyo rihita,

Ayah: 5

هَلۡ فِي ذَٰلِكَ قَسَمٞ لِّذِي حِجۡرٍ

Ese muri izo (ndahiro) ntiharimo ibimenyetso bifatika ku muntu ufite ubwenge (bituma areka ibyaha n’ubuhakanyi)?

Ayah: 6

أَلَمۡ تَرَ كَيۡفَ فَعَلَ رَبُّكَ بِعَادٍ

Ese (yewe Muhamadi) ntiwamenye uko Nyagasani wawe yagenje aba Adi?

Ayah: 7

إِرَمَ ذَاتِ ٱلۡعِمَادِ

(Abantu b’) Irama (bari barebare cyane), bafite n’inyubako ndende (zifite inkingi ndende),

Ayah: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

Bo (abo ba Irama) ntihigeze haremwa abandi bameze nka bo mu yindi mijyi.

Ayah: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

N’aba Thamudu bacongaga urutare mu bibaya (bakarukoramo inyubako)?

Ayah: 10

وَفِرۡعَوۡنَ ذِي ٱلۡأَوۡتَادِ

Na Farawo wari ufite imambo (yazirikagaho abantu abakorera iyicarubozo)?

Ayah: 11

ٱلَّذِينَ طَغَوۡاْ فِي ٱلۡبِلَٰدِ

Ba bandi bakoze ubugizi bwa nabi mu mijyi,

Ayah: 12

فَأَكۡثَرُواْ فِيهَا ٱلۡفَسَادَ

Maze bayikwizamo ubwangizi bukabije,

Ayah: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

Nuko Nyagasani wawe abasukaho ibihano bibabaza,

Ayah: 14

إِنَّ رَبَّكَ لَبِٱلۡمِرۡصَادِ

Mu by’ukuri Nyagasani wawe yiteguye guhana (inkozi z’ibibi).

Ayah: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Iyo Nyagasani agerageje umuntu, akamwubahisha akanamuhundagazaho ingabire, aravuga ati “Nyagasani wanjye yanyubahishije.”

Ayah: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Nyamara yamugerageza akamugabanyiriza amafunguro, akavuga ati “Nyagasani wanjye yaransuzuguje!”

Ayah: 17

كَلَّاۖ بَل لَّا تُكۡرِمُونَ ٱلۡيَتِيمَ

Oya! Ahubwo ntimugirira neza imfubyi,

Ayah: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Ndetse nta n’ubwo mubwirizanya kugaburira abakene!

Ayah: 19

وَتَأۡكُلُونَ ٱلتُّرَاثَ أَكۡلٗا لَّمّٗا

Kandi murya imirage (y’abandi) mukayimara,

Ayah: 20

وَتُحِبُّونَ ٱلۡمَالَ حُبّٗا جَمّٗا

Ndetse mugakunda imitungo bikabije.

Ayah: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

Oya! Umunsi isi izasandazwa (igacikamo ibice),

Ayah: 22

وَجَآءَ رَبُّكَ وَٱلۡمَلَكُ صَفّٗا صَفّٗا

Nuko Nyagasani wawe akaza (guca imanza) ndetse n’abamalayika bari ku mirongo ikurikiranye,

Ayah: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

Kandi uwo munsi umuriro wa Jahanamu uzazanwa. Kuri uwo munsi, umuntu azibuka, ariko se uko kwibuka kuzamumarira iki?

Ayah: 24

يَقُولُ يَٰلَيۡتَنِي قَدَّمۡتُ لِحَيَاتِي

Azicuza avuga ati “Iyaba nari narateganyirije ubuzima bwanjye (nkora ibikorwa byiza)!

Ayah: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ

Kuri uwo munsi ibihano (Allah) azahanisha nta wundi ushobora kubihanisha.

Ayah: 26

وَلَا يُوثِقُ وَثَاقَهُۥٓ أَحَدٞ

Kandi azanaboha (abahakanyi) ukuboha kutashoborwa n’undi uwo ari we wese.

Ayah: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

(Umwemeramana azabwirwa ati) “Yewe roho ituje!”

Ayah: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ

“Garuka kwa Nyagasani wawe umwishimiye na We akwishimiye!”

Ayah: 29

فَٱدۡخُلِي فِي عِبَٰدِي

“Maze winjire mu bagaragu banjye (b’intungane)”,

Ayah: 30

وَٱدۡخُلِي جَنَّتِي

“Uninjire mu Ijuru ryanjye!”