Salin ng mga Kahulugan Ayah 72 Surah Al-Mu’minūn - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 72

أَمۡ تَسۡـَٔلُهُمۡ خَرۡجٗا فَخَرَاجُ رَبِّكَ خَيۡرٞۖ وَهُوَ خَيۡرُ ٱلرَّٰزِقِينَ

Humiling ka ba, O Sugo, ng pabuya mula sa mga ito kapalit ng inihatid mo sa kanila at iyon ay nagtulak sa kanila na tumanggi sa paanyaya? Ito ay hindi nangyari mula sa iyo sapagkat ang gantimpala ng Panginoon mo at ang pabuya Niya ay higit na mabuti kaysa sa gantimpala ng mga ito at iba pa sa kanila. Siya – kaluwalhatian sa Kanya – ay ang pinakamabuti sa mga tagatustos.

Ilan sa mga Pakinabang ng mga Ayah sa Pahinang Ito:

• خوف المؤمن من عدم قبول عمله الصالح.

Ang pangamba ng mananampalataya sa hindi pagtanggap ng gawa niyang maayos.

• سقوط التكليف بما لا يُسْتطاع رحمة بالعباد.

Ang pag-aalis ng pagsasatungkulin ng anumang hindi nakakaya bilang awa sa mga tao.

• الترف مانع من موانع الاستقامة وسبب في الهلاك.

Ang karangyaan ay isa sa mga nakahahadlang sa pagpapakatuwid at isang kadahilanan sa kapahamakan.

• قصور عقول البشر عن إدراك كثير من المصالح.

Ang kakulangan ng mga isip ng mga tao sa pagtalos sa marami sa mga kapakanan.