Salin ng mga Kahulugan Ayah 55 Surah Al-Furqān - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 55

وَيَعۡبُدُونَ مِن دُونِ ٱللَّهِ مَا لَا يَنفَعُهُمۡ وَلَا يَضُرُّهُمۡۗ وَكَانَ ٱلۡكَافِرُ عَلَىٰ رَبِّهِۦ ظَهِيرٗا

Sumasamba ang mga tagatangging sumampalataya bukod pa kay Allāh sa mga diyus-diyusang hindi nakapagpapakinabang sa kanila kung tumalima sila sa mga ito at hindi nakapipinsala sa kanila kung sumuway sila sa mga ito. Laging ang tagatangging sumampalataya ay isang tagasunod para sa demonyo sa ikinaiinis ni Allāh – kaluwalhatian sa Kanya.

Ilan sa mga Pakinabang ng mga Ayah sa Pahinang Ito:

• انحطاط الكافر إلى مستوى دون مستوى الحيوان بسبب كفره بالله.

Ang pagbaba ng tagatangging sumampalataya sa isang antas na mababa pa sa antas ng hayop dahilan sa kawalang-pananampalataya niya kay Allāh.

• ظاهرة الظل آية من آيات الله الدالة على قدرته.

Ang pagkalitaw ng anino ay isa sa mga tanda ni Allāh, na nagpapatunay sa kakayahan Niya.

• تنويع الحجج والبراهين أسلوب تربوي ناجح.

Ang pagsasarisari ng mga katwiran at mga patotoo ay isang matagumpay na istilong pang-edukasyon.

• الدعوة بالقرآن من صور الجهاد في سبيل الله.

Ang pag-aanyaya sa pamamagitan ng Qur'ān ay kabilang sa mga anyo ng pakikibaka sa landas ni Allāh.