Salin ng mga Kahulugan Ayah 112 Surah Al-Anbiyā’ - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 112

قَٰلَ رَبِّ ٱحۡكُم بِٱلۡحَقِّۗ وَرَبُّنَا ٱلرَّحۡمَٰنُ ٱلۡمُسۡتَعَانُ عَلَىٰ مَا تَصِفُونَ

Nagsabi ang Sugo ni Allāh – basbasan siya ni Allāh at batiin ng kapayapaan – habang dumadalangin sa Panginoon niya: "Panginoon ko, magpasya Ka sa pagitan namin at ng mga kababayan namin na nagpumilit sa kawalang-pananampalataya sa paghuhusgang totoo. Sa Panginoon namin, ang Napakamaawain, ay nagpapatulong kami laban sa anumang sinasabi ninyo na kawalang-pananampalataya at pagpapasinungaling."

Ilan sa mga Pakinabang ng mga Ayah sa Pahinang Ito:

• الصلاح سبب للتمكين في الأرض.

Ang kaayusan ay isang kadahilanan para sa pagbibigay-kapangyarihan sa lupa.

• بعثة النبي صلى الله عليه وسلم وشرعه وسنته رحمة للعالمين.

Ang pagpapadala sa Propeta – basbasan siya ni Allāh at batiin ng kapayapaan – ang Batas niya, at ang Kalakaran (Sunnah) niya ay awa para sa mga nilalang.

• الرسول صلى الله عليه وسلم لا يعلم الغيب.

Ang Sugo – basbasan siya ni Allāh at batiin ng kapayapaan – ay hindi nakaaalam sa Lingid.

• علم الله بما يصدر من عباده من قول.

Ang kaalaman ni Allāh sa anumang namumutawi mula sa mga lingkod Niya kabilang sa sinasabi.