Salin ng mga Kahulugan Ayah 26 Surah Ar-Ra‘d - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 26

ٱللَّهُ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ وَفَرِحُواْ بِٱلۡحَيَوٰةِ ٱلدُّنۡيَا وَمَا ٱلۡحَيَوٰةُ ٱلدُّنۡيَا فِي ٱلۡأٓخِرَةِ إِلَّا مَتَٰعٞ

Si Allāh ay nagpapalawak sa panustos sa sinumang niloloob Niya at nagpapasikip sa sinumang niloloob Niya kabilang sa mga lingkod Niya. Ang pagpapalawak sa panustos ay hindi isang palatandaan ng kaligayahan ni ng pag-ibig ni Allāh ni ang pagsikip nito ay isang palatandaan ng kalumbayan. Natuwa ang mga tagatangging sumampalataya sa buhay na pangmundo kaya sumandal sila at napanatag sila rito gayong walang iba ang buhay Mundo sa paghahambing sa Kabilang-buhay kundi isang natatamasang kaunti na lilisan.

Ilan sa mga Pakinabang ng mga Ayah sa Pahinang Ito:

• الترغيب في جملة من فضائل الأخلاق الموجبة للجنة، ومنها: حسن الصلة، وخشية الله تعالى، والوفاء بالعهود، والصبر والإنفاق، ومقابلة السيئة بالحسنة والتحذير من ضدها.

Ang pagpapaibig sa isang kabuuan ng mga kainam-inam sa mga kaasalang nag-oobliga ng [pagpasok sa] Paraiso. Kabilang sa mga ito ang kagandahan ng pakikipag-ugnayan, ang takot kay Allāh – pagkataas-taas Siya, ang pagtupad sa mga kasunduan, ang pagtitiis, ang paggugol, ang pagtumbas sa masagwang gawa ng magandang gawa, at ang pagbibigay-babala sa salungat sa mga ito.

• أن مقاليد الرزق بيد الله سبحانه وتعالى، وأن توسعة الله تعالى أو تضييقه في رزق عبدٍ ما لا ينبغي أن يكون موجبًا لفرح أو حزن، فهو ليس دليلًا على رضا الله أو سخطه على ذلك العبد.

Na ang mga susi ng pagtustos ay nasa kamay ni Allāh – kaluwalhatian sa Kanya at pagkataas-taas Siya – na ang pagpapaluwag ni Allāh – pagkataas-taas Siya – o pagpapasikip Niya sa pagtustos sa isang tao ay hindi nararapat na maging isang nagdadahilan ng tuwa o lungkot sapagkat ito ay hindi isang patunay sa pagkalugod ni Allāh o pagkainis Niya sa taong iyon.

• أن الهداية ليست بالضرورة مربوطة بإنزال الآيات والمعجزات التي اقترح المشركون إظهارها.

Na ang kapatnubayan ay hindi kinakailangang nakatali sa pagpapababa ng mga tanda at mga himalang iminungkahi ng mga tagapagtambal ang pagpapalitaw sa mga ito.

• من آثار القرآن على العبد المؤمن أنه يورثه طمأنينة في القلب.

Kabilang sa mga epekto ng Qur'ān sa taong mananampalataya ay na ito ay nagdudulot ng kapanatagan sa puso.