Salin ng mga Kahulugan Ayah 47 Surah Al-Ahzāb - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 47

وَبَشِّرِ ٱلۡمُؤۡمِنِينَ بِأَنَّ لَهُم مِّنَ ٱللَّهِ فَضۡلٗا كَبِيرٗا

Magpabatid ka sa mga mananampalataya kay Allāh, na gumagawa ayon sa isinabatas Niya para sa kanila, ng magpapagalak sa kanila na pagkakaroon nila mula kay Allāh – kaluwalhatian sa Kanya – ng isang kabutihang-loob na sukdulan na sumasaklaw sa pag-aadya sa kanila sa Mundo at pagtamo nila sa Kabilang-buhay ng pagpasok sa paraiso.

Ilan sa mga Pakinabang ng mga Ayah sa Pahinang Ito:

• الصبر على الأذى من صفات الداعية الناجح.

Ang pagtitiis sa pananakit ay kabilang sa mga katangian ng matagumpay na tagapag-anyaya ng Islām.

• يُنْدَب للزوج أن يعطي مطلقته قبل الدخول بها بعض المال جبرًا لخاطرها.

Naiibigan para sa asawa na magbigay sa diniborsiyo niya bago ng pakikipagtalik dito ng salapi bilang pamapalubag-loob sa damdamin nito.

• خصوصية النبي صلى الله عليه وسلم بجواز نكاح الهبة، وإن لم يحدث منه.

Ang pagkanatatangi ng Propeta – basbasan siya ni Allāh at batiin ng kapayapaan – sa pagpayag sa pag-aasawa ng handog, kahit pa man hindi nangyari ito mula sa kanya.