Salin ng mga Kahulugan Ayah 62 Surah Al-Furqān - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 62

وَهُوَ ٱلَّذِي جَعَلَ ٱلَّيۡلَ وَٱلنَّهَارَ خِلۡفَةٗ لِّمَنۡ أَرَادَ أَن يَذَّكَّرَ أَوۡ أَرَادَ شُكُورٗا

Si Allāh ay ang gumawa ng gabi at maghapon na nagsusunuran: sumusunod ang isa sa dalawa sa iba pa at pumapalit, para sa sinumang nagnais na magsaalang-alang sa mga tanda ni Allāh para mapatnubayan o nagnais ng pagpapasalamat kay Allāh sa mga biyaya Niya.

Ilan sa mga Pakinabang ng mga Ayah sa Pahinang Ito:

• الداعي إلى الله لا يطلب الجزاء من الناس.

Ang tagapag-anyaya tungo kay Allāh ay hindi humihiling ng ganti sa mga tao.

• ثبوت صفة الاستواء لله بما يليق به سبحانه وتعالى.

Ang pagtitibay ng katangian ng pagluklok para kay Allāh ayon sa naaangkop sa Kanya – kaluwalhatian sa Kanya at pagkataas-taas Siya.

• أن الرحمن اسم من أسماء الله لا يشاركه فيه أحد قط، دال على صفة من صفاته وهي الرحمة.

Na ang Raḥmān (Napakamaawain) ay isa sa mga pangalan ni Allāh, na walang isang nakikilahok sa Kanya rito kailanman, na nagpapatunay sa isa sa mga katangian Niya, ang awa.

• إعانة العبد بتعاقب الليل والنهار على تدارُكِ ما فاتَهُ من الطاعة في أحدهما.

Ang pagtulong sa tao dahil sa pagsusunuran ng gabi at maghapon para sa paghahabol sa nakaalpas sa kanya na pagtalima sa [oras ng] isa sa dalawa.

• من صفات عباد الرحمن التواضع والحلم، وطاعة الله عند غفلة الناس، والخوف من الله، والتزام التوسط في الإنفاق وفي غيره من الأمور.

Kabilang sa mga katangian ng mga lingkod ng Napakamaawain ang pagpapakumbaba, ang pagtitimpi, ang pagtalima kay Allāh sa sandali ng pagkalingat ng mga tao, ang pangamba kay Allāh, at ang pananatili sa pagkakatamtaman sa paggugol at sa iba pang mga bagay.