Salin ng mga Kahulugan Ayah 68 Surah Yūnus - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 68

قَالُواْ ٱتَّخَذَ ٱللَّهُ وَلَدٗاۗ سُبۡحَٰنَهُۥۖ هُوَ ٱلۡغَنِيُّۖ لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۚ إِنۡ عِندَكُم مِّن سُلۡطَٰنِۭ بِهَٰذَآۚ أَتَقُولُونَ عَلَى ٱللَّهِ مَا لَا تَعۡلَمُونَ

Nagsabi ang isang pangkat kabilang sa mga tagapagtambal: "Gumawa si Allāh sa mga anghel bilang mga anak na babae." Pagkabanal-banal si Allāh para sa sinasabi nila sapagkat Siya – kaluwalhatian sa Kanya – ay ang Walang-pangangailangan sa lahat ng mga nilikha Niya. Sa Kanya ang paghahari sa anumang nasa mga langit at ang paghahari sa anumang nasa lupa. Wala kayong taglay, O mga tagapagtambal, na patotoo sa sabi ninyong ito. Nagsasabi ba kayo hinggil kay Allāh ng isang salitang mabigat – yayamang nag-uugnay kayo sa Kanya ng anak – na hindi ninyo nalalaman ang katotohanan niyon nang walang patotoo?

Ilan sa mga Pakinabang ng mga Ayah sa Pahinang Ito:

• ولاية الله تكون لمن آمن به، وامتثل أوامره، واجتنب نواهيه، واتبع رسوله صلى الله عليه وسلم، وأولياء الله هم الآمنون يوم القيامة، ولهم البشرى في الدنيا إما بالرؤيا الصالحة أو عند الموت.

Ang pagtangkilik ni Allāh ay para sa sinumang sumampalataya sa Kanya, sumunod sa mga ipinag-uutos Niya, umiiwas sa mga sinasaway Niya, at sumunod sa Sugo Niya – basbasan siya ni Allāh at batiin ng kapayapaan. Ang mga katangkilik ni Allāh ay ang mga tiwasay sa Araw ng Pagbangon. Ukol sa kanila ang nakalulugod na balita sa Mundo sa pamamagitan ng mabuting panaginip o sa sandali ng kamatayan.

• العزة لله جميعًا وحده ؛ فهو مالك الملك، وما عُبِد من دون الله لا حقيقة له.

Ang karangalan ay ukol kay Allāh sa kalahatan – tanging sa Kanya – sapagkat Siya ay ang naghahari sa kaharian at ang anumang sinasamba bukod pa kay Allāh ay walang katotohanan doon.

• الحث على التفكر في خلق الله؛ لأن ذلك يقود إلى الإيمان به وتوحيده.

Ang paghimok sa pag-iisip-isip sa paglikha ni Allāh dahil iyon ay umaakay tungo sa pananampalataya sa Kanya at paniniwala sa kaisahan Niya.

• حرمة الكذب على الله عز وجل، وأن صاحبه لن يفلح، ومن أعظم الكذب نسبة الولد له سبحانه.

Ang pagkabawal ng pagsisinungaling hinggil kay Allāh – kamahal-mahalan Siya at kapita-pitagan – at na ang gumagawa nito ay hindi magtatagumpay. Kabilang sa pinakamabigat na kasinungalingan ay ang pag-uugnay ng anak sa Kanya – kaluwalhatian sa Kanya!