Anlam tercümesi Sure Sûratu'l-En'âm - Muhtasar Kur'an-ı Kerim Tefsiri Fulani Tercümesi - Sayfa numarası 150 - Kur'an-ı Kerim Ansiklopedisi

Ayet: 158

هَلۡ يَنظُرُونَ إِلَّآ أَن تَأۡتِيَهُمُ ٱلۡمَلَٰٓئِكَةُ أَوۡ يَأۡتِيَ رَبُّكَ أَوۡ يَأۡتِيَ بَعۡضُ ءَايَٰتِ رَبِّكَۗ يَوۡمَ يَأۡتِي بَعۡضُ ءَايَٰتِ رَبِّكَ لَا يَنفَعُ نَفۡسًا إِيمَٰنُهَا لَمۡ تَكُنۡ ءَامَنَتۡ مِن قَبۡلُ أَوۡ كَسَبَتۡ فِيٓ إِيمَٰنِهَا خَيۡرٗاۗ قُلِ ٱنتَظِرُوٓاْ إِنَّا مُنتَظِرُونَ

Ɓee fennooɓe habbitaaki si wanaa nde Malaa'ikaajo waroowo on, o ɓoora wonkiiji maɓɓe ɗin aduna, maa nde Joomi maɓɓe Arata Ñaawugol hakkunde maɓɓe laakara, maa nde yoga e maandeeji Joomi maa tinndinɗinayɗi Darngal arata. Ñalnde non yoga e maandeeji Joomi maa ari -wano fuɗirgol naange ngen mutal- gomɗinal keefeero nafoytaa, gomɗinal gomɗinɗo kadi nafoytaa si o gollaano moƴƴere ado nden ñalnde. Nulaaɗo, maakan ɓee sirkooɓe : "Habbitee gootun e ɗin piiji, menen doo meɗen habbitii".

Ayet: 159

إِنَّ ٱلَّذِينَ فَرَّقُواْ دِينَهُمۡ وَكَانُواْ شِيَعٗا لَّسۡتَ مِنۡهُمۡ فِي شَيۡءٍۚ إِنَّمَآ أَمۡرُهُمۡ إِلَى ٱللَّهِ ثُمَّ يُنَبِّئُهُم بِمَا كَانُواْ يَفۡعَلُونَ

Pellet, ɓen waɗuɓe diina kan pecce-pecce, immorde e Alyahuuda e Annasaara ; tawde ɓe ƴettii yoga e makka ɓe tertii yoga, an Nulaaɗo, a jeyaaka e maɓɓe e huunde, ko o daɗndiiɗo e nde majjere maɓɓe. A fawaaka e maɓɓe si wanaa yottingol, fiyaake maɓɓe ko faade ka Alla. Refti O Humpitoyay ɓe Ñalnde Darngal, ko ɓe laatinoo hiɓe golla aduna, O Yoɓita ɓe ɗum.

Ayet: 160

مَن جَآءَ بِٱلۡحَسَنَةِ فَلَهُۥ عَشۡرُ أَمۡثَالِهَاۖ وَمَن جَآءَ بِٱلسَّيِّئَةِ فَلَا يُجۡزَىٰٓ إِلَّا مِثۡلَهَا وَهُمۡ لَا يُظۡلَمُونَ

Kala gomɗinɗo arduɗo moƴƴere Ñalnde Darngal, All Sowiranay mo moƴƴi sappo ; kala kadi arduɗo e bone, o leptirtaake si wanaa yeru makko. Kamɓe ɓe tooñoytaake Ñalnde Darangal ; ɓe tooñiroytaake ɗuytagol moƴƴere, wanaa kadi ɓeydaneede bonɗi.

Ayet: 161

قُلۡ إِنَّنِي هَدَىٰنِي رَبِّيٓ إِلَىٰ صِرَٰطٖ مُّسۡتَقِيمٖ دِينٗا قِيَمٗا مِّلَّةَ إِبۡرَٰهِيمَ حَنِيفٗاۚ وَمَا كَانَ مِنَ ٱلۡمُشۡرِكِينَ

Nulaaɗo, maakan ɓee sirkooɓe : "Min, Joomi am Fewnirii lam laawol focciingol ; ngol woni laawol diina ñiiɓuka e moƴƴere aduna e laakara, kan woni diina Ibraahiima, ooññoriiɗo e diina goonga, mo jeyanooka e sirkooɓe ɓen".

