Salin ng mga Kahulugan Ayah 111 Surah Al-Mā’idah - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 111

وَإِذۡ أَوۡحَيۡتُ إِلَى ٱلۡحَوَارِيِّـۧنَ أَنۡ ءَامِنُواْ بِي وَبِرَسُولِي قَالُوٓاْ ءَامَنَّا وَٱشۡهَدۡ بِأَنَّنَا مُسۡلِمُونَ

Bumanggit ka ng kabilang sa ibiniyaya ko sa iyo na nagkaloob Ako sa iyo ng mga katulong nang nagpahiwatig Ako sa mga disipulo na sumampalataya sila sa Akin at sa iyo kaya nagpaakay naman sila roon, tumugon, at nagsabi: "Sumampalataya kami at sumaksi Ka, O Panginoon namin, na kami ay mga sumusuko sa Iyo, mga nagpapaakay."

Ilan sa mga Pakinabang ng mga Ayah sa Pahinang Ito:

• إثبات جمع الله للخلق يوم القيامة جليلهم وحقيرهم.

Ang pagpapatunay sa pagtitipon ni Allāh sa mga nilikha sa Araw ng Pagbangon, ang kapita-pitagan sa kanila at ang kalait-lait sa kanila.

• إثبات بشرية المسيح عليه السلام وإثبات آياته الحسية من إحياء الموتى وإبراء الأكمه والأبرص التي أجراها الله على يديه.

Ang pagpapatibay sa pagkatao ni Kristo – sumakanya ang pagbati ng kapayapaan – ay ang pagpapatibay ng mga himala niyang pisikal gaya ng pagbibigay-buhay sa mga patay at pagpapagaling sa ipinanganak na bulag at ketongin, na pinangyari ni Allāh sa mga kamay niya.

• بيان أن آيات الأنبياء تهدف لتثبيت الأتباع وإفحام المخالفين، وأنها ليست من تلقاء أنفسهم، بل تأتي بإذن الله تعالى.

Ang paglilinaw na ang mga himala ng mga propeta ay naglalayon ng pagpapatatag sa mga tagasunod at pagsupalpal sa mga tagasalungat at na ang mga ito ay hindi mula sa pagkukusa ng mga sarili nila, bagkus dumarating ayon sa pahintulot ni Allāh – pagkataas-taas Siya.