Salin ng mga Kahulugan Ayah 35 Surah An-Nisā’ - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 35

وَإِنۡ خِفۡتُمۡ شِقَاقَ بَيۡنِهِمَا فَٱبۡعَثُواْ حَكَمٗا مِّنۡ أَهۡلِهِۦ وَحَكَمٗا مِّنۡ أَهۡلِهَآ إِن يُرِيدَآ إِصۡلَٰحٗا يُوَفِّقِ ٱللَّهُ بَيۡنَهُمَآۗ إِنَّ ٱللَّهَ كَانَ عَلِيمًا خَبِيرٗا

Kung nangamba kayo, O mga katangkilik ng mag-asawa, na umabot ang salungatan sa pagitan nilang dalawa sa pagkamuhi at pagtatalikuran, magpadala kayo ng isang lalaking makatarungan mula sa mag-anak ng lalaki at isang lalaking makatarungan mula sa mag-anak ng babae upang humatol ang dalawang ito ng anumang naroon ang kapakanan gaya ng pagpapahiwalay o pagpapatugma sa pagitan nilang dalawa. Ang pagpapatugma ay higit na kaibig-ibig at higit na karapat-dapat. Kaya kung nagnais nito ang dalawang tagahatol at tumahak ang dalawang ito sa istilong pinakaideyal, magpapatugma si Allāh sa mag-asawa at mag-aalis Siya ng salungatan sa pagitan nilang dalawa. Tunay na si Allāh ay walang nakakukubli sa Kanya na anuman mula sa mga lingkod Niya. Siya ay Maalam sa mga kaliit-liitan ng ikinukubli nila sa mga puso nila.

Ilan sa mga Pakinabang ng mga Ayah sa Pahinang Ito:

• ثبوت قِوَامة الرجال على النساء بسبب تفضيل الله لهم باختصاصهم بالولايات، وبسبب ما يجب عليهم من الحقوق، وأبرزها النفقة على الزوجة.

Ang pagtitibay sa pag-aaruga ng mga lalaki sa mga babae dahilan sa pagtangi ni Allāh sa kanila sa pamamagitan ng paglalaan sa kanila ng mga pagtangkilik at dahilan sa kinakailangan sa kanila na mga tungkulin, na ang pinakalitaw sa mga ito ay ang paggugol sa maybahay.

• التحذير من البغي وظلم المرأة في التأديب بتذكير العبد بقدرة الله عليه وعلوه سبحانه.

Ang pagbibigay-babala sa paglabag at kawalang-katarungan sa babae sa pagdisiplina sa pamamagitan ng pagpapaalaala sa tao sa kakayahan ni Allāh laban dito at sa kataasan Niya – kaluwalhatian sa Kanya.

• التحذير من ذميم الأخلاق، كالكبر والتفاخر والبخل وكتم العلم وعدم تبيينه للناس.

Ang pagbibigay-babala laban sa napupulaan sa mga kaasalan gaya ng pagmamalaki, pagyayabangan, pagtatago ng kaalaman, at kawalan ng paglilinaw nito sa mga tao.