Salin ng mga Kahulugan Ayah 1 Surah Al-Mujādalah - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Al-Mujādalah

Ilan sa mga Layon ng Surah:

إظهار علم الله الشامل وإحاطته البالغة، تربيةً لمراقبته، وتحذيرًا من مخالفته.

Ang paghahayag ng malawakang kaalaman ni Allāh at ang malalim na pagkakasaklaw Niya bilang edukasyon para sa pagmamasid sa Kanya at bilang pagbibigay-babala laban sa pagsalungat sa Kanya.

---

Ayah: 1

قَدۡ سَمِعَ ٱللَّهُ قَوۡلَ ٱلَّتِي تُجَٰدِلُكَ فِي زَوۡجِهَا وَتَشۡتَكِيٓ إِلَى ٱللَّهِ وَٱللَّهُ يَسۡمَعُ تَحَاوُرَكُمَآۚ إِنَّ ٱللَّهَ سَمِيعُۢ بَصِيرٌ

Narinig nga ni Allāh ang pananalita ng babae (si Khawlah bint Tha`labah) na sumasangguni sa iyo, O Sugo, hinggil sa pumapatungkol sa asawa niya (si Aws bin Aṣ-Ṣāmit) noong nagsagawa ito sa kanya ng diborsiyong dhihār (paghahalintulad sa maybahay sa ina ng asawa) at dumaraing kay Allāh ng ginawa sa kanya ng asawa niya. Si Allāh ay nakaririnig sa pagsasanggunian ninyong dalawa sa pag-uusap; walang nakakukubli kay Allāh mula roon na anuman. Tunay na si Allāh ay Madinigin sa mga sinasabi ng mga lingkod Niya, Nakakikita sa mga ginagawa nila: walang nakakukubli sa Kanya mula sa mga iyon na anuman.

Ilan sa mga Pakinabang ng mga Ayah sa Pahinang Ito:

• لُطْف الله بالمستضعفين من عباده من حيث إجابة دعائهم ونصرتهم.

Ang kabaitan ni Allāh sa mga sinisiil kabilang sa mga lingkod Niya sa panig ng pagsagot sa panalangin nila at pag-aadya sa kanila.

• من رحمة الله بعباده تنوع كفارة الظهار حسب الاستطاعة ليخرج العبد من الحرج.

Bahagi ng awa ni Allāh sa mga lingkod Niya ang pagsasarisari sa panakip-sala sa dhihār alinsunod sa kakayahan upang palabasin ang tao mula sa kagipitan.

• في ختم آيات الظهار بذكر الكافرين؛ إشارة إلى أنه من أعمالهم، ثم ناسب أن يورد بعض أحوال الكافرين.

Sa pagtatapos ng mga talata tungkol sa dhihār sa pamamagitan ng pagbanggit sa mga tagatangging sumampalataya ay bilang pahiwatig na ito ay bahagi ng mga gawain nila. Pagkatapos naangkop na magsaad ng ilan sa mga kalagayan ng mga tagatangging sumampalataya.