Ayet: 162

قُلۡ إِنَّ صَلَاتِي وَنُسُكِي وَمَحۡيَايَ وَمَمَاتِي لِلَّهِ رَبِّ ٱلۡعَٰلَمِينَ

Maaku an Nulaaɗo : "Pellet, julde am nden, e kirse am ɗen ko Alla woodani, wanaa goɗɗum goo, nguurndam am ɗam e maayde am nden kadi fow ko Alla Jeyɗo Tagoore nden tun woodani, goɗɗo goo alaa geɓal e ɗum".

Ayet: 163

لَا شَرِيكَ لَهُۥۖ وَبِذَٰلِكَ أُمِرۡتُ وَأَنَا۠ أَوَّلُ ٱلۡمُسۡلِمِينَ

Kanko Seniiɗo On O Alaa kafidiiɗo, reweteeɗo e goonga alaa ko woori Mo. Ko oo tawhiidi ɗoo Alla Yamiri lam, ko mi arano e jebbilanii ɓe Mo e ɗee mofte.

Ayet: 164

قُلۡ أَغَيۡرَ ٱللَّهِ أَبۡغِي رَبّٗا وَهُوَ رَبُّ كُلِّ شَيۡءٖۚ وَلَا تَكۡسِبُ كُلُّ نَفۡسٍ إِلَّا عَلَيۡهَاۚ وَلَا تَزِرُ وَازِرَةٞ وِزۡرَ أُخۡرَىٰۚ ثُمَّ إِلَىٰ رَبِّكُم مَّرۡجِعُكُمۡ فَيُنَبِّئُكُم بِمَا كُنتُمۡ فِيهِ تَخۡتَلِفُونَ

Nulaaɗo, maakan ɓee sirkooɓe : "E ko tanaa Alla mi ɗaɓɓata reweteeɗo, ko Kanko Seniiɗo On woni Jeyɗo kala huunde?! Ko Kanko woni reweteeɗo e goonga on. Wonkii woo ronnditotaako bone wonkii goo. Refti ko faade ka Joomi mon woni ruttorde mon Ñalnde Darngal,O Humpita on ko laatinoɗon hiɗon luutondira e muuɗum aduna e fii diina.

Ayet: 165

وَهُوَ ٱلَّذِي جَعَلَكُمۡ خَلَٰٓئِفَ ٱلۡأَرۡضِ وَرَفَعَ بَعۡضَكُمۡ فَوۡقَ بَعۡضٖ دَرَجَٰتٖ لِّيَبۡلُوَكُمۡ فِي مَآ ءَاتَىٰكُمۡۗ إِنَّ رَبَّكَ سَرِيعُ ٱلۡعِقَابِ وَإِنَّهُۥ لَغَفُورٞ رَّحِيمُۢ

Ko Alla woni Waɗuɗo on lontotooɓe adinooɓe on ka leydi, O Ɓamtiri yoga mon ka tagu e ka arsike ekn senngo dow yoga, darjaaji ; fii yo O Ndaarndo on e kon ko O Okki on. Pellet, Joomi maaɗa an Nulaaɗo, ko yaawuɗo lepte, Kanko kadi ko O Haforanoowo tuubuɗo e jeyaaɓe Makko ɓen, Hinnotooɗo ɓe.

Bu sayfadaki ayetlerin faydaları:

• أن الدين يأمر بالاجتماع والائتلاف، وينهى عن التفرق والاختلاف.

Wonnde diina kan no yamiri rentude ewoowondiral, haɗi luutondiral.

• من تمام عدله تعالى وإحسانه أنه يجازي بالسيئة مثلها، وبالحسنة عشرة أمثالها، وهذا أقل ما يكون من التضعيف.

Hino jeyaa e nunɗal Alla, tawde O Yoɓitiray bone on yeru makko, moƴƴere nden sappo yeru mayre.

• الدين الحق القَيِّم يتطَلب تسخير كل أعمال العبد واهتماماته لله عز وجل، فله وحده يتوجه العبد بصلاته وعبادته ومناسكه وذبائحه وجميع قرباته وأعماله في حياته وما أوصى به بعد وفاته.

Diina jaɓaaka, hino lamndii eltugol golle jeyaaɗo on fii Alla tun. O Fewtira Mo dewe makko julde ɗen e kirse ɗen e denndaangal ko Alla ɓaɗtortee.