Salin ng mga Kahulugan Surah An-Nisā’ - Salin sa Wikang Moryo ng Sentro ng Rowad sa Pagsasalin - Numero ng Pahina 96 - Ensayklopedia ng Marangal na Qur-an

Ayah: 106

وَٱسۡتَغۡفِرِ ٱللَّهَۖ إِنَّ ٱللَّهَ كَانَ غَفُورٗا رَّحِيمٗا

Lɑ f kos Wẽnd yɑɑfɑ, ɑd Wẽnd yɩɩme n yɑɑ gɑɑfɑr maɑndɑ n yɑɑ yolsdɑ.

Ayah: 107

وَلَا تُجَٰدِلۡ عَنِ ٱلَّذِينَ يَخۡتَانُونَ أَنفُسَهُمۡۚ إِنَّ ٱللَّهَ لَا يُحِبُّ مَن كَانَ خَوَّانًا أَثِيمٗا

Lɑ f rɑ gom n sõng sẽn zãmbd-b mensã ye, ɑd Wẽnd pɑ nong sẽn yɑɑ zãmb-toog soɑb n yaa beeg-toog soɑb ye.

Ayah: 108

يَسۡتَخۡفُونَ مِنَ ٱلنَّاسِ وَلَا يَسۡتَخۡفُونَ مِنَ ٱللَّهِ وَهُوَ مَعَهُمۡ إِذۡ يُبَيِّتُونَ مَا لَا يَرۡضَىٰ مِنَ ٱلۡقَوۡلِۚ وَكَانَ ٱللَّهُ بِمَا يَعۡمَلُونَ مُحِيطًا

B solgdɑ nebã lɑ b pɑ solgd Wẽnd ye lɑ A bee ne bãmbɑ b sẽn wɑt n solgd koeese sẽn pɑ sɑkdã, lɑ Wẽnd yɩɩme n sε ne bãmb sẽn tʋmdã fãɑ.

Ayah: 109

هَٰٓأَنتُمۡ هَٰٓؤُلَآءِ جَٰدَلۡتُمۡ عَنۡهُمۡ فِي ٱلۡحَيَوٰةِ ٱلدُّنۡيَا فَمَن يُجَٰدِلُ ٱللَّهَ عَنۡهُمۡ يَوۡمَ ٱلۡقِيَٰمَةِ أَم مَّن يَكُونُ عَلَيۡهِمۡ وَكِيلٗا

Ad yãmb gom n sõng-b lɑme dũni vɩɩmã pʋgɑ lɑ yɑɑ ãndɑ n nɑ n fãɑg-b n yi Wẽnd dũn-yikr rɑɑrã bɩ yɑɑ ãnd n nɑ n yɩ b bobendɑ.

Ayah: 110

وَمَن يَعۡمَلۡ سُوٓءًا أَوۡ يَظۡلِمۡ نَفۡسَهُۥ ثُمَّ يَسۡتَغۡفِرِ ٱللَّهَ يَجِدِ ٱللَّهَ غَفُورٗا رَّحِيمٗا

Lɑ sẽn tʋmd-ɑ wẽngɑ mɑɑ ɑ wẽgd ɑ mengɑ, rẽ poorẽ t'ɑ kos Wẽnd yɑɑfgo ɑ mikdɑme tɩ Wẽnd yɑɑ Bɑs-tɩ-loog Soɑbɑ n yɑɑ Yolsdɑ.

Ayah: 111

وَمَن يَكۡسِبۡ إِثۡمٗا فَإِنَّمَا يَكۡسِبُهُۥ عَلَىٰ نَفۡسِهِۦۚ وَكَانَ ٱللَّهُ عَلِيمًا حَكِيمٗا

Lɑ sẽn mɑɑn-ɑ beegre ɑd ɑ mɑɑndɑ a mengɑ, lɑ Wẽnd yɩɩme n yɑɑ mitɑ n yɑɑ bʋʋd-mitɑ.

Ayah: 112

وَمَن يَكۡسِبۡ خَطِيٓـَٔةً أَوۡ إِثۡمٗا ثُمَّ يَرۡمِ بِهِۦ بَرِيٓـٔٗا فَقَدِ ٱحۡتَمَلَ بُهۡتَٰنٗا وَإِثۡمٗا مُّبِينٗا

Lɑ sẽn mɑɑn-ɑ yel-beedo mɑɑ beegre n yɑool n rõd sẽn pɑ tɑr-ɑ yell ne-ɑ, sɩdɑ ɑ tʋkɑ zirẽ-beed lɑ beegr sẽn yɑɑ vẽenegɑ.

Ayah: 113

وَلَوۡلَا فَضۡلُ ٱللَّهِ عَلَيۡكَ وَرَحۡمَتُهُۥ لَهَمَّت طَّآئِفَةٞ مِّنۡهُمۡ أَن يُضِلُّوكَ وَمَا يُضِلُّونَ إِلَّآ أَنفُسَهُمۡۖ وَمَا يَضُرُّونَكَ مِن شَيۡءٖۚ وَأَنزَلَ ٱللَّهُ عَلَيۡكَ ٱلۡكِتَٰبَ وَٱلۡحِكۡمَةَ وَعَلَّمَكَ مَا لَمۡ تَكُن تَعۡلَمُۚ وَكَانَ فَضۡلُ ٱللَّهِ عَلَيۡكَ عَظِيمٗا

Lɑ sã n pɑ Wẽnd yɩɩdlemã lɑ A yolsgã sẽn be fo zugu, sull sẽn yi bãmbã pʋgẽ wã nɑ loe n wãɑgẽ b nɑ menmes foo bɑlɑ, lɑ b pɑ menmes tɩ sã n pɑ b mens ye, lɑ b pɑ nɑmsd foo bɑɑ fʋɩ, lɑ Wẽnd sikɑ Gɑfã fo zug lɑ bʋʋd minim, lɑ A wĩnig foo f sẽn dɑ pɑ mi, lɑ Wẽnd yɩɩdlemã yɩɩme n yɑɑ zɩsg fo zugu.