Salin ng mga Kahulugan Ayah 10 Surah As-Sajdah - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 10

وَقَالُوٓاْ أَءِذَا ضَلَلۡنَا فِي ٱلۡأَرۡضِ أَءِنَّا لَفِي خَلۡقٖ جَدِيدِۭۚ بَلۡ هُم بِلِقَآءِ رَبِّهِمۡ كَٰفِرُونَ

Nagsabi ang mga tagapagtambal na tagapagpasinungaling sa pagkabuhay na muli: "Kapag ba namatay kami, naglaho Kami sa lupa, at ang mga katawan namin ay naging alabok, bubuhayin kaya kami para maging mga buhay muli?" Hindi maiisip iyon!" Bagkus sila, sa reyalidad ng lagay nila, ay mga tagatangging sumampalataya sa pagkabuhay na muli, na hindi sumasampalataya roon.

Ilan sa mga Pakinabang ng mga Ayah sa Pahinang Ito:

• الحكمة من بعثة الرسل أن يهدوا أقوامهم إلى الصراط المستقيم.

Ang kasanhian sa pagpapadala sa mga sugo ay na magpatnubay sila sa mga tao nila tungo sa landasing tuwid.

• ثبوت صفة الاستواء لله من غير تشبيه ولا تمثيل.

Ang pagtitibay sa katangian ng istiwā' (pagluklok) para kay Allāh nang walang isang pagwawangis ni isang pagtutulad.

• استبعاد المشركين للبعث مع وضوح الأدلة عليه.

Ang pagtuturing ng mga tagapagtambal sa kaimposiblehan ng pagkabuhay na muli sa kabila ng kaliwanagan ng mga patunay roon.