Salin ng mga Kahulugan Ayah 68 Surah Al-Qasas - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 68

وَرَبُّكَ يَخۡلُقُ مَا يَشَآءُ وَيَخۡتَارُۗ مَا كَانَ لَهُمُ ٱلۡخِيَرَةُۚ سُبۡحَٰنَ ٱللَّهِ وَتَعَٰلَىٰ عَمَّا يُشۡرِكُونَ

Ang Panginoon mo, O Sugo, ay lumilikha ng anumang niloloob Niya na likhain at humihirang ng sinumang niloloob Niya para sa pagtalima sa Kanya at pagkapropeta nito. Hindi ukol sa mga tagapagtambal ang makapili upang tumutol kay Allāh. Nagpawalang-kinalaman Siya – Kaluwalhatian sa Kanya – at nagpakabanal Siya sa anumang sinasamba nila kasama sa Kanya na mga katambal.

Ilan sa mga Pakinabang ng mga Ayah sa Pahinang Ito:

• العاقل من يؤثر الباقي على الفاني.

Ang nakapag-uunawa ay ang sinumang nagtatangi sa nananatili higit sa nagmamaliw.

• التوبة تَجُبُّ ما قبلها.

Ang pagbabalik-loob ay nagpapawalang-saysay sa anumang kasalanan bago nito.

• الاختيار لله لا لعباده، فليس لعباده أن يعترضوا عليه.

Ang pagpili ay ukol kay Allāh, hindi ukol sa mga lingkod Niya, at hindi ukol sa tao na tumutol roon.

• إحاطة علم الله بما ظهر وما خفي من أعمال عباده.

Ang pagkakasaklaw ng kaalaman ni Allāh sa anumang nakalitaw at anumang nakakubli na mga gawain ng mga lingkod Niya.